12.65C Vancouver 12.65C VancouverJan 5, 2022 10:28 PM - The Canadian Press
ਕੈਨੇਡਾ ਦੀ ਚੀਫ਼ ਪਬਲਿਕ ਹੈਲਥ ਅਫ਼ਸਰ, ਡਾ. ਥਰੈਸਾ ਟੈਮ ਦਾ ਕਹਿਣਾ ਹੈ ਕਿ ਉਹ ਸਮਝਦੇ ਹਨ ਕਿ ਕਈ ਸੂਬੇ ਕੋਵਿਡ-19 ਇਨਫੈਕਸ਼ਨ ਸੰਬੰਧੀ ਆਈਸੋਲੇਸ਼ਨ ਦੇ ਸਮੇਂ ਨੂੰ ਕਿਉਂ ਘਟਾ ਰਹੇ ਹਨ।
ਬੀਤੇ ਕੁਝ ਸਮੇਂ 'ਚ ਔਂਟੈਰੀਓ ਅਤੇ ਕਿਊਬੈਕ ਤੋਂ ਇਲਾਵਾ ਬੀ.ਸੀ. 'ਚ ਵੀ ਆਈਸੋਲੇਸ਼ਨ ਪੀਰੀਅਡ ਨੂੰ 5 ਦਿਨ ਕਰ ਦਿੱਤਾ ਗਿਆ ਹੈ।
ਹਾਲਾਂਕਿ ਅਜਿਹਾ ਵੈਕਸੀਨੇਟਿਡ ਲੋਕਾਂ ਲਈ ਕੀਤਾ ਗਿਆ ਹੈ। ਡਾ. ਟੈਮ ਨੇ ਕਿਹਾ ਕਿ ਸੂਬਾ ਸਰਕਾਰਾਂ ਵੱਲੋਂ ਕੋਸ਼ਿਸ਼ ਹੋ ਰਹੀ ਹੈ ਕਿ ਇਕਾਨਮੀ ਨੂੰ ਚਲਦਾ ਰੱਖਿਆ ਜਾ ਸਕੇ।
ਦੇਸ਼ ਦੇ ਡਿਪਟੀ ਚੀਫ਼ ਪਬਲਿਕ ਹੈਲਥ ਅਫ਼ਸਰ, ਡਾ. ਹੌਵਰਡ ਨਿਊ ਨੇ ਕਿਹਾ ਕਿ ਫੈਡਰਲ ਪਬਲਿਕ ਹੈਲਥ ਏਜੈਂਸੀ ਵੱਲੋਂ ਸੂਬਾ ਸਰਕਾਰਾਂ ਅਤੇ ਅਮਰੀਕਾ 'ਚ ਸੈਂਟਰ ਫਾਰ ਡਿਜ਼ੀਜ਼ ਕੰਟਰੋਲ ਨਾਲ ਗੱਲਬਾਤ ਕੀਤੀ ਜਾ ਰਹੀ ਹੈ ਤਾਂ ਜੋ ਸਹੀ ਆਈਸੋਲੇਸ਼ਨ ਸਮੇਂ ਨੂੰ ਸਪਸ਼ਟ ਕੀਤਾ ਜਾ ਸਕੇ।
