13.91C Vancouver 13.91C VancouverSep 4, 2025 1:34 PM - The Associated Press
ਪੁਰਤਗਾਲ ਦੀ ਰਾਜਧਾਨੀ ਲਿਸਬਨ ਵਿਚ ਬੁੱਧਵਾਰ ਨੂੰ ਹੋਏ ਸਟ੍ਰੀਟ ਕਾਰ ਹਾਦਸੇ ਵਿਚ ਮਰਨ ਵਾਲੇ ਲੋਕਾਂ ਦੀ ਗਿਣਤੀ 17 ਹੋ ਗਈ ਹੈ, ਸਟ੍ਰੀਟਕਾਰ ਇੱਥੋਂ ਦੀ ਇਤਿਹਾਸਕ ਟੂਰਿਸਟ ਟ੍ਰੇਨ ਹੈ ਜੋ ਬੁੱਧਵਾਰ ਨੂੰ ਪਟੜੀ ਤੋਂ ਉਤਰ ਗਈ,ਜਿਸ ਤੋਂ ਬਾਅਦ ਇਹ ਇੱਕ ਇਮਾਰਤ ਨਾਲ ਟਕਰਾਈ। ਹਾਦਸੇ ਸਮੇਂ ਟ੍ਰੇਨ ਵਿਚ ਕਈ ਵਿਦੇਸ਼ੀ ਸੈਲਾਨੀ ਅਤੇ ਸਥਾਨਕ ਲੋਕ ਬੈਠੇ ਸਨ। ਇਸ ਹਾਦਸੇ ਵਿਚ 21 ਹੋਰ ਲੋਕ ਜ਼ਖਮੀ ਹੋਏ ਹਨ, ਜਿਨ੍ਹਾਂ ਵਿਚ 24 ਤੋਂ 65 ਸਾਲ ਦੀ ਉਮਰ ਦੇ ਮਰਦ ਅਤੇ ਔਰਤਾਂ ਦੇ ਨਾਲ-ਨਾਲ ਇੱਕ 3 ਸਾਲ ਦਾ ਬੱਚਾ ਵੀ ਸ਼ਾਮਲ ਹੈ।
ਹਾਦਸੇ ਨੂੰ ਦੇਖਦੇ ਹੋਏ ਪੁਰਤਗਾਲ ਵਿਚ ਅੱਜ ਯਾਨੀ ਵੀਰਵਾਰ ਨੂੰ ਰਾਸ਼ਟਰੀ ਸੋਗ ਦਾ ਐਲਾਨ ਕੀਤਾ ਗਿਆ ਸੀ। ਅਧਿਕਾਰੀਆਂ ਨੇ ਇਸ ਨੂੰ ਲਿਸਬਨ ਦੇ ਇਤਿਹਾਸ ਦਾ ਸਭ ਤੋਂ ਭਿਆਨਕ ਹਾਦਸਾ ਦੱਸਿਆ।
ਜ਼ਖਮੀਆਂ ਵਿਚ ਪੁਰਤਗਾਲੀ ਲੋਕਾਂ ਦੇ ਨਾਲ-ਨਾਲ ਦੋ ਜਰਮਨ ਦੇ,ਦੋ ਸਪੈਨਿਸ਼ ਦੇ ਅਤੇ ਇਸ ਤੋਂ ਇਲਾਵਾ ਫਰਾਂਸ,ਇਟਲੀ, ਸਵਿਟਜ਼ਰਲੈਂਡ,ਕੈਨੇਡਾ, ਮੋਰੋਕੋ, ਦੱਖਣੀ ਕੋਰੀਆ ਅਤੇ ਕੇਪ ਵਰਡੇ ਦਾ ਇੱਕ-ਇੱਕ ਵਿਅਕਤੀ ਸ਼ਾਮਲ ਹੈ। ਫਿਲਹਾਲ ਮ੍ਰਿਤਕਾਂ ਦੇ ਨਾਮ ਜਾਂ ਉਹ ਕਿੱਥੋਂ ਦੇ ਸਨ ਇਹ ਜਾਣਕਾਰੀ ਨਹੀਂ ਦਿੱਤੀ ਗਈ,ਅਧਿਕਾਰੀਆਂ ਦਾ ਕਹਿਣਾ ਸੀ ਕਿ ਪਹਿਲਾਂ ਉਨ੍ਹਾਂ ਦੇ ਪਰਿਵਾਰਾਂ ਨੂੰ ਸੂਚਿਤ ਕੀਤਾ ਜਾਵੇਗਾ।
