21.28C Vancouver 21.28C VancouverDec 21, 2023 7:14 PM - The Canadian Press
ਬ੍ਰਿਟਿਸ਼ ਕੋਲੰਬੀਅਨ ਟੀਨਏਜਰ ਲੜਕੀ ਦੀ ਮੌਤ ਦਾ ਕਾਰਨ ਬਣਨ ਵਾਲੇ 44 ਸਾਲਾ ਡੱਚ ਵਿਅਕਤੀ ਨੂੰ 6 ਸਾਲ ਦੀ ਸਜ਼ਾ ਸੁਣਾਈ ਗਈ ਹੈ। ਐਡੀਅਨ ਕੋਬਨ ਨੇ 2012 ਵਿੱਚ ਅਮਾਂਡਾ ਟੌਡ ਦੀ ਅਸ਼ਲੀਲ ਵੀਡੀਓ ਪੋਸਟ ਕਰਕੇ ਉਸ ਨੂੰ ਬਲੈਕਮੇਲ ਕੀਤਾ ਸੀ ਜਿਸ ਕਾਰਨ ਉਸ ਨੇ ਆਪਣੀ ਜਾਨ ਲੈ ਲਈ ਸੀ।
ਐਮਸਟਰਡੈਮ ਦੀ ਕੋਰਟ ਨੇ ਐਡੀਅਨ ਕੋਬਨ ਦੀ ਸਜ਼ਾ 13 ਸਾਲ ਤੋਂ ਘਟਾ ਕੇ 6 ਸਾਲ ਕਰ ਦਿੱਤੀ ਹੈ। ਉਸ ਨੂੰ 2020 ਵਿੱਚ ਨੀਦਰਲੈਂਡ ਤੋਂ ਕੈਨੇਡਾ ਹਵਾਲੇ ਕੀਤਾ ਗਿਆ ਸੀ। ਉਸ ਨੂੰ ਡੱਚ ਜੇਲ੍ਹ ਵਿੱਚ ਰੱਖਣ ਦੀ ਸ਼ਰਤ 'ਤੇ ਕੈਨੇਡਾ ਭੇਜਿਆ ਗਿਆ ਸੀ। ਇਸ ਦਾ ਮਤਲਬ ਇਹ ਸੀ ਕਿ ਬ੍ਰਿਟਿਸ਼ ਕੋਲੰਬੀਆ ਦੀ ਸੁਪਰੀਮ ਕੋਰਟ ਵੱਲੋਂ ਪਿਛਲੇ ਸਾਲ ਸੁਣਾਈ ਉਸ ਦੀ ਸਜ਼ਾ ਨੀਦਰਲੈਂਡਜ਼ ਮੁਤਾਬਕ ਬਦਲ ਦਿੱਤੀ ਗਈ।
ਜੁਲਾਈ ਵਿੱਚ ਡੱਚ ਸਰਕਾਰੀ ਵਕੀਲ ਨੇ ਉਸ ਦੀ ਸਜ਼ਾ ਘਟਾਉਣ ਦੀ ਅਪੀਲ ਕੀਤੀ ਸੀ। ਉਹ ਨੀਦਰਲੈਂਡ ਵਿੱਚ 33 ਸਾਲਾ ਲੜਕੀਆਂ ਅਤੇ ਗੇਅ ਵਿਅਕਤੀਆਂ ਦੀਆਂ ਵੀਡੀਓਜ਼ ਪੋਸਟ ਕਰਨ ਲਈ 11 ਸਾਲ ਦੀ ਸਜ਼ਾ ਕੱਟ ਰਿਹਾ ਹੈ। ਉਸ ਦੀ ਇਹ ਸਜ਼ਾ ਅਗਲੇ ਸਾਲ ਸ਼ੁਰੂ ਹੋਵੇਗੀ।
ਸਾਈਬਰ ਧੱਕੇਸ਼ਾਹੀ ਦੀ ਸ਼ਿਕਾਰ ਅਮਾਂਡਾ ਟੌਡ ਨੇ ਕਈ ਸਕੂਲ ਬਦਲੇ ਸਨ ਪਰ ਪਰੇਸ਼ਾਨ ਹੋ ਕੇ ਉਸ ਨੇ ਆਪਣੀ ਜਾਨ ਲੈ ਲਈ ਸੀ। ਪਿਛਲੇ ਸਾਲ ਸੂਬੇ ਦੀ ਜਿਊਰੀ ਨੇ ਕੋਬਨ 'ਤੇ ਬਾਲ ਪੋਰਨੋਗ੍ਰਾਫੀ ਰੱਖਣ ਅਤੇ ਸਾਂਝੀ ਕਰਨ ਦੇ ਚਾਰਜਿਜ਼ ਲਗਾਏ ਸਨ।
