ਐਡਮਿੰਟਨ 'ਚ ਪੁਲਿਸ ਨੇ 'ਆਪ੍ਰੇਸ਼ਨ 24 ਘੰਟਿਆਂ' 'ਚ ਦਰਜ ਕੀਤੇ 695 ਟਰੈਫਿਕ ਉਲੰਘਣਾ ਦੇ ਮਾਮਲੇ

ਐਡਮਿੰਟਨ ਪੁਲਿਸ ਅਤੇ ਸਿਟੀ ਵਲੋਂ ਓਪਰੇਸ਼ਨ 24 ਘੰਟਿਆਂ ਤਹਿਤ 15 ਮਈ ਨੂੰ 695 ਟ੍ਰੈਫਿਕ ਉਲੰਘਣਾ ਦੇ ਮਾਮਲੇ ਦਰਜ ਕੀਤੇ ਗਏ। ਪੁਲਿਸ ਮੁਤਾਬਕ ਇਨ੍ਹਾਂ ਵਿਚੋਂ 195 ਸਪੀਡ ਨਾਲ ਸਬੰਧਤ ਹਨ। ਇਸ ਦੇ ਨਾਲ ਹੀ 83 ਮਾਮਲੇ ਰੈੱਡ ਲਾਈਟ 'ਤੇ ਨਾ ਰੁਕਣ, 152 ਦਸਤਾਵੇਜ਼ ਸਬੰਧੀ ਉਲੰਘਣਾ, 111 ਖਤਰਨਾਕ ਉਲੰਘਣਾ, 5 ਬੇਧਿਆਨੀ ਦੇ ਮਾਮਲੇ ਅਤੇ ਛੇ ਅਪਰਾਧਿਕ ਕੋਡ ਡਰਾਈਵਿੰਗ ਦੇ ਮਾਮਲੇ ਵੀ ਦਰਜ ਹੋਏ ਹਨ।

ਸਾਰਜੈਂਟ ਕੈਰੀ ਬੇਟ ਮੁਤਾਬਕ ਆਟੋਮੇਟਿਡ ਟ੍ਰੈਫਿਕ ਇਨਫੋਰਸਮੈਂਟ ਲਈ ਪ੍ਰਭਾਵ ਵਿਚ ਆਈਆਂ ਤਬਦੀਲੀਆਂ ਨੂੰ ਦੇਖਦੇ ਹੋਏ ਕਿਹਾ ਜਾ ਸਕਦਾ ਹੈ ਕਿ ਇਹ ਗਿਣਤੀ ਪਿਛਲੇ ਸਾਲ ਨਾਲੋਂ ਕਾਫ਼ੀ ਘੱਟ ਹੈ।

ਏ.ਟੀ.ਈ.ਅਜੇ ਵੀ ਖੇਡ ਦੇ ਮੈਦਾਨਾਂ, ਉਸਾਰੀ ਵਾਲੀਆਂ ਥਾਵਾਂ ਅਤੇ ਕੁਝ ਰੈੱਡ ਲਾਈਟ ਵਿਚ ਮੌਜੂਦ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਉਹ ਉਲੰਘਣਾਵਾਂ ਵਾਲੇ ਇਲਾਕਿਆਂ ਦੀ ਪਛਾਣ ਕਰ ਰਹੇ ਹਨ ਅਤੇ ਟਰੈਫਿਕ ਸੁਰੱਖਿਆ ਨੂੰ ਮਜ਼ਬੂਤ ਬਣਾਉਣ ਵਿਚ ਲੱਗੇ ਹਨ।