10.71C Vancouver 10.71C VancouverOct 8, 2021 2:02 AM -
ਡੈਲਟਾ ਦੇ ਇੱਕ ਟੀਨੇਜਰ ਅਤੇ ਉਸ ਦੇ 3 ਦੋਸਤਾਂ ਦੀ ਇੱਕ ਚੋਰ ਨਾਲ ਨਜਿੱਠਣ ਲਈ ਤਾਰੀਫ ਕੀਤੀ ਜਾ ਰਹੀ ਹੈ।
ਡੈਲਟਾ ਪੁਲਿਸ ਦਾ ਕਹਿਣਾ ਹੈ ਕਿ ਇਸ ਟੀਨੇਜਰ ਨੇ ਬੀਤੇ ਸੋਮਵਾਰ ਆਪਣੇ ਘਰ ਪਹੁੰਚ ਕਰਨ 'ਤੇ ਘਰ 'ਚ ਖੜਕਾ ਸੁਣਿਆ।
ਉਸ ਨੇ ਸਾਵਧਾਨੀ ਵਰਤਦੇ ਹੋਏ ਘਰ ਤੋਂ ਬਾਹਰ ਦੀ ਸਮਝਦਾਰੀ ਵਰਤੀ।
ਉਸ ਦੇ ਦੋਸਤ ਵੀ ਘਰ ਦੇ ਬਾਹਰ ਖੜੇ ਸਨ।
ਪੁਲਿਸ ਨੇ ਦੱਸਿਆ ਕਿ ਚੋਰ ਵੀ ਘਰ ਦੇ ਬਾਹਰ ਨਿਕਲ ਆਇਆ ਅਤੇ ਉਸ ਨੇ ਚਾਰੇ ਟੀਨੇਜਰਸ ਨੂੰ ਧਮਕਾਇਆ ਕਿ ਉਸ ਦੇ ਕੋਲ ਬੰਦੂਕ ਹੈ।
ਧਮਕੀ ਦੇ ਬਾਵਜੂਦ ਟੀਨੇਜਰਸ ਨੇ ਚੋਰ ਨੂੰ ਕਾਬੂ ਕਰ ਲਿਆ ਅਤੇ ਪੁਲਿਸ ਬੁਲਾਈ।
ਹਾਲਾਂਕਿ ਸੰਘਰਸ਼ ਦੌਰਾਨ ਕਥਿਤ ਤੌਰ 'ਤੇ ਚੋਰ ਨੇ ਇੱਕ ਟੀਨੇਜਰ ਨੂੰ ਦੰਦੀ ਵੱਢ ਲਈ।
ਡੈਲਟਾ ਪੁਲਿਸ ਨੇ ਚੋਰ ਖਿਲਾਫ ਦੋਸ਼ ਤੈਅ ਕਰਨ ਦੀ ਸਿਫਾਰਿਸ਼ ਕੀਤੀ ਹੈ।
ਪੁਲਿਸ ਨੇ ਇਹ ਵੀ ਕਿਹਾ ਕਿ ਟੀਨੇਜਰਸ ਨੇ ਬਹਾਦਰੀ ਨਾਲ ਕੰਮ ਕੀਤਾ ਅਤੇ ਇਸਲਈ ਉਹ ਵਧਾਈ ਦੇ ਪਾਤਰ ਹਨ।
ਪਰ ਪੁਲਿਸ ਨੇ ਲੋਕਾਂ ਨੂੰ ਸਾਵਧਾਨ ਕੀਤਾ ਹੈ ਕਿ ਅਜਿਹੀ ਘਟਨਾ 'ਚ ਸੱਟ ਲੱਗਣ ਦੇ ਆਸਾਰ ਬਹੁਤ ਹੁੰਦੇ ਹਨ ਅਤੇ ਇਸਲਈ ਸੁਰੱਖਿਅਤ ਰਹਿਣਾ ਵੀ ਜਰੂਰੀ ਹੈ।
