11.4C Vancouver 11.4C VancouverDec 3, 2022 1:18 AM - Connect News
ਡੈਲਟਾ ਪੁਲਿਸ ਨੇ ਜਾਣਕਾਰੀ ਦਿੱਤੀ ਹੈ ਕਿ ਕਰੀਬ ਇੱਕ ਸਾਲ ਪਹਿਲਾਂ ਹੋਈ 17 ਸਾਲਾ ਮਾਈਕ ਬਲੌਮ ਨਾਮ ਦੀ ਟੀਨੇਜਰ ਦੀ ਮੌਤ ਦੇ ਮਾਮਲੇ 'ਚ ਇੱਕ ਵਿਅਕਤੀ 'ਤੇ ਦੋਸ਼ ਲੱਗੇ ਹਨ।
ਪੁਲਿਸ ਦਾ ਕਹਿਣਾ ਹੈ ਕਿ ਬੀਤੇ ਸਾਲ 7 ਦਿਸੰਬਰ ਨੂੰ ਡੈਲਟਾ ਦੀ 17 ਸਾਲਾ ਮਾਈਕ ਬਲੌਮ ਦਾ ਮ੍ਰਿਤ ਸ਼ਰੀਰ ਮਿਲਿਆ ਸੀ।
ਉਸ ਨੂੰ 5 ਦਿਸੰਬਰ ਨੂੰ ਲਾਪਤਾ ਹੋਇਆ ਦੱਸਿਆ ਗਿਆ ਸੀ ਅਤੇ ਫਿਰ ਫੈਲਕਨ ਬੇ ਦੇ 2400 ਬਲੌਕ 'ਚ ਸਥਿਤ ਇੱਕ ਘਰ 'ਚ ਉਸ ਦਾ 7 ਦਿਸੰਬਰ ਨੂੰ ਮ੍ਰਿਤ ਸ਼ਰੀਰ ਮਿਲਿਆ ਸੀ।
ਪੁਲਿਸ ਦਾ ਕਹਿਣਾ ਹੈ ਕਿ ਮਾਮਲੇ 'ਚ ਮੇਜਰ ਕਰਾਈਮ ਸੈਕਸ਼ਨ ਵੱਲੋਂ ਜਾਂਚ ਕੀਤੀ ਗਈ ਸੀ ਅਤੇ ਡੈਲਟਾ ਨਿਵਾਸੀ ਜਿੰਮੀ ਈਲੀ 'ਤੇ ਮਾਮਲੇ 'ਚ ਦੋਸ਼ ਲੱਗੇ ਹਨ।
ਪੁਲਿਸ ਦਾ ਕਹਿਣਾ ਹੈ ਕਿ 22 ਸਾਲਾ ਜਿੰਮੀ ਈਲੀ 'ਤੇ ਮਾਮਲੇ 'ਚ 11 ਦੋਸ਼ ਲੱਗੇ ਹਨ।
ਇਹ ਵਿਅਕਤੀ ਪੀੜਤ ਟੀਨੇਜਰ ਲੜਕੀ ਨੂੰ ਜਾਣਦਾ ਸੀ।
ਪੁਲਿਸ ਅਨੁਸਾਰ ਇਸ ਵਿਅਕਤੀ ਨੂੰ 1 ਦਿਸੰਬਰ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਅਤੇ ਉਸ 'ਤੇ ਮ੍ਰਿਤ ਸ਼ਰੀਰ ਨਾਲ ਬਦਸਲੂਕੀ, ਹਥਿਆਰ ਅਤੇ ਡਰੱਗਸ ਸੰਬੰਧੀ ਦੋਸ਼ ਲੱਗੇ ਹਨ।
