10.4C Vancouver 10.4C VancouverNov 29, 2023 6:12 PM - The Canadian Press
ਕੈਨੇਡਾ ਵਿੱਚ ਸਰਦੀ ਦੇ ਮੌਸਮ ਦੇ ਪਹਿਲੇ ਹਿੱਸੇ ਦੌਰਾਨ ਜ਼ਿਆਦਾਤਰ ਹਿੱਸਿਆਂ ਵਿੱਚ ਰਾਤਾਂ ਨੂੰ ਬਹੁਤੀ ਠੰਢ ਨਹੀਂ ਪੈਣ ਵਾਲੀ ਅਤੇ ਨਾ ਹੀ ਬਰਫ਼ ਨਾਲ ਢੱਕੀਆਂ ਢਲਾਣਾਂ ਆਮ ਮਿਲਣ ਦੀ ਸੰਭਾਵਨਾ ਹੈ।
ਦਿ ਵੈਦਰ ਨੈੱਟਵਰਕ ਦਾ ਕਹਿਣਾ ਹੈ ਕਿ ਐਲ ਨੀਨੋ ਨਾਲ ਸਰਦੀਆਂ ਦੀ ਗਰਮ ਸ਼ੁਰੂਆਤ ਹੋਈ ਹੈ, ਜਿਸ ਕਾਰਨ ਦੇਸ਼ ਦੇ ਜ਼ਿਆਦਾਤਰ ਹਿੱਸਿਆਂ ਵਿੱਚ ਖਾਸ ਤੌਰ 'ਤੇ ਪੱਛਮੀ ਅਤੇ ਸੈਂਟਰਲ ਕੈਨੇਡਾ ਵਿੱਚ ਆਮ ਨਾਲੋਂ ਵੱਧ ਤਾਪਮਾਨ ਰਹਿਣ ਦੇ ਆਸਾਰ ਹਨ। ਵੈਦਰ ਨੈੱਟਵਰਕ ਮੁਤਾਬਕ ਬ੍ਰਿਟਿਸ਼ ਕੋਲੰਬੀਆ ਅਤੇ ਪ੍ਰੇਰੀ ਸੂਬਿਆਂ ਵਿੱਚ ਇਹ ਰੁਝਾਨ ਪੂਰੀ ਸਰਦੀਆਂ ਵਿੱਚ ਰਹਿਣ ਦੀ ਉਮੀਦ ਹੈ। ਜਦਕਿ ਈਸਟ ਕੈਨੇਡਾ ਦੇ ਇਲਾਕਿਆਂ ਵਿੱਚ ਸੀਜ਼ਨ ਦੇ ਅੱਗੇ ਵੱਧਣ ਦੇ ਨਾਲ-ਨਾਲ ਵਧੇਰੇ ਪਰਿਵਰਤਨਸ਼ੀਲ ਸਥਿਤੀਆਂ ਦੇਖਣ ਨੂੰ ਮਿਲ ਸਕਦੀਆਂ ਹਨ।
ਦਿ ਵੇਦਰ ਨੈੱਟਵਰਕ ਦੇ ਮੁੱਖ ਮੌਸਮ ਵਿਗਿਆਨੀ ਕ੍ਰਿਸ ਸਕਾਟ ਨੇ ਕਿਹਾ ਕਿ ਐਲ ਨੀਨੋ ਕਾਰਨ ਕੈਨੇਡੀਅਨਜ਼ ਨੂੰ ਇਸ ਸਾਲ ਮੌਸਮ ਵਿੱਚ ਕੁੱਝ ਹੈਰਾਨੀਜਨਕ ਬਦਲਾਵ ਦਿੱਖ ਸਕਦੇ ਹਨ। ਰਿਪੋਰਟ ਮੁਤਾਬਕ ਬੀ. ਸੀ. ਵਿੱਚ ਜ਼ਿਆਦਾਤਰ ਸੀਜ਼ਨ ਆਮ ਸਰਦੀ ਦੀ ਤੁਲਨਾ ਵਿੱਚ ਨਰਮ ਅਤੇ ਸੁੱਕਾ ਰਹਿਣ ਦੀ ਸੰਭਾਵਨਾ ਹੈ।
ਉੱਥੇ ਹੀ ਅਲਬਰਟਾ ਅਤੇ ਸਸਕੈਚਵਨ ਦੇ ਕੁੱਝ ਹਿੱਸਿਆਂ ਵਿੱਚ ਆਮ ਤੋਂ ਘੱਟ ਬਰਫਬਾਰੀ ਦੇ ਨਾਲ ਪਹਿਲਾਂ ਤੋਂ ਘੱਟ ਸਰਦੀ ਪੈਣ ਦੀ ਉਮੀਦ ਹੈ। ਦਿ ਵੇਦਰ ਨੈੱਟਵਰਕ ਦੇ ਮੁਖੀ ਨੇ ਕਿਹਾ ਕਿ ਐਡਮਿੰਟਨ ਨੇ ਨਵੰਬਰ ਵਿੱਚ ਹੁਣ ਤੱਕ ਕੋਈ ਬਰਫ਼ ਨਹੀਂ ਦੇਖੀ ,ਅਜਿਹਾ ਆਖਰੀ ਵਾਰ ਲਗਭਗ 100 ਸਾਲ ਪਹਿਲਾਂ ਹੋਇਆ ਸੀ।
