12.52C Vancouver 12.52C VancouverMar 21, 2024 5:37 PM - The Canadian Press
ਉੱਤਰੀ ਬਿ੍ਰਟਿਸ਼ ਕੋਲੰਬੀਆ ਵਿਚ ਪਿਛਲੇ ਸਾਲਾਂ ਨਾਲੋਂ ਹਫ਼ਤੇ ਪਹਿਲਾਂ ਹੀ ਸਾੜਨ ’ਤੇ ਪਾਬੰਦੀ ਲਾਗੂ ਹੋ ਰਿਹਾ ਹੈ। ਪਿ੍ਰੰਸ ਜਾਰਜ ਫਾਇਰ ਸੈਂਟਰ ਦੇ ਕੁਝ ਹਿੱਸਿਆਂ ਲਈ ਅਗਲੇ ਹਫਤੇ ਖੁੱਲ੍ਹੇ ਸਥਾਨ ’ਤੇ ਅੱਗ ਬਾਲਣ ’ਤੇ ਪਾਬੰਦੀ ਲਗਾਈ ਜਾ ਰਹੀ ਹੈ, ਜਿਸ ਵਿਚ ਪੀਸ ਅਤੇ ਫੋਰਟ ਨੈਲਸਨ ਖੇਤਰ ਸ਼ਾਮਲ ਹਨ।
28 ਮਾਰਚ ਨੂੰ ਦੁਪਹਿਰ ਤੋਂ ਪ੍ਰਿੰਸ ਜਾਰਜ, ਸਟੂਅਰਟ ਨੇਚਾਕੋ, ਮੈਕੇਂਜੀ, ਪੀਸ ਅਤੇ ਫੋਰਟ ਨੈਲਸਨ ਜੰਗਲਾਤ ਜ਼ਿਲ੍ਹੇ ਵਿੱਚ ਕੈਟਾਗਿਰੀ 2 ਅਤੇ 3 ਦੀ ਖੁੱਲ੍ਹੇ ਸਥਾਨ ’ਤੇ ਅੱਗ ਬਾਲਣ ’ਤੇ ਪਾਬੰਦੀ ਹੋਵੇਗੀ। ਇਹ ਪਾਬੰਦੀਆਂ ਆਮ ਤੌਰ ’ਤੇ ਅਪ੍ਰੈਲ ਦੇ ਅਖੀਰ ਜਾਂ ਮਈ ਵਿੱਚ ਜਾਰੀ ਕੀਤੀਆਂ ਜਾਂਦੀਆਂ ਹਨ ਪਰ ਵੀਰਵਾਰ ਦੀ ਪਾਬੰਦੀ ਸੂਬੇ ਵਿਚ ਦਰਜ ਕੀਤੀਆਂ ਲਗਾਤਾਰ ਖੁਸ਼ਕ ਸਥਿਤੀਆਂ ਅਤੇ ਘੱਟ ਬਾਰਸ਼ ਕਾਰਨ ਆਮ ਨਾਲੋਂ ਹਫ਼ਤੇ ਪਹਿਲਾਂ ਲਾਗੂ ਹੋ ਰਹੀ ਹੈ।
ਕੈਟਾਗਿਰੀ 2 ਅਤੇ 3 ਵਿੱਚ ਅੱਗ ਬਾਲਣ ’ਤੇ ਪਾਬੰਦੀ ਵਿੱਚ ਪਟਾਕੇ, ਸਕਾਈ ਲਾਲਟੇਨ ਅਤੇ ਬਰਨ ਬੈਰਲਸ ਸ਼ਾਮਲ ਹਨ ਪਰ ਇਹ ਅੱਧਾ ਮੀਟਰ ਚੌੜੇ ਅਤੇ ਡੇਢ ਮੀਟਰ ਤੋਂ ਘੱਟ ਲੰਬੇ ਕੈਂਪ ਫਾਇਰ ਜਾਂ ਖਾਣਾ ਪਕਾਉਣ ਵਾਲੇ ਸਟੋਵ ਦੀ ਵਰਤੋਂ ’ਤੇ ਪਾਬੰਦੀ ਨਹੀਂ ਲਗਾਉਂਦੇ, ਜੋ ਗੈਸ, ਪ੍ਰੋਪੇਨ ਜਾਂ ਬ੍ਰੀਕੇਟਸ ਦੀ ਵਰਤੋਂ ਕਰਦੇ ਹਨ।
ਜ਼ਿਕਰਯੋਗ ਹੈ ਕਿ ਸੂਬੇ ਨੇ ਇਸ ਸਾਲ ਜਲਦੀ ਅਤੇ ਚੁਣੌਤੀਪੂਰਨ ਜੰਗਲੀ ਅੱਗ ਸੀਜ਼ਨ ਦੀ ਚੇਤਾਵਨੀ ਦਿੱਤੀ ਸੀ ਜਿਸ ਤੋਂ ਕੁਝ ਦਿਨ ਬਾਅਦ ਅੱਗ ਲੱਗਣ ’ਤੇ ਪਾਬੰਦੀ ਲਗਾਈ ਗਈ ਹੈ।
