14.75C Vancouver 14.75C VancouverApr 26, 2021 9:35 PM -
ਬੀ.ਸੀ. 'ਚ ਮਨੀ ਲੌਂਡਰਿੰਗ ਇੰਕਵਾਇਰੀ ਨੂੰ ਹੋਂਦ 'ਚ ਲਿਆਉਣ 'ਚ ਅਹਿਮ ਭੂਮਿਕਾ ਨਿਭਾਉਣ ਵਾਲੇ ਕੈਬਿਨੇਟ ਮੰਤਰੀ ਦਾ ਕਹਿਣਾ ਹੈ ਕਿ ਉਨ੍ਹਾਂ ਕੋਲ ਕਸੀਨੋਸ 'ਚ ਪਹੁੰਚਣ ਵਾਲੇ ਸ਼ੱਕੀ ਕੈਸ਼ ਦੀਆਂ ਕਈ ਵੱਖੋ-ਵੱਖਰੀਆਂ ਗੱਲਾਂ ਸੁਣਨ ਨੂੰ ਮਿਲ ਰਹੀਆਂ ਸਨ।
ਅਟੌਰਨੀ ਜਨਰਲ ਡੇਵਿਡ ਇਬੀ ਨੇ ਕਿਹਾ ਕਿ ਸਾਲ 2017 'ਚ ਗੇਮਿੰਗ ਸੰਬੰਧੀ ਮੰਤਰੀ ਬਣਨ ਤੋਂ ਬਾਅਦ, ਉਨ੍ਹਾਂ ਕਈ ਅਧਿਕਾਰੀਆਂ ਤੋਂ ਇਸ ਬਾਰੇ ਸੁਣਿਆ ਸੀ।
ਉਨ੍ਹਾਂ ਅੱਜ ਕੁਲਨ ਕਮਿਸ਼ਨ ਨੂੰ ਦੱਸਿਆ ਕਿ ਕਸੀਨੋਸ 'ਚ ਸ਼ੱਕੀ ਕੈਸ਼ ਬਾਰੇ ਮਿਲ ਰਹੀ ਜਾਣਕਾਰੀ 'ਤੇ ਕਾਫੀ ਅਹਿਮ ਅੰਤਰ ਸਪਸ਼ਟ ਹੋਏ ਸਨ।
ਉਨ੍ਹਾਂ ਦੱਸਿਆ ਕਿ ਬੀ.ਸੀ. ਲੌਟਰੀ ਕਾਰਪੋਰੇਸ਼ਨ ਦੇ ਅਧਿਕਾਰੀਆਂ ਦਾ ਕਹਿਣਾ ਸੀ ਕਿ ਕਸੀਨੋਸ ਦੇ ਵਿੱਚ 'ਐਂਟੀ ਮਨੀ ਲੌਂਡਰਿੰਗ' ਕਾਰਵਾਈਆਂ ਜਾਰੀ ਸਨ ਜਦਕਿ ਗੇਮਿੰਗ ਰੈਗੂਲੇਟਰ ਸੰਬੰਧੀ ਚੋਟੀ ਦੇ ਬਿਊਰੋਕਰੈਟਸ ਨੇ ਇਸ ਸੰਬੰਧੀ ਫਿਕਰ ਜ਼ਾਹਿਰ ਕੀਤਾ ਸੀ।
ਉਨ੍ਹਾਂ ਕਿਹਾ ਕਿ ਸ਼ੱਕੀ ਪੈਸਾ ਸੰਗਠਿਤ ਅਪਰਾਧ ਨਾਲ ਸੰਬੰਧਤ ਮੰਨਿਆ ਜਾ ਰਿਹਾ ਸੀ।
ਇਬੀ ਨੇ ਕਿਹਾ ਕਿ ਉਹ ਇਸੇ ਨਤੀਜੇ 'ਤੇ ਪਹੁੰਚੇ ਕਿ ਇਸ ਅੰਤਰ 'ਤੇ ਪੁਖਤਾ ਜਾਣਕਾਰੀ ਲਈ ਕਾਰਵਾਈ ਕਰਨੀ ਜ਼ਰੂਰੀ ਹੈ।
ਯਾਦ ਰਹੇ ਇਸ ਮਾਮਲੇ 'ਚ ਸੂਬੇ ਦੀ ਸਾਬਕਾ ਪ੍ਰੀਮਿਅਰ ਕ੍ਰਿਸਟੀ ਕਲਾਰਕ ਦੀ ਬੀਤੇ ਹਫ਼ਤੇ ਗਵਾਹੀ ਹੋ ਚੁੱਕੀ ਹੈ।
ਸੂਬੇ ਦੀ ਸਾਬਕਾ ਅਟੌਰਨੀ ਜਨਰਲ ਅਤੇ ਜਸਟਿਸ ਮੰਤਰੀ, ਸ਼ਰਲੀ ਬੌਂਡ ਦੀ ਵੀ ਗਵਾਹੀ ਹੋ ਚੁੱਕੀ ਹੈ।
