27.88C Vancouver 27.88C VancouverJan 5, 2021 8:36 PM -
ਕੈਨੇਡਾ ਦੀ ਚੀਫ਼ ਪਬਲਿਕ ਹੈਲਥ ਅਫ਼ਸਰ, ਡਾ. ਥਰੈਸਾ ਟੈਮ ਦਾ ਕਹਿਣਾ ਹੈ ਕਿ ਉਹ ਫਿਕਰਮੰਦ ਹਨ ਕਿ ਕੈਨੇਡਾ 'ਚ ਕੋਵਿਡ-19 ਦੇ ਮਾਮਲੇ ਤੇਜ਼ ਰਫਤਾਰ ਨਾਲ ਵੱਧ ਰਹੇ ਹਨ।
ਉਨ੍ਹਾਂ ਕਿਹਾ ਕਿ ਬੀਤੇ ਕਰੀਬ ਇੱਕ ਹਫ਼ਤੇ ਤੋਂ ਦੇਸ਼ 'ਚ ਹਰ ਰੋਜ਼ ਕਰੀਬ 7,500 ਮਾਮਲੇ ਰਿਪੋਰਟ ਹੋ ਰਹੇ ਹਨ।
ਡਾ. ਥਰੈਸਾ ਟੈਮ ਨੇ ਕਿਹਾ ਕਿ ਦੇਸ਼ 'ਚ ਪਹਿਲੇ 100,000 ਮਾਮਲੇ ਰਿਪੋਰਟ ਹੋਣ ਨੂੰ ਕਰੀਬ 5 ਮਹੀਨਿਆਂ ਦਾ ਸਮਾਂ ਲੱਗਿਆ ਸੀ।
ਪਰ ਇਹ ਅੰਕੜਾ 500,000 ਤੋਂ 600,000 ਤੱਕ ਪਹੁੰਚਣ ਲਈ ਸਿਰਫ ਕਰੀਬ 2 ਹਫ਼ਤੇ ਦਾ ਸਮਾਂ ਲੱਗਿਆ।
ਉਨ੍ਹਾਂ ਕਿਹਾ ਕਿ ਮਾਮਲਿਆਂ ਦਾ ਤੇਜ਼ੀ ਨਾਲ ਵਧਣਾ ਜਾਰੀ ਰਹੇਗਾ, ਜਦ ਤੱਕ ਕਿ ਇਸ ਦੇ ਫੈਲਾਅ ਨੂੰ ਕਾਬੂ 'ਚ ਕਰਨ ਲਈ ਕੋਈ ਵੱਡੀ ਕਾਮਯਾਬੀ ਨਾ ਮਿਲ ਜਾਵੇ।
ਯਾਦ ਰਹੇ ਕੈਨੇਡਾ 'ਚ ਕੋਵਿਡ-19 ਦੇ 6,17,000 ਤੋਂ ਵਧੇਰੇ ਮਾਮਲੇ ਰਿਪੋਰਟ ਹੋ ਚੁੱਕੇ ਹਨ।
ਫਿਲਹਾਲ ਕੈਨੇਡਾ 'ਚ 79,575 ਐਕਟਿਵ ਮਾਮਲੇ ਹਨ।
ਕੈਨੇਡਾ 'ਚ 16,187 ਮੌਤਾਂ ਰਿਪੋਰਟ ਹੋ ਚੁੱਕੀਆਂ ਹਨ।
