ਐਡਮਿੰਟਨ ਪੁਲਿਸ ਨੇ ਇੱਕ ਵਿਅਕਤੀ 'ਤੇ ਔਰਤ ਨੂੰ ਗੋਲੀ ਮਾਰ ਕੇ ਮਾਰਨ ਦਾ ਲਗਾਇਆ ਦੋਸ਼

ਐਡਮਿੰਟਨ ਪੁਲਿਸ ਨੇ ਇੱਕ ਵਿਅਕਤੀ 'ਤੇ ਇੱਕ ਔਰਤ ਨੂੰ ਗੋਲੀ ਮਾਰ ਕੇ ਮਾਰਨ ਦਾ ਦੋਸ਼ ਲਗਾਇਆ ਹੈ। ਐਡਮਿੰਟਨ ਪੁਲਿਸ ਸਰਵਿਸ ਦਾ ਕਹਿਣਾ ਹੈ ਕਿ ਇਹ ਘਟਨਾ ਸ਼ਨੀਵਾਰ ਸਵੇਰੇ 4.26 ਦੇ ਕਰੀਬ 119 ਸਟ੍ਰੀਟ ਅਤੇ ਜੈਸਪਰ ਐਵੇਨਿਊ ਦੇ ਨੇੜੇ ਵਾਪਰੀ । ਜਿੱਥੇ ਅਧਿਕਾਰੀਆਂ ਨੂੰ ਇੱਕ ਐਸ.ਯੂ.ਵੀ.ਦੇ ਅੰਦਰ ਇੱਕ ਮ੍ਰਿਤਕ ਔਰਤ ਮਿਲੀ।

ਸੋਮਵਾਰ ਨੂੰ ਹੋਏ ਪੋਸਟਮਾਰਟਮ ਤੋਂ ਬਾਅਦ ਮ੍ਰਿਤਕ ਔਰਤ ਦੀ ਪਛਾਣ 39 ਸਾਲਾ ਪ੍ਰਿਸਿਲਾ ਮੈਕਗ੍ਰੀਰ ਵਜੋਂ ਹੋਈ ਹੈ। ਪੁਲਿਸ ਨੇ ਇਸ ਮਾਮਲੇ ਵਿੱਚ 42 ਸਾਲਾ ਕਾਇਲ ਲੌਮੇਨ ਨੂੰ ਗ੍ਰਿਫਤਾਰ ਕਰਕੇ ਉਸ ਉੱਪਰ ਫਰਸਟ ਡਿਗਰੀ ਕਤਲ,ਗੰਭੀਰ ਹਮਲੇ ਅਤੇ ਪ੍ਰੋਬੇਸ਼ਨ ਦੀ ਉਲੰਘਣਾ ਦੇ ਦੋਸ਼ ਲਗਾਏ ਹਨ। ਪੁਲਿਸ ਮੁਤਾਬਕ ਕਾਇਲ ਤੇ ਮੈਕਗ੍ਰੀਰ ਇੱਕ-ਦੂਜੇ ਨੂੰ ਜਾਣਦੇ ਸਨ।