10.87C Vancouver 10.87C VancouverFeb 17, 2021 11:03 AM -
ਦਿੱਲੀ ਪੁਲਿਸ ਦੇ ਖ਼ਾਸ ਸੈੱਲ ਵੱਲੋਂ 26 ਜਨਵਰੀ ਨੂੰ ਲਾਲ ਕਿਲੇ 'ਤੇ ਹੋਈ ਹਿੰਸਾ 'ਚ ਸ਼ਾਮਲ ਲੋਕਾਂ 'ਚੋਂ ਇੱਕ ਅਤਿ ਲੋੜੀਂਦੇ ਮਨਿੰਦਰ ਸਿੰਘ ਨੂੰ ਗਿਰਫ਼ਤਾਰ ਕਰ ਲਿਆ ਗਿਆ ਹੈI
ਪੁਲਿਸ ਵੱਲੋਂ ਮਿਲੀ ਜਾਣਕਾਰੀ ਮੁਤਾਬਕ ਉਸਦੇ ਸਵਰੂਪ ਨਗਰ ਦੇ ਘਰ 'ਚੋਂ ਦੋ 4.3 ਫੁਟ ਦੀਆਂ ਕਿਰਪਾਨਾਂ ਬਰਾਮਦ ਕੀਤੀਆਂ ਗਈਆਂ ਹਨI
ਇਸਦੇ ਨਾਲ ਹੀ 26 ਜਨਵਰੀ ਨੂੰ ਲਾਲ ਕਿਲੇ 'ਤੇ ਕਿਰਪਾਨਾਂ ਲਹਿਰਾਉਣ ਦੀ ਲੰਮੀ ਵੀਡੀਓ ਵੀ ਉਸਦੇ ਮੋਬਾਈਲ 'ਚੋਂ ਮਿਲੀ ਹੈI
ਸਿੰਘੂ ਬਾਰਡਰ 'ਤੇ ਧਰਨੇ ਦੀ ਥਾਂ 'ਤੇ ਉਸਦੇ ਹਾਜ਼ਰ ਹੋਣ ਦੀਆਂ ਤਸਵੀਰਾਂ ਵੀ ਉਸਦੇ ਫੋਨ 'ਚੋਂ ਮਿਲੀਆਂ ਹਨI
ਇਹ 30 ਸਾਲਾ ਸ਼ਖਸ, ਜੋ 'ਮੋਨੀ' ਦੇ ਨਾਂਅ ਨਾਲ ਵੀ ਜਾਣਿਆ ਜਾਂਦਾ ਹੈ, ਕਾਰ ਏਸੀ ਮਕੈਨਿਕ ਦੇ ਤੌਰ 'ਤੇ ਕੱਮ ਕਰਦਾ ਹੈI
ਮਨਿੰਦਰ ਸਿੰਘ ਨੂੰ ਮੰਗਲਵਾਰ ਨੂੰ ਸ਼ਾਮ ਨੂੰ ਤਕਰੀਬਨ 7:45 ਵਜੇ ਪੀਤਮਪੁਰਾ ਦੇ ਨੇੜੇ ਸੀਡੀ ਬਲੋਕ ਦੇ ਬੱਸ ਅੱਡੇ ਤੋਂ ਅਪਰਾਧਕ ਕਾਰਵਾਈ ਦੀ ਧਾਰਾ (ਕ੍ਰਿਮੀਨਲ ਪੀਸੀ) 41.1 ਦੇ ਤਹਿਤ ਗਿਰਫ਼ਤਾਰ ਕੀਤਾ ਗਿਆ ਹੈI
ਪੁਲਿਸ ਰਿਲੀਜ਼ 'ਚ ਆਖਿਆ ਗਿਆ ਹੈ,"ਗਿਰਫ਼ਤਾਰ ਕੀਤਾ ਗਿਆ ਸ਼ਖਸ ਲਾਲ ਕਿਲੇ 'ਤੇ ਦੋ ਕਿਰਪਾਨਾਂ ਲਹਿਰਾ ਕੇ ਅੱਤਵਾਦੀ ਕਾਰਵਾਈਆਂ ਨੂੰ ਪ੍ਰੇਰਦਾ ਅਤੇ ਦੇਸ਼ ਵਿਰੋਧੀ ਹਿੰਸਕ ਕਾਰਵਾਈਆਂ ਨੂੰ ਵਧਾਉਂਦਾ ਵੇਖਿਆ ਗਿਆ ਹੈ, ਜੋ ਕਿ ਡਿਊਟੀ 'ਤੇ ਤਾਇਨਾਤ ਪੁਲਿਸ ਵਾਲਿਆਂ 'ਤੇ ਕਿਰਪਾਨਾਂ, ਖੰਡੇ, ਲੋਹੇ ਦੀਆਂ ਰਾਡਾਂ, ਕੁਹਾੜੀਆਂ, ਬਰਛੇ ਅਤੇ ਡੰਡੇ ਆਦਿ ਵਰਗੀਆਂ ਹਿੰਸਕ ਕਾਰਵਾਈਆਂ ਹੇਠ ਆਉਂਦਾ ਹੈ, ਜਿਸ ਨਾਲ 2021 ਦੇ ਗਣਤੰਤਰ ਦਿਹਾੜੇ ਮੌਕੇ ਇਤਿਹਾਸਕ ਸਮਾਰਕ, ਲਾਲ ਕਿਲੇ ਨੂੰ ਨੁਕਸਾਨ ਪਹੁੰਚਾਉਣ ਲਈ ਕੀਤੀਆਂ ਗਈਆਂI"
ਪੁਲਿਸ ਨੇ ਆਖਿਆ ਕਿ ਗਿਰਫ਼ਤਾਰ ਕੀਤੇ ਗਏ ਦੋਸ਼ੀ ਨੇ ਖੁਲਾਸਾ ਕੀਤਾ ਹੈ ਕਿ ਉਹ ਫੇਸਬੁੱਕ 'ਤੇ ਭੜਕਾਊ ਪੋਸਟਾਂ ਵੇਖ ਕੇ ਭੜਕਿਆ ਸੀI
ਉਹ ਅਕਸਰ ਸਿੰਘੂ ਬਾਰਡਰ 'ਤੇ ਜਾਂਦਾ ਸੀ ਅਤੇ ਆਗੂਆਂ ਦੀਆਂ ਤਕਰੀਰਾਂ ਸੁਣਕੇ ਬਹੁਤ ਪ੍ਰੇਰਿਤ ਹੁੰਦਾ ਸੀI
ਦਿੱਲੀ ਪੁਲਿਸ ਮੁਤਾਬਕ ਦੋਸ਼ੀ ਨੇ ਇਹ ਖ਼ੁਲਾਸਾ ਵੀ ਕੀਤਾ ਹੈ ਕਿ ਉਸਨੇ ਸਵਰੂਪ ਨਗਰ ਇਲਾਕੇ 'ਚ ਆਪਣੇ ਆਂਢ-ਗੁਆਂਢ ਦੇ 6 ਲੋਕਾਂ ਨੂੰ ਵੀ ਇਸ ਲਈ ਪ੍ਰੇਰਿਆ ਸੀI
ਅੱਗੇ ਇਸ ਰਿਲੀਜ਼ 'ਚ ਆਖਿਆ ਗਿਆ ਹੈ,"ਉਹ 6 ਜਣੇ 26 ਜਨਵਰੀ,2021 ਨੂੰ ਕੀਤੀ ਗਈ ਟ੍ਰੈਕਟਰ ਰੈਲੀ 'ਚ ਸਿੰਘੂ ਬਾਰਡਰ ਤੋਂ ਮੁਕਾਰਬਾ ਚੌਂਕ ਤੱਕ ਨਾਲ ਹੀ ਆਪਣੀਆਂ ਬਾਈਕਸ 'ਤੇ ਗਏ ਸਨI ਟ੍ਰੈਕਟਰ ਰੈਲੀ 'ਚ ਜਾਣ ਤੋਂ ਪਹਿਲਾਂ ਮਨਿੰਦਰ ਨੇ ਆਪਣੇ ਨਾਲ ਦੋ ਕਿਰਪਾਨਾਂ ਰੱਖ ਲਈਆਂ ਸਨI"
ਰਿਲੀਜ਼ 'ਚ ਅੱਗੇ ਕਿਹਾ ਗਿਆ ਹੈ,"ਉਨ੍ਹਾਂ ਦੀ ਵਿਉਂਤ ਮੁਤਾਬਕ, ਦੋਸ਼ੀ ਅਤੇ ਉਸਦੇ 5 ਸਾਥੀ ਅਤੇ ਹੋਰ ਹਥਿਆਰਬੰਦ ਬਦਮਾਸ਼ ਲਾਲ ਕਿਲੇ 'ਚ ਦਾਖਲ ਹੋਏ ਅਤੇ ਮਨਿੰਦਰ ਨੇ ਕਿਰਪਾਨ ਹਵਾ 'ਚ ਲਹਿਰਾਈI ਕਿਰਪਾਨ ਲਹਿਰਾਉਣ ਨਾਲ ਹਿੰਸਕ ਪ੍ਰਦਰਸ਼ਨਕਾਰੀਆਂ ਨੂੰ ਲਾਲ ਕਿਲੇ 'ਚ ਹੋਰ ਹੱਥੋਪਾਈ ਕਰਨ ਦਾ ਬਹਾਨਾ ਮਿਲਿਆ, ਜਿਸ ਵਿੱਚ ਜਨਤਕ ਸੇਵਕਾਂ ਖ਼ਿਲਾਫ਼ ਹਰ ਤਰਾਂ ਦੀ ਹਿੰਸਾ ਕਰਨਾ, ਜਿਨ੍ਹਾਂ 'ਚ ਡਿਊਟੀ 'ਤੇ ਤਾਇਨਾਤ ਪੁਲਿਸ ਵਾਲੇ ਸ਼ਾਮਲ ਸਨ ਅਤੇ ਇਤਿਹਾਸਕ ਸਮਾਰਕ ਲਾਲ ਕਿਲੇ ਨੂੰ ਨੁਕਸਾਨ ਪਹੁੰਚਾਉਣਾ ਸ਼ਾਮਲ ਹਨI"
ਰਿਲੀਜ਼ 'ਚ ਅੱਗੇ ਆਖਿਆ ਗਿਆ ਹੈ ਕਿ ਮਨਿੰਦਰ ਨਵੀਂ ਦਿੱਲੀ ਦੇ ਸਵਰੂਪ ਨਗਰ 'ਚ ਆਪਣੇ ਘਰ ਲਾਗੇ ਖਾਲੀ ਪਲਾਟ 'ਚ ਤਲਵਾਰਬਾਜ਼ੀ ਸਿਖਾਉਂਦਾ ਹੈI
ਮੁਲਜ਼ਿਮ ਦੀ ਅੱਗੇ ਪੁੱਛ-ਗਿੱਛ ਚੱਲ ਰਹੀ ਹੈ|
