24.43C Vancouver 24.43C VancouverOct 29, 2025 7:55 PM - Connect Newsroom
ਕੈਨੇਡਾ ਵਿਚ ਪੁਲਿਸ ਵਲੋਂ ਰਿਪੋਰਟ ਕੀਤੇ ਡਰੱਗ ਕ੍ਰਾਈਮ ਦੀ ਦਰ ਵਿਚ 12 ਸਾਲਾਂ ਵਿਚ ਪਹਿਲੀ ਵਾਰ ਵਾਧਾ ਹੋਇਆ ਹੈ, ਹਾਲਾਂਕਿ, ਇਹ ਅਜੇ ਵੀ 2021 ਦੇ ਇਤਿਹਾਸਕ ਚੋਟੀ ਦੇ 61 ਫੀਸਦੀ ਤੋਂ ਘੱਟ ਹੈ। ਸਟੈਟਿਸਟਿਕਸ ਕੈਨੇਡਾ ਮੁਤਾਬਕ, 2023 ਅਤੇ 2024 ਵਿਚਕਾਰ ਡਰੱਗ ਕ੍ਰਾਈਮ ਦਰ 13 ਫੀਸਦੀ ਵਧੀ ਹੈ, ਜਿਸ ਨਾਲ ਲੰਬੇ ਸਮੇਂ ਤੋਂ ਚੱਲ ਰਹੇ ਡਾਊਨਵਰਡ ਟਰੈਂਡ ਵਿਚ ਤਬਦੀਲੀ ਆਈ।
ਇਹ ਵਾਧਾ ਮੁੱਖ ਤੌਰ 'ਤੇ ਭੰਗ, ਕੋਕੀਨ ਅਤੇ ਓਪੀਔਡਜ਼ ਵਰਗੇ ਨਸ਼ੇ ਨਾਲ ਸਬੰਧਤ ਅਪਰਾਧਾਂ ਵਿਚ possession ਤੇ ਤਸਕਰੀ ਦੇ ਦੋਸ਼ ਵਿਚ ਵਾਧੇ ਕਾਰਨ ਹੋਇਆ, ਸਟੈਟਕੈਨ ਦਾ ਕਹਿਣਾ ਹੈ ਕਿ 2024 ਵਿਚ ਉੱਤਰ-ਪੱਛਮੀ ਪ੍ਰਦੇਸ਼ ਵਿਚ ਨਸ਼ੀਲੇ ਪਦਾਰਥਾਂ ਦੇ ਅਪਰਾਧ ਦੀ ਦਰ ਸਭ ਤੋਂ ਵੱਧ ਸੀ, ਜਿਥੇ ਪ੍ਰਤੀ 100,000 ਆਬਾਦੀ ਵਿਚ 2,591 ਘਟਨਾਵਾਂ ਹੋਈਆਂ, ਜੋ ਯੂਕੋਨ ਵਿਚ ਅਗਲੀ ਸਭ ਤੋਂ ਉੱਚੀ ਦਰ ਨਾਲੋਂ ਚੌਗੁਣੀ ਅਤੇ ਬੀ. ਸੀ. ਦੀ ਦਰ ਨਾਲੋਂ 10 ਗੁਣਾ ਵੱਧ ਸੀ। 2023 ਅਤੇ 2024 ਵਿਚਕਾਰ ਵੱਡੇ ਸ਼ਹਿਰਾਂ ਵਿਚੋਂ ਵੈਨਕਵੂਰ ਦੀ ਵਾਧਾ ਦਰ ਸਭ ਤੋਂ ਵੱਧ 35 ਫੀਸਦੀ ਸੀ।
ਏਜੰਸੀ ਦਾ ਕਹਿਣਾ ਹੈ ਕਿ 2014 ਅਤੇ 2024 ਵਿਚਕਾਰ ਪੁਲਿਸ ਦੁਆਰਾ ਰਿਪੋਰਟ ਕੀਤੀ ਗਈ ਨਸ਼ੀਲੇ ਪਦਾਰਥਾਂ ਦੀ ਅਪਰਾਧ ਦਰ ਵਿਚ 56 ਫੀਸਦੀ ਕਮੀ ਆਈ ਹੈ, ਜਿਸ ਬਾਰੇ ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਦੇਸ਼ ਦੇ ਡਰੱਗ ਕ੍ਰਾਈਮ ਦੀ ਦਰ ਵਿਚ ਇਹ ਓਵਰਆਲ ਗਿਰਾਵਟ ਮੁੱਖ ਤੌਰ 'ਤੇ 2018 ਵਿਚ ਭੰਗ ਨੂੰ ਕਾਨੂੰਨੀ ਮਾਨਤਾ ਦੇਣਾ ਕੀਤੇ ਜਾਣ ਕਾਰਨ ਹੈ, ਜਿਸ ਤੋਂ ਬਾਅਦ ਭੰਗ ਦੇ ਅਪਰਾਧਾਂ ਦੀ ਗਿਣਤੀ ਪਿਛਲੇ ਦਹਾਕੇ ਵਿਚ ਨਾਟਕੀ ਢੰਗ ਨਾਲ ਘਟੀ ਹੈ, 2014 ਵਿਚ ਇਸ ਦੇ 70,000 ਮਾਮਲੇ ਸਨ, ਜੋ 2024 ਵਿਚ 9,000 ਦਰਜ ਹੋਏ ਹਨ।
