11.93C Vancouver 11.93C VancouverJun 4, 2021 3:35 PM -
ਸਟੈਟਿਸਟਿਕਸ ਕੈਨੇਡਾ ਦੀ ਸ਼ੁੱਕਰਵਾਰ ਨੂੰ ਆਈ ਰਿਪੋਰਟ ਮੁਤਾਬਕ ਕੋਵਿਡ-19 ਦੀ ਤੀਸਰੀ ਲਿਹਰ ਦੇ ਚੱਲਦਿਆਂ ਕੈਨੇਡਾ ਦੀ ਲੇਬਰ ਮਾਰਕਿਟ ਵਿੱਚ ਪਿਛਲੇ ਮਹੀਨੇ 68,000 ਨੌਕਰੀਆਂ ਦੀ ਕਟੌਤੀ ਹੋਈ ਹੈ।
ਲੇਬਰ ਫੋਰਸ ਸਰਵੇਅ ਦੇ ਡਾਟਾ ਮੁਤਾਬਕ ਬੇਰੁਜ਼ਗਾਰੀ ਦੀ ਦਰ ਵਿੱਚ ਅਪ੍ਰੈਲ ਦੀ ਤੁਲਨਾ ਵਿੱਚ ਮਈ ਵਿੱਚ ਵਾਧਾ ਦੇਖਣ ਨੂੰ ਮਿਲਿਆ ਹੈ।
ਮਈ ਵਿੱਚ ਬੇਰੁਜ਼ਗਾਰੀ ਦਰ 8.2 ਫੀਸਦੀ ਰਹੀ ਜੱਦ ਕਿ ਅਪ੍ਰੈਲ ਵਿੱਚ 8.1 ਫੀਸਦੀ ਸੀ।
ਮਈ ਵਿੱਚ ਵਧੇਰੇ ਲੋਕ ਲੇਬਰ ਫੋਰਸ ਤੋਂ ਬਾਹਰ ਹੁੰਦੇ ਨਜ਼ਰ ਆਏ, ਇਨ੍ਹਾਂ ਵਿੱਚ ਓਹ ਕਾਮੇ ਵੀ ਸ਼ਾਮਲ ਸਨ ਜਿਨ੍ਹਾਂ ਨੇ ਨਿਰਾਸ਼ ਹੋ ਕੇ ਨੌਕਰੀਆਂ ਦੀ ਭਾਲ ਨਹੀਂ ਕੀਤੀ।
ਏਜੰਸੀ ਮੁਤਾਬਕ ਪਿਛਲੇ ਮਹੀਨੇ ਨੌਕਰੀ ਲੱਭਣ ਵਾਲੇ 49,700 ਨਿਰਾਸ਼ ਵਿਅਕਤੀ ਸਨ ਜਾਂ 9.3 ਫੀਸਦੀ ਜਿਨ੍ਹਾਂ ਨੂੰ ਨੌਕਰੀ ਦੀ ਲੋੜ ਸੀ ਪਰ ਜਿਨ੍ਹਾਂ ਨੇ ਨੌਕਰੀ ਦੀ ਭਾਲ ਨਹੀਂ ਕੀਤੀ, ਜੋ ਕਿ 2019 ਦੀ 22,000 ਦੀ ਔਸਤ ਤੋਂ ਦੁਗਣੇ ਤੋਂ ਵੱਧ ਹੈ।
ਸ਼ੁੱਕਰਵਾਰ ਨੂੰ ਸਾਂਝੇ ਕੀਤੇ ਡਾਟਾ ਅਨੁਸਾਰ ਔਨਟੈਰੀਓ ਅਤੇ ਦੇਸ਼ ਦੇ ਹੋਰ ਹਿੱਸਿਆਂ ਵਿੱਚ ਕੋਵਿਡ-19 ਦੀ ਤੀਸਰੀ ਲਿਹਰ ਕਾਰਣ ਲੱਗੀਆਂ ਪਾਬੰਦੀਆ ਸਦਕਾ 25 ਤੋਂ 54 ਸਾਲ ਦੀ ਉਮਰ ਵਿਚਕਾਰ ਦੀਆਂ 28,000 ਔਰਤਾਂ ਨੇ ਮਈ ਵਿੱਚ ਨੌਕਰੀ ਦੀ ਭਾਲ ਨਹੀਂ ਕੀਤੀ।
