12.07C Vancouver 12.07C VancouverSep 24, 2026 6:23 PM - Connect Newsroom - Ramandeep Kaur with files from The Canadian Press
ਕੈਲਗਰੀ ਦੇ ਨੌਰਥ ਈਸਟ ਇਲਾਕੇ ਵਿੱਚ ਪੁਲਿਸ ਨੇ ਇੱਕ ਘਰ ਵਿੱਚ ਛਾਪੇਮਾਰੀ ਕਰਕੇ ਭਾਰੀ ਮਾਤਰਾ ਵਿੱਚ ਹਥਿਆਰ ਬਰਾਮਦ ਕੀਤੇ ਹਨ ਅਤੇ ਤਿੰਨ ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕਰਕੇ ਉਨ੍ਹਾਂ ਖ਼ਿਲਾਫ਼ ਕੁੱਲ 20 ਦੋਸ਼ ਤੈਅ ਕੀਤੇ ਹਨ। ਪੁਲਿਸ ਮੁਤਾਬਕ 10 ਸਤੰਬਰ ਨੂੰ ਕੋਵਿੰਗਟਨ ਰਾਈਜ਼ ਐਨ.ਈ. ਦੇ 100 ਬਲਾਕ ਵਿੱਚ ਸਥਿਤ ਇੱਕ ਘਰ ਵਿਚ ਛਾਪਾ ਮਾਰਿਆ ਗਿਆ ਸੀ।
ਇਸ ਕਾਰਵਾਈ ਦੌਰਾਨ ਪੁਲਿਸ ਨੇ ਇੱਕ ਗਲੌਕ 17 ਹੈਂਡਗਨ, H&R ਆਰਮਜ਼ ਕੰਪਨੀ,.22 ਕੈਲੀਬਰ ਰਿਵਾਲਵਰ, 3D-ਪ੍ਰਿੰਟਿਡ ਗਲੌਕ 18 ਹੈਂਡਗਨ, 3D-ਪ੍ਰਿੰਟਿਡ ਗਲੌਕ ਮੈਗਜ਼ੀਨ ਅਤੇ ਸਾਈਲੈਂਸਰ, ਇੱਕ 3ਡੀ ਪ੍ਰਿੰਟਰ ਅਤੇ ਨਕਲੀ ਬੀਬੀ ਗੰਨ ਬਰਾਮਦ ਕੀਤੀ ਹੈ। ਸਟਾਫ ਸਾਰਜੈਂਟ ਮੈਟ ਗਾਓ ਨੇ ਇਸ ਸਫ਼ਲਤਾ 'ਤੇ ਖੁਸ਼ੀ ਜ਼ਾਹਰ ਕਰਦਿਆਂ ਕਿਹਾ ਕਿ ਬਰਾਮਦ ਕੀਤਾ ਗਿਆ ਹਰ ਇੱਕ ਅਪਰਾਧਿਕ ਹਥਿਆਰ ਸਮਾਜ ਵਿੱਚ ਕਿਸੇ ਦੀ ਜਾਨ ਬਚਾਉਣ ਵਿੱਚ ਮਦਦ ਕਰਦਾ ਹੈ।
ਇਸ ਮਾਮਲੇ ਵਿੱਚ ਗ੍ਰਿਫ਼ਤਾਰ ਕੀਤੇ ਗਏ ਤਿੰਨਾਂ ਮੁਲਜ਼ਮਾਂ ਦੀ ਪਛਾਣ 55 ਸਾਲਾ ਰੌਬਰਟ Cvitanovic , 44 ਸਾਲਾ ਜੌਨ ਵੇਨ ਕਿਰਬੀ ਅਤੇ 35 ਸਾਲਾ ਰਿੱਕੀ ਕੈਮਰਨ ਰੋਬਿਲਾਰਡ-ਬਾਲ ਵਜੋਂ ਹੋਈ ਹੈ। ਤਿੰਨਾਂ ਮੁਲਜ਼ਮਾਂ 'ਤੇ ਰਿਲੀਜ਼ ਆਰਡਰ ਦੀ ਉਲੰਘਣਾ ਕਰਨ, ਹਥਿਆਰਾਂ ਦੀ ਗ਼ੈਰ-ਕਾਨੂੰਨੀ ਸਟੋਰੇਜ, ਅਣਅਧਿਕਾਰਤ ਹਥਿਆਰ ਰੱਖਣ ਅਤੇ ਹਥਿਆਰ ਰੱਖਣ 'ਤੇ ਲੱਗੀ ਪਾਬੰਦੀ ਤੋੜਨ ਸਮੇਂਤ ਕਈ ਗੰਭੀਰ ਦੋਸ਼ ਲਗਾਏ ਗਏ ਹਨ।
