18C Vancouver 18C VancouverMar 11, 2025 4:46 PM - The Canadian Press
ਬੀ. ਸੀ. ਦੇ ਮਿਸ਼ਨ ਸ਼ਹਿਰ ਤੋਂ 17 ਸਾਲ ਪਹਿਲਾਂ ਲਾਪਤਾ ਹੋਏ ਇੱਕ ਨਾਬਾਲਗ ਦੇ ਮਾਮਲੇ ਦੀ ਗੁੱਥੀ ਹਾਲ ਹੀ ਵਿਚ ਸੁਲ਼ਝੀ ਹੈ। ਲੰਮੇ ਸਮੇਂ ਤੋਂ ਜਾਰੀ ਡੀ. ਐੱਨ. ਏ. ਟੈਸਟਿੰਗ ਜ਼ਰੀਏ ਇਹ ਪਤਾ ਲੱਗਾ ਹੈ ਕਿ ਵਾਸ਼ਿੰਗਟਨ ਸਟੇਟ ਦੇ ਸਮੁੰਦਰੀ ਤੱਟ 'ਤੇ 2008 ਵਿਚ ਮਿਲੇ ਮਨੁੱਖੀ ਅਵਸ਼ੇਸ਼ ਮਿਸ਼ਨ ਦੇ ਜੈਫਰੀ ਸੁਰਟੇਲ ਦੇ ਸਨ, ਜੋ 17 ਸਾਲ ਦਾ ਨੌਜਵਾਨ ਸੀ ਅਤੇ 2007 ਵਿਚ ਲਾਪਤਾ ਹੋ ਗਿਆ ਸੀ।
ਵਾਸ਼ਿੰਗਟਨ ਦੇ ਕਲਾਲਮ ਕਾਉਂਟੀ ਦਾ ਸ਼ੈਰਿਫ਼ ਦਫ਼ਤਰ ਲਾਸ਼ ਤੋਂ ਲਏ ਗਏ ਡੀ. ਐੱਨ. ਏ. ਦਾ ਲੰਮੇ ਸਮੇਂ ਤੋਂ ਵਿਸ਼ਲੇਸ਼ਣ ਕਰ ਰਿਹਾ ਸੀ ਅਤੇ ਇਸ ਨੂੰ ਅਮਰੀਕਾ ਦੇ ਡੇਟਾਬੇਸ ਨਾਲ ਕਈ ਵਾਰ ਮਿਲਾਇਆ ਗਿਆ ਪਰ ਕੋਈ ਮੇਚ ਨਹੀਂ ਮਿਲਿਆ, 2025 ਵਿਚ ਇਹ ਐਡਵਾਂਸਡ ਫੋਰੈਂਸਿਕ ਜੈਨੇਟਿਕ ਵੰਸ਼ਾਵਲੀ ਟੈਸਟਿੰਗ ਲਈ ਟੈਕਸਾਸ ਸਥਿਤ ਪ੍ਰਾਈਵੇਟ ਲੈਬ ਵਿਚ ਭੇਜ ਦਿੱਤਾ ਗਿਆ, ਜਿੱਥੇ ਇਹ ਡੀ. ਐੱਨ. ਏ. ਜੈਫਰੀ ਸੁਰਟੇਲ ਦੇ ਇੱਕ ਫੈਮਿਲੀ ਮੈਂਬਰ ਨਾਲ ਮੇਚ ਹੋਇਆ ਅਤੇ ਇਸ ਤੋਂ ਬਾਅਦ ਮਿਸ਼ਨ ਆਰਸੀਐਮਪੀ ਅਤੇ ਬੀ.ਸੀ. ਕੋਰੋਨਰ ਸਰਵਿਸ ਦੇ ਸਹਿਯੋਗ ਨਾਲ ਪਤਾ ਲੱਗਾ ਕਿ ਇਹ ਅਵਸ਼ੇਸ਼ ਲਾਪਤਾ ਸੁਰਟੇਲ ਦੇ ਹੀ ਸਨ। ਪੁਲਿਸ ਨੇ ਕਿਹਾ ਕਿ ਪਿਛਲੇ ਹਫ਼ਤੇ ਪੀੜਤ ਪਰਿਵਾਰ ਨੂੰ ਇਸ ਬਾਰੇ ਸੂਚਿਤ ਕੀਤਾ ਗਿਆ ਹੈ।
