21.73C Vancouver 21.73C VancouverDec 17, 2025 6:34 PM - Connect Newsroom - Jasmine Singh with files from The Canadian Press
ਐਲਬਰਟਾ ਦੇ ਨਿਆਂ ਮੰਤਰੀ ਅਤੇ ਕੈਲਗਰੀ-ਕਰਾਸ ਤੋਂ ਵਿਧਾਇਕ ਮਿਕੀ ਐਮਰੀ ਵਿਰੁੱਧ ਅੱਜ ਰੀਕਾਲ ਪਟੀਸ਼ਨ ਨੂੰ ਇਲੈਕਸ਼ਨ ਐਲਬਰਟਾ ਨੇ ਅਧਿਕਾਰਤ ਤੌਰ 'ਤੇ ਪ੍ਰਵਾਨਗੀ ਦੇ ਦਿੱਤੀ ਹੈ।ਪਟੀਸ਼ਨ ਦਾਇਰ ਕਰਨ ਵਾਲੇ ਵੋਟਰਾਂ ਦਾ ਦੋਸ਼ ਹੈ ਕਿ ਮੰਤਰੀ ਐਮਰੀ ਆਪਣੇ ਹਲਕੇ ਦੇ ਲੋਕਾਂ ਦੀਆਂ ਚਿੰਤਾਵਾਂ ਵੱਲ ਧਿਆਨ ਨਹੀਂ ਦੇ ਰਹੇ ਹਨ ਅਤੇ ਅਜਿਹੀਆਂ ਨੀਤੀਆਂ ਦਾ ਸਮਰਥਨ ਕਰ ਰਹੇ ਹਨ ਜੋ ਲੋਕ ਹਿੱਤ ਵਿੱਚ ਨਹੀਂ ਹਨ।
ਮੰਤਰੀ ਐਮਰੀ ਨੇ ਕਿਹਾ ਹੈ ਕਿ ਉਹ ਆਪਣੇ ਹਲਕੇ ਦੇ ਵਿਕਾਸ ਲਈ ਵਚਨਬੱਧ ਹਨ। ਉਨ੍ਹਾਂ ਨੇ ਇਹ ਵੀ ਤਰਕ ਦਿੱਤਾ ਕਿ 'ਰੀਕਾਲ ਐਕਟ' ਗੰਭੀਰ ਨੈਤਿਕ ਉਲੰਘਣਾਵਾਂ ਲਈ ਬਣਾਇਆ ਗਿਆ ਸੀ, ਨਾ ਕਿ ਸਿਆਸੀ ਮੱਤਭੇਦਾਂ ਨੂੰ ਸੁਲਝਾਉਣ ਲਈ। ਦੱਸ ਦੇਈਏ ਕਿ ਐਮਰੀ ਇਕੱਲੇ ਅਜਿਹੇ ਵਿਧਾਇਕ ਨਹੀਂ ਹਨ। 2025 ਦੇ ਅਖੀਰ ਤੱਕ, ਯੂਨਾਈਟਿਡ ਕੰਜ਼ਰਵੇਟਿਵ ਪਾਰਟੀ (UCP) ਦੇ ਲਗਭਗ 22 ਵਿਧਾਇਕਾਂ ਵਿਰੁੱਧ ਰੀਕਾਲ ਪਟੀਸ਼ਨਾਂ ਚੱਲ ਰਹੀਆਂ ਹਨ।
ਪਟੀਸ਼ਨਰਾਂ ਕੋਲ ਹੁਣ 60 ਦਿਨਾਂ ਦਾ ਸਮਾਂ ਹੈ। ਜੇਕਰ ਉਹ ਕੈਲਗਰੀ-ਕਰਾਸ ਦੇ ਕੁੱਲ ਯੋਗ ਵੋਟਰਾਂ ਵਿੱਚੋਂ 40 ਫੀਸਦੀ ਦੇ ਦਸਤਖਤ ਇਕੱਠੇ ਕਰ ਲੈਂਦੇ ਹਨ, ਤਾਂ ਐਮਰੀ ਨੂੰ ਆਪਣੀ ਸੀਟ ਛੱਡਣੀ ਪਵੇਗੀ ਅਤੇ ਉਸ ਹਲਕੇ ਵਿੱਚ ਉਪ-ਚੋਣ ਕਰਵਾਈ ਜਾਵੇਗੀ। ਇਸ ਦੇ ਨਾਲ ਹੀ, ਇਲੈਕਸ਼ਨ ਅਲਬਰਟਾ ਨੇ ਅੱਜ ਇੱਕ ਹੋਰ ਯੂਸੀਪੀ ਵਿਧਾਇਕ ਜੈਕੀ ਆਰਮਸਟ੍ਰਾਂਗ-ਹੋਮੇਨਿਉਕ ਖਿਲਾਫ ਵੀ ਅਜਿਹੀ ਹੀ ਪਟੀਸ਼ਨ ਨੂੰ ਹਰੀ ਝੰਡੀ ਦਿੱਤੀ ਹੈ।
