18.97C Vancouver 18.97C VancouverJun 10, 2025 4:28 PM - The Canadian Press
ਪ੍ਰੀਮੀਅਰ ਡੇਵਿਡ ਈਬੀ ਦਾ ਕਹਿਣਾ ਹੈ ਕਿ ਐਲਬਰਟਾ ਤੋਂ ਬੀ. ਸੀ. ਦੇ ਉੱਤਰੀ ਤੱਟ ਲਈ ਤੇਲ ਪਾਈਪਲਾਈਨ ਵਿਚ ਉਹ ਰੁਕਾਵਟ ਨਹੀਂ ਹਨ ਸਗੋਂ ਇਸ ਪਾਈਪਲਾਈਨ ਦਾ ਨਾ ਕੋਈ ਸਮਰਥਕ ਹੈ ਅਤੇ ਨਾ ਹੀ ਇਸ ਲਈ ਕੋਈ ਫੰਡਿੰਗ ਹੈ।
ਉਨ੍ਹਾਂ ਇਹ ਟਿੱਪਣੀ ਐਲਬਰਟਾ ਦੀ ਪ੍ਰੀਮੀਅਰ ਡੈਨੀਅਲ ਸਮਿਥ ਦੇ ਉਸ ਬਿਆਨ ਦੀ ਜਵਾਬ ਵਿਚ ਕੀਤੀ, ਜਿਸ ਵਿਚ ਸਮਿਥ ਨੇ ਕਿਹਾ ਸੀ ਕਿ ਉਹ ਈਬੀ ਨੂੰ ਪਾਈਪਲਾਈਨ ਦੀ ਮਨਜ਼ੂਰੀ ਦੇਣ ਲਈ ਰਾਜ਼ੀ ਕਰ ਸਕਦੀ ਹਨ।
ਪ੍ਰੀਮੀਅਰ ਈਬੀ ਨੇ ਅਸਿੱਧੇ ਢੰਗ ਨਾਲ ਪਾਈਪਲਾਈਨ ਲਈ ਇਨਕਾਰ ਕਰਦੇ ਕਿਹਾ ਕਿ ਜੇ ਸਮਿਥ ਇਸ ਸਬੰਧੀ ਸਮਰਥਕ ਅਤੇ ਫੰਡਿੰਗ ਪਾਉਣ ਵਿਚ ਸਫਲ ਹੋ ਜਾਂਦੀ ਹੈ, ਨਾਲ ਹੀ ਪ੍ਰੋਜੈਕਟ ਦੀ ਰੂਪ-ਰੇਖਾ ਤਿਆਰ ਕਰ ਲੈਂਦੇ ਹਨ ਤਾਂ ਬੀਸੀ ਨੂੰ ਨਿਸ਼ਚਿਤ ਤੌਰ 'ਤੇ ਕੋਈ ਪ੍ਰੇਸ਼ਾਨੀ ਨਹੀਂ ਹੋਵੇਗੀ। ਹਾਲਾਂਕਿ, ਉਨ੍ਹਾਂ ਕਿਹਾ ਕਿ ਪਹਿਲਾਂ ਤੋਂ ਹੀ ਅਜਿਹੇ ਕਈ ਪ੍ਰੋਜੈਕਟਸ ਹਨ ਜਿਨ੍ਹਾਂ 'ਤੇ ਬੀਸੀ ਐਲਬਰਟਾ ਨਾਲ ਮਿਲ ਕੇ ਕੰਮ ਕਰ ਸਕਦਾ ਹੈ।
