9.27C Vancouver 9.27C VancouverNov 20, 2023 7:10 PM - The Canadian Press
ਸਟੈਟਿਸਟਿਕਸ ਕੈਨੇਡਾ ਵੱਲੋਂ ਮੰਗਲਵਾਰ ਨੂੰ ਕੰਜ਼ਿਊਮਰ ਪ੍ਰਾਈਸ ਇੰਡੈਕਸ ਰਿਪੋਰਟ ਜਾਰੀ ਕੀਤੀ ਜਾਣ ਵਾਲੀ ਹੈ, ਜਿਸ ਦਾ ਸਿੱਧਾ ਸੰਬੰਧ ਬੈਂਕ ਆਫ਼ ਕੈਨੇਡਾ ਦੇ ਅਗਲੇ ਵਿਆਜ ਦਰ ਦੇ ਫੈਸਲੇ ਨਾਲ ਹੋਵੇਗਾ।
ਇਸੇ ਦਿਨ ਫੈਡਰਲ ਸਰਕਾਰ ਫਾਲ ਐਕਨੌਮਿਕ ਸਟੇਟਮੈਂਟ ਵੀ ਜਾਰੀ ਕਰਨ ਜਾ ਰਹੀ ਹੈ।
ਰਾਹਤ ਦੀ ਗੱਲ ਇਹ ਹੈ ਕਿ ਅਰਥ ਸ਼ਾਸਤਰੀਆਂ ਨੇ ਅਕਤੂਬਰ ਦੇ ਵਿਆਜ ਦਰ ਵਿੱਚ ਹੋਰ ਕਮੀ ਹੋਣ ਦੀ ਉਮੀਦ ਜਤਾਈ ਹੈ ਜੇ ਅਜਿਹਾ ਹੁੰਦਾ ਹੈ ਤਾਂ ਸੈਂਟਰਲ ਬੈਂਕ ਫਿਰ ਤੋਂ ਵਿਆਜ ਦਰ ਹੋਲਡ 'ਤੇ ਰੱਖ ਸਕਦਾ ਹੈ।
ਮਾਹਰਾਂ ਦਾ ਕਹਿਣਾ ਹੈ ਕਿ ਗੈਸੋਲੀਨ ਕੀਮਤਾਂ ਵਿੱਚ ਗਿਰਾਵਟ ਆਈ ਹੈ ਅਤੇ ਗਰੌਸਰੀ ਕੀਮਤਾਂ ਵੀ ਬਹੁਤ ਹੌਲੀ ਵਧੀਆ ਹਨ ਲਿਹਾਜਾ ਮਹਿੰਗਾਈ ਦਰ ਹੋਰ ਘਟੇਗੀ ਜੋ ਸਤੰਬਰ ਵਿੱਚ 3.8 ਫੀਸਦੀ ਰਿਹਾ ਸੀ। ਬੈਂਕ ਆਫ ਮਾਂਟਰੀਅਲਦਾ ਅਨੁਮਾਨ ਹੈ ਕਿ ਅਕਤੂਬਰ ਦੀ ਸਾਲਾਨਾ ਮਹਿੰਗਾਈ ਦਰ ਘੱਟ ਕੇ 3.2 ਫੀਸਦੀ 'ਤੇ ਆ ਸਕਦੀ ਹੈ।
ਉੱਥੇ ਹੀ ਰਾਇਲ ਬੈਂਕ ਆਫ ਕੈਨੇਡਾ ਨੇ ਇਸ ਦੇ 3.1 ਫੀਸਦੀ 'ਤੇ ਆਉਣ ਦੀ ਸੰਭਾਵਨਾ ਜਤਾਈ ਹੈ। ਇਹ ਬੈਂਕ ਆਫ਼ ਕੈਨੇਡਾ ਲਈ ਇੱਕ ਚੰਗੀ ਖ਼ਬਰ ਹੋਵੇਗੀ ਜੋ ਕੰਜ਼ਿਊਮਰ ਪ੍ਰਾਈਸ ਗ੍ਰੋਥ ਵਿੱਚ ਹੋਰ ਹੌਲੀ ਰਫ਼ਤਾਰ ਦੀ ਉਡੀਕ ਕਰ ਰਿਹਾ ਹੈ। ਸੈਂਟਰਲ ਬੈਂਕ ਨੇ ਹਾਲ ਹੀ ਦੇ ਕਮਜ਼ੋਰ ਆਰਥਿਕ ਡਾਟਾ ਦੇ ਚੱਲਦੇ ਹੀ ਪਿਛਲੀਆਂ ਦੀਆਂ ਦੋ ਮੀਟਿੰਗਸ ਵਿੱਚ ਵਿਆਜ ਦਰ ਨੂੰ 5 ਫੀਸਦੀ 'ਤੇ ਹੋਲਡ ਰੱਖਣ ਦਾ ਫੈਸਲਾ ਕੀਤਾ ਸੀ।
