19.83C Vancouver 19.83C VancouverMay 5, 2020 8:23 PM -
ਕੈਨੇਡਾ ਦੀ ਚੀਫ ਪਬਲਿਕ ਹੈਲਥ ਅਫਸਰ, ਡਾ. ਥ੍ਰੀਸਾ ਟੈਮ ਦਾ ਕਹਿਣਾ ਹੈ ਕਿ ਕੈਨੇਡਾ 'ਚ ਕੋਵਿਡ-19 ਮਾਮਲਿਆਂ ਦੀ ਹਰ ਰੋਜ਼ ਵਧਦੀ ਗਿਣਤੀ 'ਚ ਗਿਰਾਵਟ ਆਈ ਹੈ।
ਇਸ ਵਿੱਚ ਕਰੀਬ 3% ਦਾ ਘਾਟਾ ਦਰਜ ਕੀਤਾ ਗਿਆ ਹੈ।
ਡਾ. ਟੈਮ ਨੇ ਕਿਹਾ ਕਿ ਸਟੈਟਿਸਟਿਕਸ ਦਰਸ਼ਾਉਂਦੇ ਹਨ ਕਿ ਇੱਕ ਪਾਸੇ ਦੇਸ਼ ਵਿੱਚ ਹੋ ਰਹੇ ਕੋਵਿਡ-19 ਦੇ ਟੈਸਟਸ ਵਿੱਚ ਵਾਧਾ ਹੋ ਰਿਹਾ ਹੈ, ਪਰ ਇਸਦੇ ਬਾਵਜੂਦ ਦੂਜੇ ਪਾਸੇ ਪਾਜ਼ਿਟਿਵ ਪਾਏ ਜਾ ਰਹੇ ਮਾਮਲਿਆਂ 'ਚ ਗਿਰਾਵਟ ਦਰਜ ਕੀਤੀ ਜਾ ਰਹੀ ਹੈ, ਜਿਸ ਨਾਲ ਸਪਸ਼ਟ ਹੁੰਦਾ ਹੈ ਕਿ ਕੈਨੇਡਾ 'ਚ ਇਹ ਪੈਂਡੇਮਿਕ ਧੀਮਾ ਹੋ ਰਿਹਾ ਹੈ।
ਇਸੇ ਦੌਰਾਨ ਡਾ. ਟੈਮ ਨੇ ਬੱਚਿਆਂ ਸੰਬੰਧੀ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਪੀਡੀਐਟ੍ਰਿਕ ਨੈਟਵਰਕ ਦੇਸ਼ 'ਚ ਬੱਚਿਆਂ ਦੇ ਨਿਸ਼ਾਨ ਵੇਖ ਰਿਹਾ ਹੈ ਕਿ ਉਨ੍ਹਾਂ 'ਚ ਕਾਵਾਸਾਕੀ ਰੋਗ ਦੇ ਲੱਛਣ ਤਾਂ ਨਹੀਂ ਹਨ, ਜੋ ਕਿ ਕੁਝ ਹੋਰ ਦੇਸ਼ਾਂ 'ਚ ਕੋਵਿਡ-19 ਤੋਂ ਪੀੜਤ ਬੱਚਿਆਂ ਵਿੱਚ ਪਾਏ ਗਏ ਹਨ।
ਪਰ ਉਨ੍ਹਾਂ ਕਿਹਾ ਕਿ ਇਸਦੇ ਅਜੇ ਕੋਈ ਠੋਸ ਸਿੱਟੇ ਨਹੀਂ ਨਿਕਲੇ ਹਨ।
ਯਾਦ ਰਹੇ ਕਾਵਾਸਾਕੀ ਰੋਗ 'ਚ ਸ਼ਰੀਰ ਦੀਆਂ ਖੂਨ ਦੀਆਂ ਨਾੜਾਂ ਪ੍ਰਭਾਵਿਤ ਹੁੰਦੀਆਂ ਹਨ, ਅਤੇ ਪਿੱਠ, ਜੀਭ, ਹੱਥ ਜਾਂ ਪੈਰ ਜਿਹੇ ਸ਼ਰੀਰਕ ਅੰਗਾਂ 'ਚ ਲਾਲੀ ਅਤੇ ਸੋਜ ਆ ਜਾਂਦੀ ਹੈ।
