16.58C Vancouver 16.58C VancouverMar 12, 2020 5:41 PM -
ਕੈਲਗਰੀ ਦੇ ਡਾਊਨਟਾਊਨ ਇਲਾਕੇ ਦੀ ਇੱਕ ਆਫਿਸ ਇਮਾਰਤ ਵਿੱਚ ਸਥਿਤ ਇੱਕ ਡੇਅ ਕੇਅਰ ਨੂੰ ਕੋਵਿੱਡ-19 ਦੇ ਫੈਲਣ ਦੇ ਖਤਰੇ ਕਾਰਨ ਬੰਦ ਕਰ ਦਿੱਤਾ ਗਿਆ ਹੈ।
ਇਸ ਡੇਅ ਕੇਅਰ ਵਿੱਚ ਇੱਕ ਬੱਚੇ ਦਾ ਵਾਇਰਸ ਦਾ ਟੈਸਟ ਪਾਜ਼ੀਟਿਵ ਆਇਆ ਹੈ।
ਸਨਕੌਰ ਐਨਰਜੀ ਦੀ ਬੁਲਾਰੀ ਏਰਿਨ ਰੀਸ ਮੁਤਾਬਕ ਪੰਪਕਿਨ ਪੈਚ ਚਾਈਲਡ ਕੇਅਰ ਸੈਂਟਰ 23 ਮਾਰਚ ਤੱਕ ਬੰਦ ਰਹੇਗਾ।
ਉਨ੍ਹਾਂ ਦੱਸਿਆ ਕਿ ਬੱਚਿਆਂ ਦੇ ਪਰਿਵਾਰਾਂ ਨੂੰ 20 ਮਾਰਚ ਤੱਕ ਇਕਲਤਾ ਵਿੱਚ ਰਹਿਣ ਦੀ ਹਿਦਾਇਤ ਦਿੱਤੀ ਗਈ ਹੈ।
ਸਨਕੌਰ ਵੱਲੋਂ ਇਸ ਡੇਅ ਕੇਅਰ ਦੀ ਵਾਗਡੋਰ ਨਹੀਂ ਸੰਭਾਲੀ ਜਾਂਦੀ ਪਰ ਇਹ ਸੈਂਟਰ ਉਨ੍ਹਾਂ ਦੀ ਆਫਿਸ ਬਿਲਡਿੰਗ ਵਿੱਚ ਸਥਿਤ ਹੈ ਅਤੇ ਇੱਥੇ ਕੰਮ ਕਰਦੇ ਕਈ ਕਰਮਚਾਰੀਆਂ ਦੇ ਬੱਚੇ ਇਥੇ ਜਾਂਦੇ ਹਨ।
ਰੀਸ ਨੇ ਕਿਹਾ ਕਿ ਕੰਪਨੀ ਵੱਲੋਂ ਆਪਣੇ ਕਰਮਚਾਰੀਆਂ ਨੂੰ ਸੁਰੱਖਿਅਤ ਰੱਖਣ ਵਾਸਤੇ ਲੋੜੀਂਦੇ ਕਦਮ ਚੁੱਕੇ ਜਾ ਰਹੇ ਹਨ।
ਬੁੱਧਵਾਰ ਦੁਪਹਿਰ ਤੱਕ ਐਲਬਰਟਾ ਵਿੱਚ ਕੋਵਿੱਡ -19 ਦੇ 19 ਕੇਸਾਂ ਦੀ ਪੁਸ਼ਟੀ ਕੀਤੀ ਜਾ ਚੁੱਕੀ ਸੀ।
ਇਨ੍ਹਾਂ ਸਾਰੇ ਮਾਮਲਿਆਂ ਵਿੱਚ ਪੀੜਤ ਬਾਹਰੋਂ ਸਫ਼ਰ ਕਰਕੇ ਆਏ ਹਨ।
