18.26C Vancouver 18.26C VancouverMay 1, 2020 9:20 PM -
ਕੈਨੇਡਾ ਦੀ ਚੀਫ ਪਬਲਿਕ ਹੈਲਥ ਅਫਸਰ, ਡਾ. ਥ੍ਰੀਸਾ ਟੈਮ ਨੇ ਅੱਜ ਇੱਕ ਅਹਿਮ ਟਿੱਪਣੀ ਦੌਰਾਨ ਕਿਹਾ ਕਿ ਲੈਬ ਵੱਲੋਂ ਪੁਖਤਾ ਕੀਤੇ ਜਾ ਚੁੱਕੇ ਕੋਵਿਡ-19 ਦੇ ਮਾਮਲੇ, 'ਟਿਪ ਆਫ ਦ ਆਈਸਬਰਗ' ਜਿਹੇ ਹਨ, ਯਾਨੀ ਕਿ ਕਿਸੇ ਪਾਣੀ ਦੇ ਆਈਸਬਰਗ ਦੀ ਚੋਟੀ ਜਿਹੇ ਹਨ, ਜਿਸਦਾ ਉੱਪਰਲਾ ਹਿੱਸਾ ਵੇਖ ਕੇ, ਉਸਦੇ ਹੇਠਾਂ ਦੇ ਵਿਸਤਾਰ ਦਾ ਅੰਦਾਜਾ ਲਗਾਉਣਾ ਮੁਸ਼ਕਿਲ ਹੁੰਦਾ ਹੈ।
ਉਨ੍ਹਾਂ ਕਿਹਾ ਕਿ ਕੋਰੋਨਾ ਵਾਇਰਸ ਦੇ ਸੰਪਰਕ 'ਚ ਆਉਣ ਵਾਲੇ ਕੁੱਲ ਲੋਕਾਂ ਦੀ ਗਿਣਤੀ ਹਾਲ ਦੀ ਗਿਣਤੀ ਤੋਂ ਵੱਡੀ ਹੋਵੇਗੀ, ਅਤੇ ਇਸਨੂੰ ਉਸੇ ਵੇਲੇ ਸਪਸ਼ਟ ਕੀਤਾ ਜਾ ਸਕਦਾ ਹੈ ਜਦ ਵੱਡੀ ਗਿਣਤੀ 'ਚ ਟੈਸਟ ਕੀਤੇ ਜਾ ਚੁੱਕੇ ਹੋਣਗੇ।
ਡਾ. ਟੈਮ ਨੇ ਕਿਹਾ ਕਿ ਪੈਂਡੇਮਿਕ ਨੂੰ ਕਾਬੂ 'ਚ ਰੱਖਣ ਦਾ ਇੱਕੋ ਤਰੀਕਾ ਹੈ ਕਿ ਵਿਗੜਦੇ ਮਾਮਲਿਆਂ ਦੀ ਗਿਣਤੀ ਘਟ ਤੋਂ ਘਟ ਰੱਖੀ ਜਾਵੇ, ਜਿਸਦੇ ਨਾਲ ਹੈਲਥ ਸਿਸਟਮ 'ਤੇ ਜਰੂਰਤ ਤੋਂ ਵਧੇਰੇ ਭਾਰ ਨਾ ਪੈ ਜਾਵੇ।
ਉਨ੍ਹਾਂ ਕਿਹਾ ਕਿ ਕੈਨੇਡਾ ਫਿਲਹਾਲ ਅਜਿਹਾ ਕਰਨ 'ਚ ਕਾਮਯਾਬ ਹੋ ਰਿਹਾ ਹੈ, ਅਤੇ ਇਹ ਪੁਖਤਾ ਕਰਨਾ ਇਸਤੋਂ ਵਧੇਰੇ ਜਰੂਰੀ ਹੈ ਕਿ ਕੋਵਿਡ-19 ਦੇ ਕੁਲ ਮਾਮਲਿਆਂ ਦੀ ਗਿਣਤੀ ਕਿੰਨੀ ਹੋ ਗਈ ਹੈ।
