13.82C Vancouver 13.82C VancouverSep 1, 2020 10:22 PM -
ਅਮਰੀਕੀ ਰਾਸ਼ਟਰਪਤੀ ਡੌਨਲਡ ਟ੍ਰੰਪ ਦਾ ਕਹਿਣਾ ਹੈ ਕਿ ਉਹ ਕੀਨੋਸ਼ਾ ਅਤੇ ਵਿਸਕਾਨਸਿਨ ਦੀ ਮਦਦ ਕਰਨ ਲਈ ਵਚਨਬੱਧ ਹਨ।
ਉਨ੍ਹਾਂ ਪੁਲਿਸ ਅਤੇ ਛੋਟੇ ਵਪਾਰਾਂ ਲਈ ਵਧੇਰੇ ਰਿਸੋਰਸਿਸ ਉਪਲੱਬਧ ਕਰਵਾਉਣ ਦੀ ਵੀ ਗੱਲ ਆਖੀ ਹੈ।
ਟ੍ਰੰਪ ਅੱਜ ਉਸ ਵੇਲੇ ਕੀਨੋਸ਼ਾ ਦੇ ਦੌਰੇ 'ਤੇ ਹਨ, ਜਦ ਕਈ ਲੀਡਰਾਂ ਅਤੇ ਲੋਕਾਂ ਵੱਲੋਂ ਉਨ੍ਹਾਂ ਦੇ ਇਲਾਕੇ 'ਚ ਪਹੁੰਚਣ 'ਤੇ ਇਲਾਕੇ 'ਚ ਜਾਰੀ ਪ੍ਰੇਸ਼ਾਨੀ ਦੇ ਮਾਹੌਲ 'ਚ ਵਾਧੇ ਦੇ ਖਤਰੇ ਦੀ ਗੱਲ ਕੀਤੀ ਜਾ ਰਹੀ ਹੈ।
ਟ੍ਰੰਪ ਦਾ ਕਹਿਣਾ ਹੈ ਕਿ ਕੀਨੋਸ਼ਾ ਨੂੰ ਹੁਣ ਤੱਕ ਅੱਗ ਨਾਲ ਫੂਕ ਦਿੱਤਾ ਗਿਆ ਹੁੰਦਾ, ਜੇਕਰ ਉਨ੍ਹਾਂ ਪ੍ਰਦਰਸ਼ਨਾਂ 'ਤੇ ਕਾਬੂ ਪਾਉਣ ਲਈ ਨੈਸ਼ਨਲ ਗਾਰਡ ਨੂੰ ਨਾ ਭੇਜਿਆ ਹੁੰਦਾ।
ਇਲਾਕੇ 'ਚ 23 ਅਗਸਤ ਨੂੰ ਵਾਪਰੀ ਘਟਨਾ ਦੌਰਾਨ ਜੇਕਬ ਬਲੇਕ ਨਾਮ ਦੇ 29 ਸਾਲਾ ਵਿਅਕਤੀ ਨੂੰ ਇੱਕ ਪੁਲਿਸ ਅਫ਼ਸਰ ਨੇ 7 ਗੋਲੀਆਂ ਮਾਰ ਦਿੱਤੀਆਂ ਸਨ।
ਇਹ ਵਿਅਕਤੀ ਪੈਰਾਲਾਈਜ਼ ਹੋ ਗਿਆ ਹੈ।
ਘਟਨਾ ਤੋਂ ਬਾਅਦ ਇਲਾਕੇ 'ਚ ਹਿੰਸਕ ਪ੍ਰਦਰਸ਼ਨ ਹੋਏ ਸਨ।
ਅਜਿਹੇ ਪ੍ਰਦਰਸ਼ਨਾਂ ਦੌਰਾਨ 25 ਅਗਸਤ ਨੂੰ ਇੱਕ 17 ਸਾਲਾ ਯੁਵਕ 'ਤੇ ਦੋ ਲੋਕਾਂ ਦਾ ਗੋਲੀ ਮਾਰ ਕੇ ਕਤਲ ਕਰਨ ਦੇ ਵੀ ਇਲਜ਼ਾਮ ਲੱਗੇ ਸਨ।
ਟ੍ਰੰਪ ਦਾ ਕਹਿਣਾ ਹੈ ਕਿ, ਫੈਡਰਲ ਸਰਕਾਰ ਲੋਕਲ ਕਨੂੰਨ ਐਨਫੋਰਸਮੈਂਟ ਨੂੰ $1 ਮਿਲੀਅਨ ਦੀ ਰਾਸ਼ੀ ਪ੍ਰਦਾਨ ਕਰੇਗੀ, ਛੋਟੇ ਵਪਾਰਾਂ ਨੂੰ $4 ਮਿਲੀਅਨ ਦੀ ਰਾਸ਼ੀ ਦਿੱਤੀ ਜਾ ਰਹੀ ਹੈ, ਅਤੇ ਸੂਬੇ 'ਚ ਪਬਲਿਕ ਸੇਫਟੀ ਦੇ ਲਈ $42 ਮਿਲੀਅਨ ਦਿੱਤੇ ਜਾਣ ਬਾਰੇ ਦੱਸਿਆ ਗਿਆ ਹੈ।
