15.04C Vancouver 15.04C VancouverJan 29, 2025 7:34 PM - Connect Newsroom
ਓਨਟਾਰੀਓ ਵਿਧਾਨ ਸਭਾ ਚੋਣਾਂ ਵਿਚ ਟਰੰਪ ਦੇ ਟੈਰਿਫ ਦਾ ਮੁੱਦਾ ਗੂੰਜਣ ਲੱਗਾ ਹੈ। ਸਾਬਕਾ ਪ੍ਰੀਮੀਅਰ ਅਤੇ ਓਨਟਾਰੀਓ ਪ੍ਰੋਗਰੈਸਿਵ ਕੰਜ਼ਰਵੇਟਿਵ ਪਾਰਟੀ ਦੇ ਲੀਡਰ ਡੱਗ ਫੋਰਡ ਨੇ ਅੱਜ ਵਿੰਡਸਰ ਵਿਚ ਆਪਣੀ ਪਹਿਲੀ ਹੀ ਰੈਲੀ ਵਿਚ ਟੈਰਿਫ ਨੂੰ ਮੁੱਦਾ ਬਣਾਇਆ ਅਤੇ ਟਰੰਪ ’ਤੇ ਨਿਸ਼ਾਨਾ ਵੀ ਸਾਧਿਆ ਹੈ।
ਇਸ ਦੇ ਨਾਲ ਹੀ ਉਨ੍ਹਾਂ ਓਨਟਾਰੀਓ ਵਾਸੀਆਂ ਨੂੰ ਕਿਹਾ ਕਿ ਟਰੰਪ ਦੀ ਧਮਕੀ ਨਾਲ ਨਜਿੱਠਣ ਲਈ ਉਨ੍ਹਾਂ ਨੂੰ ਓਨਟਾਰੀਓ ਦੇ ਇਤਿਹਾਸ ਵਿਚ ਸਭ ਤੋਂ ਮਜਬੂਤ ਬਹੁਮਤ ਦੀ ਲੋੜ ਹੈ ਅਤੇ ਕਿਹਾ ਕਿ ਤੁਸੀਂ ਜਿੰਨਾ ਵੱਡਾ ਫਤਵਾ ਮੈਨੂੰ ਦਿਓਗੇ, ਓਨੇ ਹੀ ਬਿਹਤਰ ਢੰਗ ਨਾਲ ਮੈਂ ਆਪਣੇ ਸੂਬੇ ਦੀ ਰੱਖਿਆ ਕਰ ਸਕਾਂਗਾ।
ਗੌਰਤਲਬ ਹੈ ਕਿ ਓਨਟਾਰੀਓ ਵਿਚ ਫੋਰਡ ਦੀ ਪ੍ਰੋਗਰੈਸਿਵ ਕੰਜ਼ਰਵੇਟਿਵ ਪਾਰਟੀ ਸਮੇਤ 4 ਪ੍ਰਮੁੱਖ ਪਾਰਟੀਆਂ ਚੋਣ ਮੈਦਾਨ ਵਿਚ ਹਨ, ਜਿਨ੍ਹਾਂ ਵਿਚ ਤਿੰਨ ਹੋਰ ਪਾਰਟੀਆਂ ਐਨਡੀਪੀ, ਲਿਬਰਲ ਅਤੇ ਗ੍ਰੀਨ ਹਨ, ਵਿਰੋਧੀ ਪਾਰਟੀਆਂ ਨੇ ਸਮੇਂ ਤੋਂ ਪਹਿਲਾਂ ਚੋਣਾਂ ਕਰਵਾਉਣ ਨੂੰ ਲੈ ਕੇ ਫੋਰਡ ’ਤੇ ਨਿਸ਼ਾਨਾ ਸਾਧਿਆ ਹੈ ਅਤੇ ਇਸ ਨੂੰ ਸੂਬੇ ਦੇ ਲੋਕਾਂ ਸਿਰ ਬੇਲੋੜਾ ਬੋਝ ਪਾਉਣਾ ਦੱਸਿਆ ਹੈ।
