25.53C Vancouver 25.53C VancouverApr 16, 2020 9:29 PM -
ਦੇਸ਼ ਦੀ ਚੀਫ ਪਬਲਿਕ ਹੈਲਥ ਅਫਸਰ,ਡਾ. ਥਰੈਸਾ ਟੈਮ ਦਾ ਕਹਿਣਾ ਹੈ ਕਿ ਹੁਣ ਮਾਡਲਸ ਦੇ ਵਿਚ ਦਰਸ਼ਾਇਆ ਜਾ ਰਿਹਾ ਹੈ ਕਿ 21 ਅਪ੍ਰੈਲ ਤਕ ਕੈਨੇਡਾ 'ਚ 1,200 ਤੋਂ 1,620 ਲੋਕਾਂ ਦੀ ਕੋਵਿਡ-19 ਕਾਰਨ ਜਾਨ ਜਾ ਸਕਦੀ ਹੈ।
ਬੀਤੇ ਹਫਤੇ ਭਵਿੱਖਵਾਣੀ 'ਚ ਆਖਿਆ ਗਿਆ ਸੀ ਕਿ ਮੌਤਾਂ ਦੀ ਗਿਣਤੀ 500 ਤੋਂ 700 ਤਕ ਰਹਿ ਸਕਦੀ ਹੈ।
ਪਰ ਡਾ. ਟੈਮ ਨੇ ਕਿਹਾ ਕਿ ਬਿਆਨ ਦੇਣ ਵਾਲੇ ਤਕ ਕੈਨੇਡਾ 'ਚ 1,048 ਲੋਕਾਂ ਦੀ ਜਾਨ ਜਾ ਚੁੱਕੀ ਹੈ।
ਡਾ. ਟੈਮ ਨੇ ਕਿਹਾ ਕਿ ਕੁੱਲ ਮਿਲਾਕੇ ਨਵੀਆਂ ਇਨਫੈਕਸ਼ਨਸ ਦੇ ਮਾਮਲੇ 'ਚ ਕੈਨੇਡਾ 'ਚ ਇਸ ਵਾਇਰਸ ਸੰਬੰਧੀ ਮਾਮਲਿਆਂ 'ਤੇ ਕਾਬੂ ਪਾਉਣ ਵਿਚ ਕਾਮਯਾਬੀ ਮਿਲਦੀ ਵਿਖਾਈ ਦੇ ਰਹੀ ਹੈ।
ਪਰ ਉਨ੍ਹਾਂ ਕਿਹਾ ਕਿ ਮੌਤਾਂ ਦੀ ਗਿਣਤੀ ਅਨੁਮਾਨ ਤੋਂ ਵਧੇਰੇ ਰਹੀ ਹੈ।
ਉਨ੍ਹਾਂ ਕਿਹਾ ਕਿ ਇਸਦਾ ਵੱਡਾ ਕਾਰਨ ਲੌਂਗ ਟਰਮ ਕੇਅਰ ਹੋਮਸ 'ਚ ਵੱਡੀ ਗਿਣਤੀ 'ਚ ਮਾਮਲਿਆਂ ਦਾ ਸਾਹਮਣੇ ਆਉਣਾ ਰਿਹਾ ਹੈ।
ਡਾ. ਟੈਮ ਨੇ ਦੱਸਿਆ ਕਿ 90% ਤੋਂ ਵਧੇਰੇ ਦਮ ਤੋੜਨ ਵਾਲੇ 60 ਸਾਲ ਤੋਂ ਵਧੇਰੀ ਉਮਰ ਦੇ ਸਨ।
ਉਨ੍ਹਾਂ ਦੱਸਿਆ ਕਿ ਦਮ ਤੋੜਨ ਵਾਲਿਆਂ 'ਚ ਅੱਧੇ ਦੇ ਕਰੀਬ ਮਾਮਲੇ, ਲੌਂਗ ਟਰਮ ਕੇਅਰ ਸੈਂਟਰਾਂ ਨਾਲ ਸੰਬੰਧਤ ਹਨ।
