17.53C Vancouver 17.53C VancouverMay 29, 2021 9:05 AM -
ਭਾਰਤ ਦੀ ਰਾਜਧਾਨੀ ਵਿੱਚ ਬੀਤੇ 24 ਘੰਟਿਆਂ ਦੌਰਾਨ ਕੋਵਿਡ-19 ਦੇ 900 ਨਵੇਂ ਮਾਮਲੇ ਦਰਜ ਹੋਏ ਹਨ।
ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਅੱਜ ਸ਼ਨੀਵਾਰ ਨੂੰ ਆਖਿਆ ਕਿ ਕੋਵਿਡ-19 ਦੀ ਦੂਜੀ ਲਹਿਰ ਦੌਰਾਨ ਅਜਿਹਾ ਪਹਿਲੀ ਵਾਰੀ ਹੋਇਆ ਹੈ ਕਿ ਰੋਜ਼ਾਨਾ ਦੇ ਮਾਮਲੇ 1,000 ਤੋਂ ਵੀ ਘੱਟ ਮਿਲੇ ਹੋਣ।
"ਦਿੱਲੀ ਵਿੱਚ ਬੀਤੇ 24 ਘੰਟਿਆਂ ਦੌਰਾਨ ਕੋਵਿਡ-19 ਦੇ 900 ਨਵੇਂ ਮਾਮਲੇ ਮਿਲੇ ਹਨ| ਅਜਿਹਾ ਪਹਿਲੀ ਵਾਰ (ਦੂਜੀ ਲਹਿਰ ਦੌਰਾਨ) ਹੋਇਆ ਹੈ ਕਿ ਸਾਨੂੰ 1,000 ਤੋਂ ਵੀ ਘੱਟ ਮਾਮਲੇ ਮਿਲੇ ਹੋਣ,"ਕੇਜਰੀਵਾਲ ਨੇ ਸ਼ਹਿਰ ਵਿੱਚ ਡਰਾਈਵ-ਥਰੂ ਵੈਕਸੀਨੇਸ਼ਨ ਸੈਂਟਰ ਦੇ ਮਹੂਰਤ ਵੇਲੇ ਪੱਤਰਕਾਰਾਂ ਨਾਲ ਗੱਲ ਕਰਦਿਆਂ ਆਖਿਆ।
ਉਨ੍ਹਾਂ ਅੱਗੇ ਆਖਿਆ ਕਿ ਜਿਵੇਂ ਹੀ ਮਾਮਲੇ ਘਟਦੇ ਹਨ, ਉਹ ਸ਼ਹਿਰ ਵਿੱਚ ਹੋਰ ਅਨਲੌਕ ਦੀਆਂ ਕਾਰਵਾਈਆਂ ਲਈ ਆਸਵੰਦ ਹਨ।
ਉਨ੍ਹਾਂ ਆਖਿਆ,"ਮੈਨੂੰ ਆਸ ਹੈ ਕਿ ਮਾਮਲੇ ਲਗਾਤਾਰ ਘਟਣਗੇ, ਸ਼ਹਿਰ ਨੂੰ ਛੇਤੀ ਹੀ ਹੋਰ ਖੋਲਿਆ ਜਾਵੇਗਾ| ਅਸੀਂ ਚਾਹੁੰਦੇ ਹਾਂ, ਕਿ ਆਰਥਿਕ ਕਾਰਵਾਈਆਂ ਛੇਤੀ ਹੀ ਲੀਹ 'ਤੇ ਆਉਣ, ਤਾਂ ਜੋ ਅਰਥਚਾਰਾ ਅੱਗੇ ਹੋਰ ਖੁੱਲੇ।"
ਦੱਸਣਯੋਗ ਹੈ ਕਿ ਦਿੱਲੀ ਵਿੱਚ ਸ਼ੁੱਕਰਵਾਰ ਨੂੰ ਕੋਰੋਨਾਵਾਇਰਸ ਦੇ 1,141 ਨਵੇਂ ਮਾਮਲੇ ਮਿਲੇ ਹਨ ਅਤ੩ਏ 1.59 ਫ਼ੀਸਦ ਦੀ ਪੌਜ਼ਿਟਿਵ ਦਰ ਨਾਲ 139 ਮੌਤਾਂ ਹੋਈਆਂ ਹਨ।
ਕੇਜਰੀਵਾਲ ਨੇ ਬੀਤੇ ਕੱਲ ਐਲਾਨਿਆ ਸੀ ਕਿ ਰਾਜਧਾਨੀ ਵਿੱਚ ਸੋਮਵਾਰ ਤੋਂ ਅਨਲੌਕ ਹੋਣਾ ਸ਼ੁਰੂ ਹੋਵੇਗਾ ਅਤੇ ਆਖਿਆ ਕਿ 31 ਮਈ ਤੋਂ ਉਸਾਰੀ ਦੀਆਂ ਕਾਰਵਾਈਆਂ ਅਤੇ ਫੈਕਟਰੀਆਂ ਮੁੜ ਖੁੱਲਣਗੇ।
ਦਿੱਲੀ ਦੇ ਸੀਐੱਮ ਆਖ ਚੁੱਕੇ ਹਨ,"ਦਿੱਲੀ ਵਿੱਚ ਹੌਲੀ ਹੌਲੀ ਕੋਵਿਡ ਦੇ ਮਾਮਲੇ ਘਟ ਰਹੇ ਹਨ ਅਤੇ ਹੁਣ ਹਸਪਤਾਲਾਂ ਅਤੇ ਕੋਵਿਡ ਕੇਅਰ ਸੈਂਟਰਾਂ ਵਿੱਚ ਕੋਵਿਡ ਬੈਡ ਵੀ ਉਪਲਬਧ ਹਨ। ਇਹ ਵੇਲਾ ਹੁਣ ਸ਼ਹਿਰ ਨੂੰ ਹੌਲੀ ਹੌਲੀ ਖੋਲਣ ਦਾ ਹੈ।"
