10.83C Vancouver 10.83C VancouverMay 7, 2020 7:30 PM -
ਚੀਫ ਪਬਲਿਕ ਹੈਲਥ ਅਫਸਰ, ਡਾ. ਥਰੈਸਾ ਟੈਮ ਦਾ ਕਹਿਣਾ ਹੈ ਕਿ ਮੌਜੂਦਾ ਸੰਕਟ 'ਚ ਕਿਸੇ ਕੌਟੇਜ 'ਚ ਜਾ ਕੇ ਰੁਕਣਾ ਜਾਂ ਆਪਣੇ ਕਿਸੇ ਦੂਜੇ ਘਰ ਜਾ ਕੇ ਰੁਕਣ ਬਾਰੇ ਪਲੈਨ ਕਰਨਾ, ਅਤੇ ਲੋਕਲ ਸਿਹਤ ਅਧਿਕਾਰੀਆਂ ਲਈ ਪ੍ਰੇਸ਼ਾਨੀ ਵਧਣ ਦਾ ਕਾਰਨ ਬਣਨਾ ਚੰਗੀ ਸੋਚ ਨਹੀਂ ਹੈ।
ਹਾਲਾਂਕਿ ਇਹ ਕਿਹੜੀ ਜਗ੍ਹਾ 'ਤੇ ਮੁਮਕਿਨ ਹੈ ਅਤੇ ਕਿਹੜੀ ਜਗ੍ਹਾ 'ਤੇ ਨਹੀਂ, ਇਸਦਾ ਬੇਹਤਰ ਫੈਸਲਾ ਸੂਬਾ ਸਰਕਾਰਾਂ ਵੱਲੋਂ ਹੀ ਲਿਆ ਜਾ ਸਕਦਾ ਹੈ।
ਉਨ੍ਹਾਂ ਇਸ 'ਚ ਔਂਟੈਰੀਓ ਦੇ ਪ੍ਰੀਮਿਅਰ ਡਗ ਫੋਰਡ ਦੀ ਉਦਾਹਰਣ ਪੇਸ਼ ਕੀਤੀ, ਅਤੇ ਦੱਸਿਆ ਕਿ ਫੋਰਡ ਨੂੰ ਪਹਿਲਾਂ ਲੱਗਿਆ ਸੀ ਕਿ ਵਿਕਟੋਰੀਆ ਡੇਅ ਵੀਕਐਂਡ ਦੇ ਦੌਰਾਨ ਕੌਟੇਜਿਸ ਤੱਕ ਪਹੁੰਚ ਕੀਤੀ ਜਾ ਸਕਦੀ ਹੈ, ਪਰ ਹੁਣ ਓਹ ਅਜਿਹਾ ਕਰਨ ਤੋਂ ਬਚਣ ਨੂੰ ਕਹਿ ਰਹੇ ਹਨ।
ਡਾ. ਟੈਮ ਨੇ ਕਿਹਾ ਕਿ ਚਿੰਤਾ ਦਾ ਵਿਸ਼ਾ ਇਹੀ ਹੈ ਕਿ ਵਾਇਰਸ ਨੂੰ ਫੈਲਣ ਤੋਂ ਰੋਕਣਾ ਜ਼ਰੂਰੀ ਹੈ।
ਇਹ ਵੀ ਧਿਆਨ ਦੇਣਾ ਜ਼ਰੂਰੀ ਹੈ ਕਿ ਕਈ ਅਜੇਹੀਆਂ ਥਾਵਾਂ ਹਨ ਜਿੱਥੇ ਲੋਕਲ ਹਸਪਤਾਲਾਂ ਦੀ ਕਪੈਸਟੀ ਬਹੁਤੀ ਨਹੀਂ ਹੈ, ਅਤੇ ਜੇਕਰ ਅਜੇਹੀ ਜਗ੍ਹਾ 'ਤੇ ਕੋਈ ਬਿਮਾਰ ਹੁੰਦਾ ਹੈ, ਤਾਂ ਇਲਾਜ ਪ੍ਰਦਾਨ ਕਰਨਾ ਵੀ ਮੁਸ਼ਕਿਲ ਹੋ ਸਕਦਾ ਹੈ।
(ਕੈਨੇਡਾ 'ਚ ਇੱਕ ਮਿਲੀਅਨ ਕੋਵਿਡ-19 ਟੈਸਟ ਪੂਰੇ)
ਡਾ. ਥਰੈਸਾ ਟੈਮ ਨੇ ਜਾਣਕਾਰੀ ਦਿੱਤੀ ਹੈ ਕਿ ਕੈਨੇਡਾ 'ਚ ਹੁਣ ਕੋਵਿਡ-19 ਸੰਬੰਧੀ ਇੱਕ ਮਿਲੀਅਨ ਟੈਸਟ ਪੂਰੇ ਹੋ ਗਏ ਹਨ।
ਇਸਦੇ ਵਿੱਚ ਕਰੀਬ 6% ਲੋਕਾਂ ਨੂੰ ਵਾਇਰਸ ਲਈ ਪਾਜ਼ਿਟਿਵ ਪਾਇਆ ਗਿਆ ਹੈ।
ਉਨ੍ਹਾਂ ਦੱਸਿਆ ਕਿ ਪਾਜ਼ਿਟਿਵ ਪਾਏ ਗਏ ਲੋਕਾਂ 'ਚ ਕਰੀਬ ਅੱਧੇ ਰਿਕਵਰ ਕਰ ਚੁੱਕੇ ਹਨ।
ਪਰ ਇਨ੍ਹਾਂ 'ਚ 4,000 ਤੋਂ ਵਧੇਰਿਆਂ ਨੇ ਦਮ ਤੋੜ ਦਿੱਤਾ।
ਡਾ. ਟੈਮ ਨੇ ਦੱਸਿਆ ਕਿ ਇਸ ਪੈਂਡੇਮਿਕ ਦੌਰਾਨ ਮਾਨਸਿਕ ਸਿਹਤ ਵੀ ਇੱਕ ਵੱਡੀ ਚੁਣੌਤੀ ਬਣੀ ਹੋਈ ਹੈ।
ਉਨ੍ਹਾਂ ਕਿਹਾ ਕਿ ਅਜਿਹੇ ਹਾਲਾਤਾਂ 'ਚ ਬੱਚਿਆਂ ਲਈ ਆਰਟ ਦੇ ਨਾਲ ਜੁੜਨਾ ਅਤੇ ਵਧੇਰੇ ਕ੍ਰਿਏਟਿਵ ਕੰਮ ਕਰਨਾ, ਜਾਂ ਫੇਰ ਲੋਕਾਂ ਨੂੰ ਖੁਸ਼ ਕਰਨ ਦੀ ਕੋਸ਼ਿਸ਼ ਕਰਨਾ, ਮਾਨਸਿਕ ਸਿਹਤ 'ਚ ਫਾਇਦੇ ਦੇ ਸਕਦਾ ਹੈ।
