12.71C Vancouver 12.71C VancouverSep 24, 2024 6:18 PM - The Canadian Press
ਕੈਨੇਡੀਅਨ ਸੈਲਾਨੀਆਂ ਲਈ ਮਿਸਰ ਜਲਦ ਹੀ ਈ-ਵੀਜ਼ਾ ਦੀ ਸੁਵਿਧਾ ਬਹਾਲ ਕਰਨ ਜਾ ਰਿਹਾ ਹੈ। ਪਿਛਲੇ ਸਾਲ ਅਕਤੂਬਰ ਵਿਚ ਮਿਸਰ ਨੇ ਕੈਨੇਡੀਅਨਾਂ ਲਈ ਆਨਲਾਈਨ ਜਾਂ ਮਿਸਰ ਵਿਚ ਪਹੁੰਚਣ ’ਤੇ ਵੀਜ਼ਾ ਪ੍ਰਾਪਤ ਕਰਨ ਦੀ ਸੁਵਿਧਾ ਸਸਪੈਂਡ ਕਰ ਦਿੱਤੀ ਸੀ, ਉਦੋਂ ਤੋਂ ਕੈਨੇਡੀਅਨ ਅਰਜ਼ੀ ਫਾਰਮ ਰਾਹੀਂ ਵੀਜ਼ਾ ਪ੍ਰਾਪਤ ਕਰਨ ਲਈ ਅਪਲਾਈ ਕਰ ਰਹੇ ਸਨ ਅਤੇ ਫੀਸ ਦੇ ਰੂਪ ਵਿਚ $150 ਦਾ ਭੁਗਤਾਨ ਕਰਨਾ ਪੈ ਰਿਹਾ ਹੈ।
ਈ-ਵੀਜ਼ਾ ਤਹਿਤ ਇਹ ਫੀਸ ਮਹਿਜ $35 ਡਾਲਰ ਸੀ। ਮਿਸਰ ਦੇ ਅਧਿਕਾਰੀਆਂ ਨੇ ਮੀਡੀਆ ਨੂੰ ਕਿਹਾ ਕਿ ਕੈਨੇਡਾ ਵਲੋਂ ਮਿਸਰੀ ਨਾਗਰਿਕਾਂ ਲਈ ਵੀਜ਼ਾ ਨਿਯਮ ਸਖ਼ਤ ਕੀਤੇ ਜਾਣ ਕਾਰਨ ਉਸ ਨੇ ਇਹ ਕਦਮ ਚੁੱਕਿਆ ਸੀ।
ਹਾਲਾਂਕਿ, ਇਸ ਦੀ ਪੁਸ਼ਟੀ ਨਹੀਂ ਹੋਈ। ਗਲੋਬਲ ਅਫੇਅਰ ਕੈਨੇਡਾ ਨੇ ਬਿਆਨ ਵਿਚ ਕਿਹਾ ਕਿ ਮਿਸਰ ਦੇ ਵਿਦੇਸ਼ ਮੰਤਰੀ ਬਦਰ ਅਬਦੈਲਟੀ ਨੇ ਵਿਦੇਸ਼ ਮਾਮਲਿਆਂ ਦੀ ਮੰਤਰੀ ਮੇਲਾਨੀ ਜੋਲੀ ਨਾਲ ਸੋਮਵਾਰ ਮੀਟਿੰਗ ਵਿਚ ਸਹਿਮਤੀ ਜਤਾਈ ਕਿ ਕੈਨੇਡੀਅਨਾਂ ਲਈ ਜਲਦ ਹੀ ਈ-ਵੀਜ਼ਾ ਦੀ ਸੁਵਿਧਾ ਮੁੜ ਸ਼ੁਰੂ ਕੀਤੀ ਜਾਵੇਗੀ ਅਤੇ ਇਸ ਦੀ ਘੋਸ਼ਣਾ ਆਉਣ ਵਾਲੇ ਦਿਨਾਂ ਵਿਚ ਹੋ ਸਕਦੀ ਹੈ।
