16.37C Vancouver 16.37C VancouverApr 20, 2021 5:22 PM -
ਸਰੀ ਗੈਂਗ ਐਨਫੋਰਸਮੈਂਟ ਟੀਮ (Surrey Gang Enforcement Team) ਵੱਲੋਂ ਹਾਲ 'ਚ ਇੱਕ ਗੱਡੀ ਨੂੰ ਰੋਕਿਆ ਗਿਆ ਅਤੇ ਇਸ ਦੌਰਾਨ ਕਈ ਬੰਦੂਕਾਂ ਅਤੇ ਡਰੱਗਸ ਦੀ ਬਰਾਮਦਗੀ ਹੋਈ ਹੈ।
ਇਸ ਵਾਹਨ ਨੂੰ ਨਿਊਟਨ ਇਲਾਕੇ 'ਚ ਰੋਕਿਆ ਗਿਆ ਸੀ।
ਮਾਮਲਾ 17 ਅਪ੍ਰੈਲ ਦਾ ਦੱਸਿਆ ਗਿਆ ਹੈ ਅਤੇ ਗੱਡੀ ਨੂੰ ਰਾਤ ਕਰੀਬ 11.30 ਵਜੇ 99 ਐਵੀਨਿਊ ਅਤੇ ਵੁਡਲੈਂਡ ਪਲੇਸ ਦੇ ਇਲਾਕੇ 'ਚ ਰੋਕਿਆ ਗਿਆ ਸੀ।
ਵਾਹਨ ਚਾਲਕ ਨਾਲ ਗੱਲਬਾਤ ਦੌਰਾਨ ਅਫ਼ਸਰ ਨੂੰ ਗੱਡੀ 'ਚ ਇੱਕ ਹਥਿਆਰ ਵਿਖਾਈ ਦਿੱਤਾ ਅਤੇ ਵਾਹਨ ਚਾਲਕ ਨੂੰ ਹਿਰਾਸਤ 'ਚ ਲੈ ਲਿਆ ਗਿਆ।
ਗੱਡੀ ਦੀ ਤਲਾਸ਼ੀ ਦੌਰਾਨ ਇੱਕ ਸ਼ੌਟਗਨ, ਇੱਕ ਸੈਮੀ-ਔਟੋਮੈਟਿਕ ਰਾਈਫਲ, ਇੱਕ ਪਿਸਤੌਲ, ਕੁਝ ਰੌਂਦ ਅਤੇ 2 ਚਾਕੂ ਮਿਲੇ।
ਇਸ ਤੋਂ ਇਲਾਵਾ ਸ਼ੱਕੀ ਫੈਂਟਾਨਿਲ ਅਤੇ ਸ਼ੱਕੀ ਮੈਥਮਫਿਟਾਮੀਨ ਦੇ ਪੈਕੇਜ ਵੀ ਮਿਲੇ।
ਵਿਅਕਤੀ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਪਰ ਫਿਲਹਾਲ ਉਸ 'ਤੇ ਕੋਈ ਦੋਸ਼ ਤੈਅ ਨਹੀਂ ਕੀਤੇ ਗਏ ਹਨ।
