19.18C Vancouver 19.18C VancouverMar 6, 2025 4:52 PM - The Canadian Press
ਪ੍ਰੀਮੀਅਰ ਡੇਵਿਡ ਈਬੀ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀ ਸਰਕਾਰ ਅਮਰੀਕਾ ਤੋਂ ਬਿਜਲੀ 'ਤੇ ਸੂਬੇ ਦੀ ਨਿਰਭਰਤਾ ਘੱਟ ਕਰਨ ਦੀ ਯੋਜਨਾ 'ਤੇ ਕੰਮ ਕਰ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਟਰੰਪ ਵਲੋਂ ਲਗਾਏ ਗਏ ਟੈਰਿਫ ਅਤੇ ਬੇਯਕੀਨੀ ਨੇ ਸਾਡੇ ਲਈ ਅਜਿਹੀ ਸਥਿਤੀ ਪੈਦਾ ਕੀਤੀ ਹੈ ਕਿ ਅਸੀਂ ਹੁਣ ਕਦੇ ਵੀ ਆਪਣੇ ਆਪ ਨੂੰ ਅਮਰੀਕਾ 'ਤੇ ਇੰਨੇ ਨਿਰਭਰ ਨਹੀਂ ਕਰਾਂਗੇ।
ਈਬੀ ਨੇ ਕਿਹਾ ਕਿ ਮੌਜੂਦਾ ਮਾਹੌਲ ਨੇ ਸਾਨੂੰ ਇਹ ਸਿਖਾਇਆ ਹੈ ਕਿ ਸਾਨੂੰ ਬੈਕਅੱਪ ਪਲਾਨ ਰੱਖਣੇ ਹੋਣਗੇ, ਤਾਂ ਕਿ ਬ੍ਰਿਟਿਸ਼ ਕੋਲੰਬੀਆ ਫਿਰ ਕਦੇ ਅਮਰੀਕਾ 'ਤੇ ਇੰਨਾ ਨਿਰਭਰ ਨਾ ਹੋਵੇ। ਇੱਕ ਰਿਪੋਰਟ ਮੁਤਾਬਕ, ਬੀ.ਸੀ. ਹਾਈਡਰੋ ਨੇ ਵਿੱਤੀ ਸਾਲ 2024 ਵਿਚ $1.4 ਬਿਲੀਅਨ ਦੇ ਖ਼ਰਚ ਨਾਲ 13,600 ਗੀਗਾਵਾਟ ਘੰਟੇ ਦੀ ਬਿਜਲੀ ਸੂਬੇ ਤੋਂ ਬਾਹਰੋਂ ਖਰੀਦੀ ਸੀ, ਜ਼ਿਆਦਾਤਰ ਇਹ ਬਿਜਲੀ ਅਮਰੀਕਾ ਅਤੇ ਐਲਬਰਟਾ ਤੋਂ ਖਰੀਦੀ ਗਈ ਸੀ।
ਪ੍ਰੀਮੀਅਰ ਡੇਵਿਡ ਈਬੀ ਨੇ ਕਿਹਾ ਕਿ ਸੂਬਾ ਜਿਸ ਅਮਰੀਕੀ ਏਜੰਸੀ ਰਾਹੀਂ ਬਿਜਲੀ ਖਰੀਦਦਾ-ਵੇਚਦਾ ਸੀ, ਉਸ ਵਿਚ ਹਾਲ ਹੀ ਵਿਚ ਐਲੋਨ ਮਸਕ ਦੇ ਡਿਪਾਰਟਮੈਂਟ ਨੇ ਛਾਂਟੀ ਕੀਤੀ ਹੈ, ਜਿਸ ਨਾਲ ਇਹ ਏਜੰਸੀ ਕਾਫ਼ੀ ਕਮਜ਼ੋਰ ਹੋ ਗਈ ਹੈ। ਈਬੀ ਨੇ ਕਿਹਾ ਕਿ ਇਹ ਇੱਕ ਅਸਥਿਰਤਾ ਦਾ ਮਾਹੌਲ ਹੈ।
