21.3C Vancouver 21.3C VancouverJul 16, 2020 5:31 PM -
ਅਮਰੀਕੀ ਹੋਮਲੈਂਡ ਸਕਿਓਰਿਟੀ ਵਿਭਾਗ ਦਾ ਕਹਿਣਾ ਹੈ ਕਿ ਕੈਨੇਡਾ ਅਤੇ ਅਮਰੀਕਾ, ਦੋਹਾਂ ਦੇਸ਼ਾਂ ਵਿਚਕਾਰ ਗੈਰ-ਜ਼ਰੂਰੀ ਯਾਤਰਾ 'ਤੇ ਲੱਗੀ ਪਾਬੰਦੀ ਨੂੰ 20 ਅਗਸਤ ਤੱਕ ਵਧਾਉਣ ਲਈ ਸਹਿਮਤ ਹੋ ਗਏ ਹਨ।
ਕਾਰਜਕਾਰੀ ਹੋਮਲੈਂਡ ਸਕਿਊਰਟੀ ਸੇਕ੍ਰੇਟਰੀ ਚੈਡ ਵੁਲਫ ਨੇ ਅੱਜ ਇਕ ਟਵੀਟ ਰਾਹੀਂ ਇਸ ਖ਼ਬਰ ਦੀ ਪੁਸ਼ਟੀ ਕੀਤੀ।
ਮਾਰਚ ਦੇ ਅੱਧ ਵਿੱਚ COVID-19 ਮਹਾਂਮਾਰੀ ਦੇ ਫੈਲਣ ਤੋਂ ਬਾਅਦ, ਕੈਨੇਡਾ-ਅਮਰੀਕਾ ਦੀ ਸਰਹੱਦ ਨੂੰ ਅਖੌਤੀ "ਇਖਤਿਆਰੀ" ਯਾਤਰਾ, ਜਿਵੇਂ ਕਿ ਛੁੱਟੀਆਂ ਅਤੇ ਖਰੀਦਦਾਰੀ ਯਾਤਰਾਵਾਂ ਵਾਸਤੇ ਬੰਦ ਕਰ ਦਿੱਤਾ ਗਿਆ ਸੀ। ਇਹ ਸਮਝੌਤਾ 21 ਜੁਲਾਈ ਨੂੰ ਸਮਾਪਤ ਹੋਣ ਵਾਲਾ ਸੀ।
ਇਹ ਫੈਸਲਾ ਉਸ ਵੇਲੇ ਆਇਆ ਹੈ ਜਦ, ਸਾਰੇ ਯੂ.ਐੱਸ. ਵਿੱਚ ਕੋਵਿਡ-19 ਮੁੜ-ਉੱਭਰ ਰਿਹਾ ਹੈ – ਸਾਰੇ ਅਮਰੀਕੀ ਰਾਜਾਂ ਵਿੱਚ ਮਾਮਲੇ ਵਧ ਰਹੇ ਹਨ, ਅਤੇ ਫਲੋਰੀਡਾ, ਐਰੀਜ਼ੋਨਾ ਅਤੇ ਕੈਲੀਫੋਰਨੀਆ ਵਰਗੇ ਦੱਖਣੀ ਰਾਜਾਂ ਨੂੰ ਹਸਪਤਾਲਾਂ ਦੇ ਭਰੇ ਵਾਰਡਾਂ ਨਾਲ ਇੱਕ ਨਵੇਂ ਸੰਕਟ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ, ਰੈਫ਼ਰੀਜਿਰੇਟਿਡ ਟਰੱਕ ਟਰੇਲਰਾਂ ਨੂੰ ਮੇਕਸ਼ਿਫਟ ਮੁਰਦਾਘਰਾਂ ਵਜੋਂ ਕੰਮ ਕਰਨਾ ਪੈ ਰਿਹਾ ਹੈ ਅਤੇ ਨਿੱਜੀ ਸੁਰੱਖਿਆ ਮੈਡੀਕਲ ਗਿਅਰ ਦੀ ਵੀ ਕਮੀ ਚੱਲ ਰਹੀ ਹੈ।
ਇਸ ਸੰਕਟ ਨੇ ਬਾਰਡਰ ਖੋਲਣ ਦੀ ਖਿਲਾਫ਼ਤ ਕਰਨ ਵਾਲੇ ਕੈਨੇਡਾ ਵਾਸੀਆਂ ਅਤੇ ਅਮਰੀਕਾ ਦੇ ਉੱਤਰੀ ਰਾਜਾਂ ਦੇ ਕਾਨੂੰਨ-ਘਾੜਿਆਂ ਦੇ ਵਿਚਾਰਿਕ ਮਤਭੇਦ ਨੂੰ ਵੀ ਸਾਹਮਣੇ ਲਿਆਉਂਦਾ ਹੈ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਇਹ ਇੱਕ ਨਿਰੰਤਰ ਬਦਲਦੀ ਸਥਿਤੀ ਹੈ, ਪਰ ਉਹਨਾਂ ਅਜੇ ਤੱਕ ਇਸ ਖ਼ਬਰ ਦੀ ਪੁਸ਼ਟੀ ਨਹੀਂ ਕੀਤੀ।
