16.6C Vancouver 16.6C VancouverAug 14, 2020 10:32 PM -
ਕੈਨੇਡਾ ਦੀ ਚੀਫ਼ ਪਬਲਿਕ ਹੈਲਥ ਅਫ਼ਸਰ, ਡਾ. ਥਰੈਸਾ ਟੈਮ ਅਤੇ ਡਿਪਟੀ ਪਬਲਿਕ ਹੈਲਥ ਅਫ਼ਸਰ, ਡਾ. ਹੌਵਰਡ ਨਿਊ ਨੇ ਅੱਜ ਕੋਰੋਨਾ ਵਾਇਰਸ ਸੰਬੰਧੀ ਨਵੇਂ ਮਾਡਲਿੰਗ ਦੇ ਅੰਕੜੇ ਪੇਸ਼ ਕੀਤੇ ਹਨ।
ਪਬਲਿਕ ਹੈਲਥ ਅਜੈਂਸੀ ਆਫ਼ ਕੈਨੇਡਾ ਦੇ ਦਸਤਾਵੇਜ਼ਾਂ ਅਨੁਸਾਰ ਅਧਿਕਾਰੀਆਂ ਵੱਲੋਂ ਇੱਕ 'ਸਲੋਅ ਬਰਨ ਸਿਨੈਰਿਓ' ਨੂੰ ਟੀਚਾ ਰੱਖਿਆ ਜਾ ਰਿਹਾ ਹੈ, ਜਿਸ ਦੇ ਵਿੱਚ ਕੁੱਲ ਮਾਮਲਿਆਂ ਨੂੰ ਘੱਟ ਰੱਖਿਆ ਜਾ ਸਕੇ, ਜਿਸ ਨਾਲ ਪਬਲਿਕ ਹੈਲਥ ਕੇਅਰ ਸਿਸਟਮ 'ਤੇ ਮਰੀਜ਼ਾਂ ਦਾ ਭਾਰ ਨਾ ਵਧੇ।
ਪਰ ਨਾਲ ਹੀ "ਮਾੜੇ ਸਮੇਂ ਦੀ ਤਿਆਰੀ" ਵੀ ਕੀਤੀ ਜਾ ਰਹੀ ਹੈ, ਜਿਸ ਦੌਰਾਨ ਹੈਲਥ ਕੇਅਰ ਸਿਸਟਮ 'ਤੇ ਮਰੀਜ਼ਾਂ ਦੀ ਵੱਧਦੀ ਗਿਣਤੀ ਦਾ ਦਬਾਅ ਬਣ ਸਕਦਾ ਹੈ।
ਬੀਤੇ ਕੁਝ ਹਫ਼ਤਿਆਂ 'ਚ ਹਰ ਰੋਜ਼ ਰਿਪੋਰਟ ਹੋਣ ਵਾਲੇ ਮਾਮਲਿਆਂ ਦੀ ਗਿਣਤੀ ਵੱਧ ਗਈ ਹੈ।
ਇਸ ਦੇ ਵਿੱਚ 20 ਤੋਂ 39 ਸਾਲ ਦੇ ਵਿਚਾਲੇ ਦੇ ਲੋਕਾਂ ਨੂੰ ਵਧੇਰੇ ਪ੍ਰਭਾਵਿਤ ਦੱਸਿਆ ਗਿਆ ਹੈ।
ਅੱਜ ਦੀ ਮਾਡਲਿੰਗ ਜਾਣਕਾਰੀ ਇਸ ਸੰਬੰਧੀ ਨਹੀਂ ਸੀ ਕਿ ਆਉਣ ਵਾਲੇ ਦਿਨਾਂ 'ਚ ਅੰਕੜੇ ਕੀ ਰਹਿ ਸਕਦੇ ਹਨ, ਬਲਕਿ ਇਸ ਸੰਬੰਧੀ ਸੀ ਕਿ ਕੁਝ ਖਾਸ ਪੜ੍ਹਾਵਾਂ 'ਚ ਕੀ ਹੋ ਸਕਦਾ ਹੈ।
ਅੱਜ ਦੇ ਮਾਡਲਿੰਗ ਅੰਕੜਿਆਂ 'ਚ ਦੱਸਿਆ ਗਿਆ ਕਿ 23 ਅਗਸਤ ਤੱਕ ਕੈਨੇਡਾ 'ਚ ਵਾਇਰਸ ਸੰਬੰਧੀ ਪੀੜਤਾਂ ਦੀ ਗਿਣਤੀ 1,27,740 ਦੇ ਪਾਰ ਹੋ ਸਕਦੀ ਹੈ ਅਤੇ ਮੌਤਾਂ ਦੀ ਗਿਣਤੀ 9,115 ਤੱਕ ਪਹੁੰਚ ਸਕਦੀ ਹੈ।
