13.16C Vancouver 13.16C VancouverAug 29, 2023 1:13 AM - The Canadian Press
ਨੌਰਥ ਵੈਸਟ ਟੈਰਿਟ੍ਰੀਜ਼ ਵਿੱਚ 3 ਅਕਤੂਬਰ ਨੂੰ ਵੋਟਾਂ ਪੈਣੀਆਂ ਹਨ ਪਰ ਐਮ.ਐਲ.ਏ. ਅਕਤੂਬਰ ਵਿਚ ਹੋਣ ਵਾਲੀਆਂ ਟੈਰੀਟੋਰੀਅਲ ਚੋਣਾਂ ਦੀ ਤਾਰੀਖ਼ ਅੱਗੇ ਪਾਉਣ ਬਾਰੇ ਵਿਚਾਰ-ਵਟਾਂਦਰਾ ਕਰ ਰਹੇ ਹਨ।
ਜੰਗਲੀ ਅੱਗਾਂ ਕਰਕੇ ਕਈ ਸ਼ਹਿਰਾਂ ਨੂੰ ਖ਼ਾਲੀ ਕਰਨ ਦੇ ਆਦੇਸ਼ ਜਾਰੀ ਹਨ ਅਤੇ ਲੋਕਾਂ ਦੀ ਸੁਰੱਖਿਆ ਦੇ ਮੱਦੇਨਜ਼ਰ ਨੌਰਥ ਵੈਸਟ ਟੈਰਿਟ੍ਰੀਜ਼ ਦੇ ਮੁੱਖ ਚੋਣ ਅਫਸਰ ਨੇ ਚੋਣਾਂ ਨੂੰ ਨਵੰਬਰ ਤੱਕ ਅੱਗੇ ਪਾਉਣ ਦਾ ਸੁਝਾਅ ਦਿੱਤਾ ਹੈ।
ਫ਼ਾਇਰ ਅਧਿਕਾਰੀਆਂ ਨੇ ਕਿਹਾ ਕਿ ਲੰਘੇ ਵੀਕੈਂਡ ਦੌਰਾਨ ਠੰਢੀਆਂ ਰਾਤਾਂ, ਵਧੇਰੇ ਨਮੀ ਅਤੇ ਅਨੁਕੂਲ ਹਵਾਵਾਂ ਨੇ ਯੈਲੋਨਾਈਫ਼ ਦੇ ਇਲਾਕੇ ਵਿਚ ਜੰਗਲੀ ਅੱਗ ਨੂੰ ਸ਼ਾਂਤ ਕਰਨ ਵਿੱਚ ਕੁਝ ਮਦਦ ਕੀਤੀ ਹੈ।
ਪਰ ਵਧਦੇ ਤਾਪਮਾਨ ਕਰਕੇ ਯੈਲੋਨਾਈਫ਼ ਅਤੇ ਹੇਅ ਰਿਵਰ ਇਲਾਕੇ ਵਿੱਚ ਅੱਗ ਵਧਣ ਦੀ ਸੰਭਾਵਨਾ ਹੈ।
ਨੌਰਥ ਵੈਸਟ ਟੈਰਿਟ੍ਰੀਜ਼ ਵਿੱਚ ਸਰਕਾਰ ਸਿਆਸੀ ਪਾਰਟੀਆਂ ਤੋਂ ਬਿਨਾਂ ਇੱਕ ਸਹਿਮਤੀ ਪ੍ਰਣਾਲੀ ਦੁਆਰਾ ਕੰਮ ਕਰਦੀ ਹੈ, ਜਿਸ ਵਿੱਚ ਚੁਣੇ ਗਏ ਮੈਂਬਰ ਆਪਣੇ ਵਿੱਚੋਂ ਕਿਸੇ ਇੱਕ ਨੂੰ ਪ੍ਰੀਮੀਅਰ ਚੁਣਦੇ ਹਨ।
