14.21C Vancouver 14.21C VancouverSep 14, 2026 1:55 PM - Connect Newsroom - Ramandeep Kaur with files from The Canadian Press
ਕੈਨੇਡਾ ਦੀ ਮਹਿੰਗਾਈ ਦਰ ਅਗਸਤ ਵਿਚ 3 ਫੀਸਦੀ 'ਤੇ ਸਥਿਰ ਦਰਜ ਹੋਈ ਹੈ। ਹਾਲਾਂਕਿ, ਸਤੰਬਰ ਦੇ consumer price index ਵਿਚ ਅਗਲੇ ਮਹੀਨੇ ਵਾਧਾ ਦੇਖਣ ਨੂੰ ਮਿਲ ਸਕਦਾ ਹੈ ਕਿਉਂਕਿ ਇਸ ਮਹੀਨੇ ਬਰੈਂਟ ਕੱਚਾ ਤੇਲ 100 ਡਾਲਰ ਪ੍ਰਤੀ ਬੈਰਲ ਤੋਂ ਪਾਰ ਹੋ ਗਿਆ ਹੈ ਅਤੇ ਇਸ ਦੇ ਨਾਲ ਹੀ ਟਰੰਪ ਵੱਲੋਂ ਲਾਗੂ ਕੀਤੇ ਗਏ 50 ਫੀਸਦੀ ਨਵੇਂ ਟੈਰਿਫਸ ਅਤੇ ਕੈਨੇਡਾ ਦੇ ਬਰਾਬਰ ਜਵਾਬੀ ਕਦਮਾਂ ਦਾ ਵੀ ਪੂਰਾ ਅਸਰ ਆਉਣ ਵਾਲੇ ਮਹਿੰਗਾਈ ਦੇ ਅੰਕਿੜਿਆਂ ਵਿਚ ਦੇਖਣ ਨੂੰ ਮਿਲੇਗਾ।
ਸੋਮਵਾਰ ਨੂੰ Statistics ਵਿਭਾਗ ਵਲੋਂ ਜਾਰੀ ਰਿਪੋਰਟ ਮੁਤਾਬਕ, ਪਿਛਲੇ ਮਹੀਨੇ ਗੈਸੋਲੀਨ ਕੀਮਤਾਂ ਹੌਲੀ ਰਫ਼ਤਾਰ ਨਾਲ ਵਧੀਆਂ ਪਰ ਈਰਾਨ ਵਿਚ ਚੱਲ ਰਹੀ ਜੰਗ ਕਾਰਨ ਇਹ ਉੱਚੀਆਂ ਰਹੀਆਂ। ਉਥੇ ਹੀ, ਰਾਹਤ ਦੀ ਗੱਲ ਇਹ ਰਹੀ ਕਿ ਜੁਲਾਈ 2024 ਤੋਂ ਬਾਅਦ ਪਹਿਲੀ ਵਾਰ ਗ੍ਰੋਸਰੀ ਕੀਮਤਾਂ ਵਿਚ ਵਾਧਾ ਮੁੱਖ ਮਹਿੰਗਾਈ ਦਰ ਤੋਂ ਘਟ ਰਿਹਾ।
ਸਟੈਟਕੈਨ ਮੁਤਾਬਕ, ਅਗਸਤ ਵਿਚ ਗ੍ਰੋਸਰੀ ਕੀਮਤਾਂ ਵਿਚ ਸਾਲ-ਦਰ-ਸਾਲ 2.8 ਫੀਸਦੀ ਦਾ ਵਾਧਾ ਹੋਇਆ,ਜਦੋਂ ਕਿ ਜੁਲਾਈ ਵਿਚ ਇਹ 3.1 ਫੀਸਦੀ ਸੀ। ਗੌਰਤਲਬ ਹੈ ਕਿ ਹੁਣ ਅੱਗੇ ਆਉਣ ਵਾਲੇ ਅੰਕੜੇ ਅਹਿਮ ਹੋਣਗੇ ਕਿਉਂਕਿ ਬੈਂਕ ਔਫ ਕੈਨੇਡਾ ਇਹ ਪਹਿਲਾਂ ਹੀ ਸੰਕੇਤ ਦੇ ਚੁੱਕਾ ਹੈ ਜੇਕਰ ਮਹਿੰਗਾਈ ਕੰਟਰੋਲ ਤੋਂ ਬਾਹਰ ਹੁੰਦੀ ਹੈ ਤਾਂ ਵਿਆਜ ਦਰਾਂ ਵਿਚ ਵਾਧਾ ਕਰਨਾ ਪੈ ਸਕਦਾ ਹੈ।
