13.64C Vancouver 13.64C VancouverAug 23, 2023 8:54 PM - Connect News
ਪ੍ਰਧਾਨ ਮੰਤਰੀ ਜਸਟਿਨ ਟ੍ਰੂਡੋ ਦਾ ਕਹਿਣਾ ਹੈ ਕਿ ਹਾਊਸਿੰਗ ਸੰਕਟ ਲਈ ਅੰਤਰਰਾਸ਼ਟਰੀ ਵਿਦਿਆਰਥੀਆਂ ਨੂੰ ਜ਼ਿੰਮੇਵਾਰ ਠਹਿਰਾਉਣਾ ਗਲਤ ਹੈ।
ਉਹਨਾਂ ਕਿਹਾ ਕਿ ਹਾਊਸਿੰਗ ਸੰਕਟ ਦੇ ਪਿਛੇ ਕਈ ਹੋਰ ਕਾਰਨ ਹਨ।
ਪ੍ਰਿੰਸ ਐਡਵਰਡ ਆਈਲੈਂਡ ਵਿਚ ਚਲ ਰਹੀ ਤਿੰਨ ਰੋਜ਼ਾ ਕੈਬਿਨੇਟ ਰਿਟ੍ਰੀਟ ਦੇ ਆਖ਼ਰੀ ਦਿਨ ਟ੍ਰੂਡੋ ਨੇ ਕਿਹਾ ਕਿ ਅੰਤਰਰਾਸ਼ਟਰੀ ਵਿਦਿਆਰਥੀਆਂ ਨੂੰ ਰਿਹਾਇਸ਼ ਦੀ ਕਮੀ ਲਈ ਜ਼ਿੰਮੇਵਾਰ ਠਹਿਰਾਇਆ ਜਾ ਰਿਹਾ ਹੈ, ਅਤੇ ਹਾਊਸਿੰਗ ਸੰਕਟ ਨੂੰ ਇਮੀਗ੍ਰੇਸ਼ਨ ਨਾਲ ਜੋੜਨਾ ਗਲਤ ਹੈ।
ਟ੍ਰੂਡੋ ਨੇ ਕਿਹਾ ਕਿ ਲੋਕ ਔਖੇ ਸਮੇਂ ਦਾ ਸਾਹਮਣਾ ਕਰ ਰਹੇ ਹਨ ਅਤੇ ਹਰ ਕਿਸੇ ਨੂੰ ਇਸ ਸਮੇਂ ਮੁਸ਼ਕਲ ਹੋ ਰਹੀ ਹੈ।
ਵਰਤਮਾਨ ਵਿੱਚ, ਕੈਨੇਡਾ ਵਿੱਚ 800,000 ਐਕਟਿਵ ਸਟੱਡੀ ਪਰਮਿਟ ਹੋਲਡਰ ਹਨ, ਅਤੇ ਹਰ ਸਾਲ 500,000 ਨਵੇਂ ਪ੍ਰਵਾਸੀਆਂ ਨੂੰ ਲਿਆਉਣ ਦੀ ਯੋਜਨਾ ਹੈ।
ਹਾਊਸਿੰਗ ਮੰਤਰੀ ਸ਼ੌਨ ਫਰੇਜ਼ਰ ਨੇ ਇਸ ਹਫਤੇ ਦੇ ਸ਼ੁਰੂ ਵਿਚ ਸੰਕੇਤ ਦਿੱਤਾ ਸੀ ਕਿ ਔਟਵਾ ਹਰ ਸਾਲ ਕੈਨੇਡਾ ਵਿਚ ਦਾਖਲ ਹੋਣ ਵਾਲੇ ਅੰਤਰਰਾਸ਼ਟਰੀ ਵਿਦਿਆਰਥੀਆਂ ਦੀ ਗਿਣਤੀ 'ਤੇ ਇਕ ਸੀਮਾ 'ਤੇ ਵਿਚਾਰ ਕਰ ਸਕਦਾ ਹੈ।
