9.5C Vancouver 9.5C VancouverMar 9, 2020 7:16 PM -
ਬ੍ਰਿਟਿਸ਼ ਕੋਲੰਬੀਆ 'ਚ ਕੋਵਿਡ-19 ਦੇ ਕਾਰਨ ਇੱਕ ਵਿਅਕਤੀ ਦੀ ਜਾਨ ਚਲੀ ਗਈ ਹੈ।
ਇਹ ਇਸ ਬਿਮਾਰੀ ਦੇ ਕਾਰਨ, ਸੂਬੇ 'ਚ ਹੋਣ ਵਾਲੀ ਪਹਿਲੀ ਮੌਤ ਦਾ ਮਾਮਲਾ ਹੈ।
ਸੋਮਵਾਰ ਨੂੰ ਸਿਹਤ ਅਧਿਕਾਰੀਆਂ ਨੇ ਇਸ ਮਾਮਲੇ ਨੂੰ ਲੈਕੇ, ਕਰੀਬ ਸਵੇਰੇ 11 ਵਜੇ ਜਾਣਕਾਰੀ ਸਾਂਝੀ ਕੀਤੀ ਹੈ।
ਉੱਤਰੀ ਵੈਨਕੂਵਰ ਦੇ ਲਿਨ ਵੈਲੀ 'ਚ ਇੱਕ ਕੇਅਰ ਹੋਮ 'ਚ ਸ਼ਨੀਵਾਰ ਨੂੰ ਇਸ ਪੀੜਤ ਬਾਰੇ ਜਾਣਕਾਰੀ ਸਾਂਝੀ ਕੀਤੀ ਗਈ ਸੀ।
ਅੱਜ ਦੱਸਿਆ ਗਿਆ ਕਿ ਐਤਵਾਰ ਨੂੰ ਇਸ ਵਿਅਕਤੀ ਨੇ ਦਮ ਤੋੜ ਦਿੱਤਾ ਸੀ।
ਇਸਤੋਂ ਅਲਾਵਾ ਅੱਜ ਬੀ.ਸੀ. 'ਚ 5 ਹੋਰ ਕੋਰੋਨਾ ਵਾਇਰਸ ਦੇ ਮਾਮਲੇ ਉਜਾਗਰ ਹੋਣ ਬਾਰੇ ਦੱਸਿਆ ਗਿਆ ਹੈ।
ਹੁਣ ਬੀ.ਸੀ. 'ਚ ਇਸ ਵਾਇਰਸ ਨਾਲ ਪੀੜਤ ਲੋਕਾਂ ਦੀ ਗਿਣਤੀ 32 ਤਕ ਪਹੁੰਚ ਗਈ ਹੈ।
ਅੱਜ ਸੂਬੇ ਦੀ ਸਿਹਤ ਅਧਿਕਾਰੀ ਡਾ. ਬੌਨੀ ਹੈਨਰੀ ਅਤੇ ਸੂਬੇ ਦੇ ਸਿਹਤ ਮੰਤਰੀ, ਐਡਰੀਅਨ ਡਿਕਸ ਨੇ ਮੀਡੀਆ ਦੇ ਰੂਬਰੂ ਹੁੰਦੇ ਹੋਏ ਇਨ੍ਹਾਂ ਮਾਮਲਿਆਂ ਬਾਰੇ ਜਾਣਕਾਰੀ ਦਿੱਤੀ ਹੈ।
ਐਡਰੀਅਨ ਡਿਕਸ ਨੇ ਮ੍ਰਿਤਕ ਵਿਅਕਤੀ ਦੇ ਪਰਿਵਾਰ ਅਤੇ ਸੂਬੇ ਲਈ, ਇਸਨੂੰ ਬੇਹਦ ਦੁੱਖ ਦੀ ਘੜੀ ਦੱਸਿਆ ਹੈ।
