23.39C Vancouver 23.39C VancouverDec 22, 2020 6:31 PM -
ਡੈਲਟਾ 'ਚ ਪੁਲਿਸ ਵੱਲੋਂ ਇੱਕ ਟੀਨੇਜਰ ਦੀ ਭਾਲ ਕੀਤੀ ਜਾ ਰਹੀ ਹੈ।
ਇਸ ਟੀਨੇਜਰ 'ਤੇ 2 ਬੱਚਿਆਂ 'ਤੇ ਜਿਨਸੀ ਹਮਲਾ ਕਰਨ ਦਾ ਸ਼ੱਕ ਹੈ।
ਪੁਲਿਸ ਦੇ ਇੱਕ ਬਿਆਨ 'ਚ ਸਾਹਮਣੇ ਆਇਆ ਹੈ ਕਿ ਐਤਵਾਰ ਨੂੰ 2 ਬੱਚੇ ਟਵਾਸਨ 'ਚ 'ਸਾਊਥ ਡੈਲਟਾ ਸੈਕੰਡਰੀ ਸਕੂਲ' ਵਿੱਚ ਖੇਡ ਰਹੇ ਸਨ।
ਇਸ ਦੌਰਾਨ ਇੱਕ ਟੀਨੇਜਰ ਨੇ ਉਨ੍ਹਾਂ ਤੱਕ ਪਹੁੰਚ ਕੀਤੀ।
ਪੁਲਿਸ ਨੇ ਦੱਸਿਆ ਕਿ ਇਸ ਟੀਨੇਜਰ ਨੇ ਬੱਚਿਆਂ ਨੂੰ ਬਾਂਹ ਤੋਂ ਫੜ੍ਹ ਕੇ ਖਿੱਚਣ ਦੀ ਕੋਸ਼ਿਸ਼ ਕੀਤੀ ਅਤੇ ਫਿਰ ਉਨ੍ਹਾਂ ਨਾਲ ਜਿਨਸੀ ਛੇੜਛਾੜ ਕੀਤੀ।
ਪੁਲਿਸ ਨੇ ਸ਼ੱਕੀ ਨੂੰ 15 ਤੋਂ 18 ਸਾਲ ਦੇ ਦਰਮਿਆਨ ਦਾ ਏਸ਼ੀਅਨ ਮੂਲ ਦਾ ਵਿਅਕਤੀ ਦੱਸਿਆ ਹੈ।
ਨੇੜੇ ਹੀ ਬਾਸਕਿਟਬਾਲ ਖੇਡ ਰਹੇ ਕੁਝ ਲੋਕਾਂ ਤੱਕ ਵੀ ਪੁਲਿਸ ਨੇ ਪਹੁੰਚ ਕੀਤੀ ਸੀ, ਤਾਂ ਜੋ ਇਸ ਟੀਨੇਜਰ ਦੀ ਕੋਈ ਜਾਣਕਾਰੀ ਮਿਲ ਸਕੇ।
ਡੈਲਟਾ ਪੁਲਿਸ ਦੀ ਬੁਲਾਰੀ, ਕ੍ਰਿਸ ਲੇਕੌਫ ਦਾ ਕਹਿਣਾ ਸੀ ਕਿ ਪੁਲਿਸ ਕਿਸੇ ਡੈਸ਼ਕੈਮ ਫੁਟੇਜ ਦੀ ਭਾਲ ਦੀ ਵੀ ਕੋਸ਼ਿਸ਼ ਕਰ ਰਹੀ ਹੈ।
