23.53C Vancouver 23.53C VancouverSep 8, 2021 10:36 PM -
ਲੇਬਰ ਡੇ ਲੌਂਗ ਵੀਕਐਂਡ ਦੌਰਾਨ ਵੈਨਕੂਵਰ 'ਚ 11 ਪੁਲਿਸ ਅਫ਼ਸਰ ਜਖਮੀ ਹੋਏ ਹਨ।
ਸਾਰਜੈਂਟ ਸਟੀਵ ਐਡੀਸਨ ਨੇ ਕਿਹਾ ਕਿ ਪੁਲਿਸ ਦੀ ਨੌਕਰੀ ਮੁਸ਼ਕਿਲ ਹੈ ਅਤੇ ਹਰ ਰੋਜ਼ ਕਿੰਨੇ ਹੀ ਫਰੰਟ ਲਾਈਨ ਅਫ਼ਸਰ ਆਪਣੀ ਸੁਰੱਖਿਆ ਨੂੰ ਖਤਰੇ 'ਚ ਪਾਉਂਦੇ ਹਨ।
ਕੁਝ ਘਟਨਾਵਾਂ ਦੀ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਗਿਆ ਕਿ ਸੋਮਵਾਰ ਨੂੰ ਇੱਕ ਆਦਮੀ 'ਤੇ ਚਾਕੂ ਨਾਲ ਹਮਲਾ ਹੋਇਆ ਅਤੇ ਉਸ ਤੋਂ ਬਾਈਕ ਖੋਹ ਲਿਆ ਗਿਆ।
ਇਸ ਤੋਂ ਬਾਅਦ ਨਾਈਟ ਸਟ੍ਰੀਟ ਅਤੇ ਈਸਟ 54 ਐਵੀਨਿਊ ਕੋਲ 21 ਸਾਲਾ ਔਰਤ ਨੂੰ ਗ੍ਰਿਫਤਾਰ ਕੀਤਾ ਗਿਆ।
ਇਸ ਦੌਰਾਨ ਸ਼ੱਕੀ ਔਰਤ ਨੇ ਅਫ਼ਸਰ ਦੇ ਮੂੰਹ ਅਤੇ ਸਿਰ 'ਤੇ ਥੁੱਕ ਦਿੱਤਾ।
ਅਫ਼ਸਰ ਨੂੰ ਇਨਫੈਕਸ਼ਨ ਦੇ ਸ਼ੱਕ ਤਹਿਤ ਹਸਪਤਾਲ ਪਹੁੰਚਾਇਆ ਗਿਆ।
ਸੋਮਵਾਰ ਨੂੰ ਹੀ ਅਫ਼ਸਰਾਂ ਨੇ ਡੁੰਡਾਸ ਸਟ੍ਰੀਟ ਦੇ ਕੋਲ ਇੱਕ ਅਪਾਰਟਮੈਂਟ 'ਚ ਪਹੁੰਚ ਕੀਤੀ ਸੀ।
ਇੱਕ ਔਰਤ ਨੇ ਸ਼ਿਕਾਇਤ ਕੀਤੀ ਸੀ ਕਿ ਉਸ ਦੇ ਸਾਬਕਾ ਬੁਆਏਫਰੈਂਡ ਨੇ ਉਸ ਦੀ ਖਿੜਕੀ 'ਚ ਪੱਥਰ ਸੁੱਟੇ ਸਨ ਅਤੇ ਧਮਕਾਉਣ ਤੋਂ ਬਾਅਦ ਖੁਦ ਝਾੜੀਆਂ 'ਚ ਲੁਕ ਗਿਆ ਸੀ।
ਅਫ਼ਸਰਾਂ ਨੇ ਸ਼ੱਕੀ ਨੂੰ ਕਾਬੂ ਕਰਨ ਦੀ ਕੋਸ਼ਿਸ਼ ਕੀਤੀ ਤਾਂ ਪਤਾ ਲੱਗਿਆ ਕਿ ਸ਼ੱਕੀ ਕੋਲ ਚਾਕੂ ਹੈ ਅਤੇ ਉਸ ਦੇ ਭਰਾ ਨੇ ਇੱਕ ਅਫ਼ਸਰ 'ਤੇ ਹਮਲਾ ਕੀਤਾ ਅਤੇ ਸਿਰ 'ਤੇ ਕੂਹਣੀ ਮਾਰੀ।
ਅਫ਼ਸਰ ਨੂੰ ਸੱਟਾਂ ਲੱਗੀਆਂ ਅਤੇ ਸ਼ੱਕੀ ਨੂੰ ਜੇਲ੍ਹ ਲਿਜਾਇਆ ਗਿਆ।
ਈਸਟ ਵੈਨਕੂਵਰ 'ਚ ਪੌਵੈਲ ਸਟ੍ਰੀਟ ਕੋਲ ਦੋ ਅਫ਼ਸਰਾਂ ਨੂੰ ਇੱਕ ਸ਼ੱਕੀ ਵਿਖਾਈ ਦਿੱਤਾ ਜਿਸ 'ਤੇ ਇੱਕ ਹਿੰਸਕ ਅਪਰਾਧ ਸੰਬੰਧੀ ਬੀ.ਸੀ. ਵਾਈਡ ਵਾਰੰਟ ਜਾਰੀ ਸਨ। ਸ਼ੱਕੀ ਨੇ ਪੁਲਿਸ ਨੂੰ ਵੇਖ ਕੇ ਦੌੜਨਾ ਸ਼ੁਰੂ ਕਰ ਦਿੱਤਾ।
ਪੁਲਿਸ ਨੇ ਕੁਝ ਸਮੇਂ 'ਚ ਸ਼ੱਕੀ ਨੂੰ ਕਾਬੂ ਕਰ ਲਿਆ ਪਰ ਇਸ ਦੌਰਾਨ ਅਫ਼ਸਰਾਂ ਨੂੰ ਕੁਝ ਸੱਟਾਂ ਲੱਗੀਆਂ।
ਇੱਕ ਅਫ਼ਸਰ ਨੂੰ ਹਸਪਤਾਲ ਪਹੁੰਚਾਇਆ ਗਿਆ ਅਤੇ ਉਸ ਨੂੰ ਟਾਂਕੇ ਵੀ ਲਗਾਉਣੇ ਪਏ।
ਇਸੇ ਦੌਰਾਨ ਐਤਵਾਰ ਨੂੰ ਪੁਲਿਸ ਨੂੰ ਕਿਟਸੀਲਾਨੋ ਦੇ ਇੱਕ ਗਰੋਸਰੀ ਸਟੋਰ 'ਚ ਸੱਦਿਆ ਗਿਆ।
ਇੱਕ ਵਿਅਕਤੀ ਵੱਲੋਂ ਹਿੰਸਾ ਕਰਨ ਦੀ ਰਿਪੋਰਟ ਸੀ।
ਮੌਕੇ 'ਤੇ ਪਹੁੰਚੇ 3 ਅਫ਼ਸਰਾਂ ਨਾਲ ਧੱਕਾਮੁੱਕੀ ਹੋਈ ਜਿਸ ਦੌਰਾਨ ਇੱਕ ਅਫ਼ਸਰ ਨੂੰ ਟੱਕ ਲੱਗੇ ਅਤੇ ਕੁਝ ਝਰੀਟਾਂ ਲੱਗੀਆਂ।
ਇੱਕ ਅਫ਼ਸਰ ਨੂੰ ਗੁੱਟ 'ਤੇ ਸੱਟ ਲੱਗੀ।
ਪੁਲਿਸ ਨੇ ਜਾਣਕਾਰੀ ਦਿੱਤੀ ਕਿ ਜਨਵਰੀ ਤੋਂ ਜੁਲਾਈ ਵਿਚਾਲੇ 108 ਅਫ਼ਸਰ ਜਖਮੀ ਹੋਏ ਸਨ ਜੋ ਕਿ ਸਾਲ 2018 ਦੇ ਮੁਕਾਬਲੇ 64% ਦਾ ਵਾਧਾ ਹੈ।
