19.86C Vancouver 19.86C VancouverJan 16, 2025 6:42 PM - The Canadian Press
ਬੀ.ਸੀ.ਵਿਚ ਟਰੰਪ ਦੇ ਟੈਰਿਫ ਕਾਰਨ 1 ਲੱਖ ਤੋਂ ਵੱਧ ਨੌਕਰੀਆਂ ਖੁਸ ਸਕਦੀਆਂ ਹਨ। ਇਹ ਖੁਲਾਸਾ ਪ੍ਰੀਮੀਅਰ ਡੇਵਿਡ ਈਬੀ ਅਤੇ ਵਿੱਤ ਮੰਤਰੀ ਬ੍ਰੇਂਡਾ ਬੈਲੀ ਨੇ ਕੀਤਾ ਹੈ। ਵਿੱਤ ਮੰਤਰੀ ਨੇ ਅੱਜ ਮੀਡੀਆ ਸਾਹਮਣੇ ਰੱਖੇ ਅਨੁਮਾਨ ਵਿਚ ਕਿਹਾ ਕਿ ਟੈਰਿਫ ਪ੍ਰਭਾਵ ਕਾਰਨ ਅਗਲੇ ਤਿੰਨ ਸਾਲਾਂ ਵਿਚ ਸੂਬੇ ਦੀ ਅਰਥਵਿਵਸਥਾ ਨੂੰ 69 ਬਿਲੀਅਨ ਡਾਲਰ ਦਾ ਨੁਕਸਾਨ ਹੋ ਸਕਦਾ ਹੈ ਅਤੇ 124,000 ਨੌਕਰੀਆਂ ਜਾਣ ਦੀ ਸੰਭਾਵਨਾ ਹੈ।
ਵਿੱਤ ਮੰਤਰੀ ਬ੍ਰੇਂਡਾ ਬੈਲੀ ਨੇ ਦੱਸਿਆ ਅਮਰੀਕਾ ਬੀ.ਸੀ. ਦਾ ਸਭ ਤੋਂ ਵੱਡਾ ਵਪਾਰਕ ਭਾਈਵਾਲ ਹੈ ਅਤੇ ਸੂਬਾ ਆਪਣੇ ਕੁੱਲ ਮਾਲ ਦਾ 54 ਫੀਸਦੀ ਹਿੱਸਾ ਅਮਰੀਕਾ ਨੂੰ ਹੀ ਨਿਰਯਾਤ ਕਰਦਾ ਹੈ। ਉਸ ਤੋਂ ਬਾਅਦ ਚੀਨ, ਜਪਾਨ ਅਤੇ ਏਸ਼ੀਆ ਹੈ।
ਏਸ਼ੀਆ ਵਿਚ ਬੀ. ਸੀ. ਦਾ ਨਿਰਯਾਤ ਭਾਰਤ, ਹਾਂਗ ਕਾਂਗ, ਤਾਈਵਾਨ ਅਤੇ ਦੱਖਣ ਕੋਰੀਆ ਨੂੰ ਜਾਂਦਾ ਹੈ ਪਰ ਇਹ ਕੁੱਲ ਨਿਰਯਾਤ ਦਾ ਮਹਿਜ 10 ਫੀਸਦੀ ਦੇ ਕਰੀਬ ਹੀ ਹੈ। ਬੈਲੀ ਨੇ ਇਸ ਦੇ ਨਾਲ ਹੀ ਦੱਸਿਆ ਕਿ ਟਰੰਪ ਟੈਰਿਫ ਕਾਰਨ ਬੀ. ਸੀ. ਸਰਕਾਰ ਦਾ ਰੈਵੇਨਿਊ 1.6 ਬਿਲੀਅਨ ਡਾਲਰ ਤੋਂ 2.5 ਬਿਲੀਅਨ ਡਾਲਰ ਤੱਕ ਘੱਟ ਸਕਦਾ ਹੈ।
