13.12C Vancouver 13.12C VancouverAug 28, 2023 7:39 PM - Connect News
ਸਟੈਟਿਸਟਿਕਸ ਕੈਨੇਡਾ ਦੇ ਅਨੁਸਾਰ ਕੈਨੇਡਾ ਵਿੱਚ 2021 ਵਿੱਚ 311,640 ਮੌਤਾਂ ਹੋਈਆਂ, ਜੋ ਕਿ 2020 ਦੇ ਮੁਕਾਬਲੇ 1.0% ਵੱਧ ਹਨ।
ਕੈਨੇਡਾ ਵਿੱਚ ਪਿਛਲੇ ਸਾਲ ਨਾਲੋਂ 2021 ਵਿੱਚ ਵਧੇਰੇ ਲੋਕਾਂ ਦੀ ਮੌਤ ਹੋਈ ਹੈ।
ਕੈਂਸਰ, ਦਿਲ ਦੀ ਬਿਮਾਰੀ, ਓਵਰਡੋਜ਼ ਅਤੇ ਕੋਵਿਡ-19 ਨੂੰ ਮੌਤ ਦੇ ਪ੍ਰਮੁੱਖ ਕਾਰਨਾਂ ਵਜੋਂ ਦਰਸਾਇਆ ਗਿਆ ਹੈ।
ਮਰਦਾਂ ਦੀ ਮੌਤ ਵਿੱਚ 2.5% ਦਾ ਵਾਧਾ ਹੋਇਆ, ਅਤੇ ਔਰਤਾਂ ਦੀ ਮੌਤ ਵਿੱਚ 2020 ਦੇ ਮੁਕਾਬਲੇ 0.5% ਦੀ ਕਮੀ ਆਈ ਹੈ।
ਸਟੈਟਕੈਨ ਦਾ ਕਹਿਣਾ ਹੈ ਕਿ ਕੈਂਸਰ ਅਤੇ ਦਿਲ ਦੀ ਬਿਮਾਰੀ ਮੌਤ ਦੇ ਦੋ ਪ੍ਰਮੁੱਖ ਕਾਰਨ ਬਣੇ ਹੋਏ ਹਨ।
2021 ਵਿੱਚ ਦੁਰਘਟਨਾ ਵਿੱਚ ਹੋਣ ਵਾਲੀਆਂ ਮੌਤਾਂ ਵਿੱਚ 14.5 ਫੀਸਦੀ ਦਾ ਵਾਧਾ ਹੋਇਆ ਹੈ।
ਮੌਤ ਦਾ ਚੌਥਾ ਪ੍ਰਮੁੱਖ ਕਾਰਨ ਕੋਵਿਡ-19 ਦੱਸਿਆ ਗਿਆ ਹੈ ਜਿਸਨੇ ਕੈਨੇਡੀਅਨਾਂ ਦੀ ਸਿਹਤ ਨੂੰ ਵੀ ਪ੍ਰਭਾਵਿਤ ਕਰਨਾ ਜਾਰੀ ਰੱਖਿਆ।
ਅੰਕੜੇ ਦਰਸਾਉਂਦੇ ਹਨ ਕਿ ਮਹਾਂਮਾਰੀ ਦੇ ਦੂਜੇ ਸਾਲ ਵਿੱਚ 65 ਸਾਲ ਤੋਂ ਘੱਟ ਉਮਰ ਦੇ ਲੋਕਾਂ ਦੀ ਮੌਤ ਕੋਵਿਡ-19 ਕਾਰਨ ਦੁੱਗਣੇ ਤੋਂ ਵੀ ਵੱਧ ਹੋਈ ਹੈ।
ਏਜੰਸੀ ਦਾ ਕਹਿਣਾ ਹੈ ਕਿ 2021 ਵਿੱਚ ਇਸ ਬਿਮਾਰੀ ਨਾਲ 2,600 ਤੋਂ ਵੱਧ ਨੌਜਵਾਨ ਕੈਨੇਡੀਅਨਾਂ ਦੀ ਮੌਤ ਹੋ ਗਈ ਅਤੇ ਉਨ੍ਹਾਂ ਵਿੱਚੋਂ ਲਗਭਗ 66 ਪ੍ਰਤੀਸ਼ਤ ਪੁਰਸ਼ ਸ਼ਾਮਿਲ ਸਨ।
ਨਿਊਫਿਨਲੈਂਡ, ਲੈਬਰਾਡੋਰ, ਪ੍ਰਿੰਸ ਐਡਵਰਡ ਆਈਲੈਂਡ, ਨਿਊ ਬਰੰਜ਼ਵਿਕ, ਸਸਕੈਚਵਨ ਅਤੇ ਬ੍ਰਿਟਿਸ਼ ਕੋਲੰਬੀਆ ਦੇ ਨਾਲ ਨੌਰਥ ਵੈਸਟ ਪ੍ਰਦੇਸ਼ ਮੌਤ ਦਰ ਨਾਲ ਬਹੁਤ ਜ਼ਿਆਦਾ ਪ੍ਰਭਾਵਿਤ ਹੋਏ ਹਨ।
ਕਿਊਬੈਕ ਵਿੱਚ ਮੌਤਾਂ ਵਿੱਚ ਸਭ ਤੋਂ ਵੱਧ 7.1 ਪ੍ਰਤੀਸ਼ਤ ਦੀ ਗਿਰਾਵਟ ਆਈ, ਇਸ ਤੋਂ ਬਾਅਦ ਮੈਨੀਟੋਬਾ ਵਿੱਚ 3.3 ਪ੍ਰਤੀਸ਼ਤ ਦੀ ਗਿਰਾਵਟ ਆਈ ਹੈ।
