13.54C Vancouver 13.54C VancouverMar 23, 2021 5:28 PM -
ਦੱਖਣੀ ਬੀ.ਸੀ. 'ਚ ਕੈਲੋਨਾ ਦੇ ਕੋਲ ਆਰ.ਸੀ.ਐਮ.ਪੀ. ਵੱਲੋਂ ਵਾਹਨ ਚਾਲਕਾਂ ਨੂੰ ਚੇਤਾਵਨੀ ਦਿੱਤੀ ਜਾ ਰਹੀ ਹੈ ਕਿ ਇੱਕ ਗੱਡੀ ਚਲਾਉਣ ਵਾਲੇ ਨੂੰ ਇੱਕ ਪੁਲਿਸ ਅਫ਼ਸਰ ਦੇ ਪਹਿਰਾਵੇ ਵਾਲੇ ਵਿਅਕਤੀ ਨੇ ਰੋਕਿਆ ਹੈ।
ਮਾਮਲਾ ਐਤਵਾਰ ਦਾ ਦੱਸਿਆ ਗਿਆ ਹੈ।
ਕੈਲੋਨਾ ਦੇ ਦੱਖਣੀ ਇਲਾਕੇ 'ਚ ਬਾਊਂਡਰੀ ਦੇ ਕੋਲ ਐਤਵਾਰ ਰਾਤ ਇੱਕ ਵਿਅਕਤੀ ਦਾ ਪਿੱਛਾ ਇੱਕ ਚਿੱਟੇ ਪਿਕ-ਅਪ ਟਰੱਕ 'ਚ ਕੀਤਾ ਗਿਆ ਸੀ।
ਫਿਰ ਅਚਾਨਕ ਇਸ ਟਰੱਕ ਵਾਲੇ ਨੇ ਲਾਲ ਅਤੇ ਨੀਲੀਆਂ ਬੱਤੀਆਂ ਬਾਲ ਦਿੱਤੀਆਂ ਜਿਸ ਤੋਂ ਬਾਅਦ ਵਾਹਨ ਚਾਲਕ ਨੇ ਗੱਡੀ ਰੋਕ ਲਈ।
ਇੱਕ ਵੱਡੀ ਉਮਰ ਦਾ ਵਿਅਕਤੀ ਗੱਡੀ ਤਕ ਪਹੁੰਚਿਆ ਅਤੇ ਵਾਹਨ ਚਾਲਕ ਕੁਝ ਮਿੰਟ ਲਈ ਬਾਹਰ ਨਿਕਲਿਆ ਪਰ ਕੁਝ ਗੜਬੜ ਜਾਪਣ 'ਤੇ ਗੱਡੀ 'ਚ ਬੈਠ ਕੇ ਮੌਕੇ ਤੋਂ ਨਿਕਲ ਗਿਆ।
ਸ਼ੱਕੀ ਨੇ ਕਰੀਬ 7 ਕਿਲੋਮੀਟਰ ਤਕ ਗੱਡੀ ਦਾ ਪਿੱਛਾ ਕੀਤਾ ਪਰ ਫਿਰ ਉਹ ਰੁਕ ਗਿਆ।
ਪੁਲਿਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਜੇਕਰ ਉਨ੍ਹਾਂ ਨੂੰ ਲੱਗੇ ਕਿ ਉਨ੍ਹਾਂ ਨੂੰ ਕਿਸੇ ਪੁਲਿਸਵਾਲੇ ਜਿਹਾ ਵਿਖਣ ਵਾਲਾ ਸ਼ੱਕੀ ਵਿਅਕਤੀ ਵਿਖੇ ਤਾਂ ਜਾਣਕਾਰੀ ਸਾਂਝੀ ਕੀਤੀ ਜਾਵੇ।
