19.51C Vancouver 19.51C VancouverJun 14, 2024 1:47 PM - The Canadian Press
ਕੈਨੇਡਾ ਵਲੋਂ ਯੂਕਰੇਨ ਦੀ ਸਪੋਰਟ ਲਈ ਹੋਰ ਮਿਲਟਰੀ ਸਾਜੋ-ਸਾਮਾਨ ਦਿੱਤਾ ਜਾ ਰਿਹਾ ਹੈ। ਇਸ ਦੀ ਘੋਸ਼ਣਾ ਡਿਫੈਂਸ ਮਿਨਿਸਟਰ ਬਿਲ ਬਲੇਅਰ ਨੇ ਕੀਤੀ, ਨਾਟੋ ਦੀ ਮੀਟਿੰਗ ਲਈ ਬੈਲਜੀਅਮ ਦੀ ਰਾਜਧਾਨੀ ਬਰੱਸਲਜ਼ ਵਿਚ ਸਨ।
ਟਵਿੱਟਰ ਉੱਤੇ ਇੱਕ ਪੋਸਟ ਵਿਚ ਬਲੇਅਰ ਨੇ ਕਿਹਾ ਕਿ ਕੈਨੇਡਾ ਸਰਕਾਰ ਯੂਕਰੇਨ ਦੀ ਰੱਖਿਆ ਸਮਰੱਥਾ ਨੂੰ ਮਜ਼ਬੂਤ ਕਰਨ ਲਈ ਕੈਨੇਡਾ ਵਿਚ ਬਣੇ 900 ਡਰੋਨ ਦਾਨ ਕਰ ਰਹੀ ਹੈ।
ਡਿਫੈਂਸ ਮਿਨਿਸਟਰ ਦੀ ਤਾਜ਼ਾ ਘੋਸ਼ਣਾ ਸ਼ੁੱਕਰਵਾਰ ਨੂੰ ਅਜਿਹੇ ਸਮੇਂ ਆਈ ਹੈ ਜਦੋਂ ਨਾਟੋ ਦੇ ਮੈਂਬਰ ਦੇਸ਼ ਆਪੋ-ਆਪਣੀਆਂ ਫੌਜਾਂ ’ਤੇ ਜੀ.ਡੀ.ਪੀ. ਦਾ ਦੋ ਪ੍ਰਤੀਸ਼ਤ ਖਰਚ ਕਰਨ ਦੇ ਸਹਿਮਤ ਹੋਏ ਟੀਚੇ ਨੂੰ ਪੂਰਾ ਕਰਨ ਲਈ ਕੰਮ ਕਰ ਰਹੇ ਹਨ। ਨਾਟੋ ਦੇ ਅੰਕੜਿਆਂ ਅਨੁਸਾਰ, ਕੈਨੇਡਾ ਆਪਣੇ ਮਿਲਟਰੀ ਬਜਟ ’ਤੇ ਆਪਣੀ ਜੀ.ਡੀ. ਪੀ. ਦਾ ਮਾਤਰ 1.33 ਫੀਸਦੀ ਖਰਚ ਕਰ ਰਿਹਾ ਹੈ।
ਡਿਫੈਂਸ ਮਿਨਿਸਟਰ ਬਿਲ ਬਲੇਅਰ ਨੇ ਕਿਹਾ ਕਿ ਕੈਨੇਡਾ ਨਾਟੋ ਦੇ ਫੌਜੀ ਖਰਚੇ ਸੰਬੰਧੀ ਦਿਸ਼ਾ-ਨਿਰਦੇਸ਼ਾਂ ਨੂੰ ਪੂਰਾ ਕਰਨ ਦੇ ਰਾਹ ’ਤੇ ਨਜ਼ਰ ਆ ਰਿਹਾ ਹੈ।
ਗੌਰਤਲਬ ਹੈ ਕਿ ਪਿਛਲੇ ਸਾਲ ਜਦੋਂ ਇਹ ਸਪੱਸ਼ਟ ਹੋ ਗਿਆ ਕਿ ਯੂਕਰੇਨ ਨਾਲ ਰੂਸ ਦੀ ਜੰਗ ਜਾਰੀ ਰਹੇਗੀ ਤਾਂ ਨਾਟੋ ਨੇ ਮਿਲਟਰੀ ਖ਼ਰਚ ਨੂੰ ਜੀ.ਡੀ.ਪੀ. ਦੇ ਦੋ ਫੀਸਦੀ ਤੱਕ ਲਿਜਾਣ ਦਾ ਟੀਚਾ ਤੈਅ ਕੀਤਾ ਸੀ।
