ਐਡਮਿੰਟਨ ਪਬਲਿਕ ਸਕੂਲਜ਼ ਦਾ ਸਟਾਫ ਜਾਰੀ ਰੱਖੇਗਾ ਹੜਤਾਲ, ਨਹੀਂ ਹੋਇਆ ਸਮਝੌਤਾ

ਐਡਮਿੰਟਨ ਦੇ ਪਬਲਿਕ ਸਕੂਲਜ਼ ਦੇ ਸਟਾਫ ਵਲੋਂ ਕੀਤੀ ਜਾ ਰਹੀ ਹੜਤਾਲ ਤੀਜੇ ਹਫਤੇ ਵਿਚ ਦਾਖਲ ਹੋ ਗਈ ਹੈ। ਸਿੱਖਿਆ ਸਹਾਇਕ ਦੀ ਨੁਮਾਇੰਦਗੀ ਕਰਨ ਵਾਲੀ ਯੂਨੀਅਨ ਅਤੇ ਸਕੂਲ ਬੋਰਡ ਵਿਚਕਾਰ ਕੋਈ ਸਮਝੌਤਾ ਸਿਰੇ ਨਹੀਂ ਚੜ੍ਹਿਆ।

ਦੱਸਿਆ ਜਾ ਰਿਹਾ ਹੈ ਕਿ ਵੀਰਵਾਰ ਦੋਵੇਂ ਧਿਰਾਂ ਸਮਝੌਤੇ ਲਈ ਬੈਠੀਆਂ ਪਰ ਸਹਿਮਤੀ ਨਹੀਂ ਬਣੀ।ਯੂਨੀਅਨ ਲੀਡਰ ਚਾਹੁੰਦੇ ਹਨ ਕਿ ਬੀਤੇ 5 ਸਾਲਾਂ ਤੋਂ ਐਗਰੀਮੈਂਟ ਦੇ ਬਗੈਰ ਕੰਮ ਕਰਨ ਵਾਲੇ ਸਟਾਫ ਨੂੰ ਵਧੀਆ ਤਨਖਾਹ ਮਿਲੇ। ਵਿਚੋਲਗੀ ਕਰਵਾ ਰਹੀ ਥਰਡ ਪਾਰਟੀ 4 ਸਾਲਾਂ ਲਈ 2.75 ਫੀਸਦੀ ਵਾਧੇ ਲਈ ਕਹਿ ਰਹੀ ਹੈ ਪਰ ਯੂਨੀਅਨ ਨੂੰ ਇਹ ਘੱਟ ਲੱਗਦੀ ਹੈ।

ਸਿੱਖਿਆ ਸਹਾਇਤਾ ਸਟਾਫ਼ ਐਡਮਿੰਟਨ ਸਣੇ 4 ਵੱਖ-ਵੱਖ ਇਲਾਕਿਆਂ ਵਿਚ ਹੜਤਾਲ ਕਰ ਰਿਹਾ ਹੈ। ਕਿਹਾ ਜਾ ਰਿਹਾ ਹੈ ਕਿ ਅਗਲੇ ਕੁਝ ਹਫਤਿਆਂ ਤੱਕ ਹੜਤਾਲ ਜਾਰੀ ਰਹਿ ਸਕਦੀ ਹੈ। ਸੂਬੇ ਦੇ ਵਿੱਤ ਮੰਤਰਾਲੇ ਦਾ ਕਹਿਣਾ ਹੈ ਕਿ ਯੂਨੀਅਨ ਗੇਮ ਖੇਡ ਰਹੀ ਹੈ ਅਤੇ ਸਟਾਫ ਮੈਂਬਰਜ਼ ਨੂੰ ਫੈਸਲਾ ਕਰਨ ਹੀ ਨਹੀਂ ਦੇ ਰਹੀ।