12.55C Vancouver 12.55C VancouverOct 14, 2020 2:29 AM -
ਬੀ.ਸੀ. ਲਿਬਰਲ ਲੀਡਰ, ਐਂਡਰਿਊ ਵਿਲਕਿੰਸਨ ਨੇ ਪਾਰਟੀ ਦੀ ਇੱਕ ਮੈਂਬਰ ਵੱਲੋਂ ਕੀਤੀਆਂ ਗਈਆਂ ਜਿਨਸੀ ਟਿੱਪਣੀਆਂ 'ਤੇ ਮੁਆਫੀ ਮੰਗੀ ਹੈ।
ਨੌਰਥ ਵੈਨਕੂਵਰ ਤੋਂ ਐਨ.ਡੀ.ਪੀ. ਕੈਂਡੀਡੇਟ 'ਬੌਵਿਨ ਮਾ' 'ਤੇ ਕੀਤੀ ਗਈ ਟਿੱਪਣੀ ਦੇ ਮਾਮਲੇ 'ਚ ਵਿਲਕਿੰਸਨ ਨੇ ਪਹਿਲਾਂ ਹੀ ਮੁਆਫੀ ਮੰਗਦੇ ਹੋਏ ਇੱਕ ਟਵੀਟ ਕੀਤਾ ਸੀ।
ਅੱਜ ਪ੍ਰੈਸ ਵੱਲੋਂ ਪੁੱਛੇ ਗਏ ਸਵਾਲਾਂ 'ਤੇ ਵਿਲਕਿੰਸਨ ਦਾ ਕਹਿਣਾ ਸੀ ਕਿ ਬਹੁਤ ਸਾਰੇ ਲੋਕਾਂ ਦਾ ਮੰਨਣਾ ਸੀ ਕਿ ਲਿਬਰਲ ਮੈਂਬਰ ਦੀਆਂ ਟਿੱਪਣੀਆਂ ਬੇਸੁਆਦੀ ਅਤੇ ਮਾੜੀ ਜੱਜਮੈਂਟ ਵਾਲੀਆਂ ਸਨ, ਅਤੇ ਉਨ੍ਹਾਂ ਕਿਹਾ ਕਿ ਉਹ ਖੁਦ ਵੀ ਅਜਿਹਾ ਹੀ ਸੋਚਦੇ ਹਨ।
ਉਨ੍ਹਾਂ ਕਿਹਾ ਕਿ ਉਹ ਇਨ੍ਹਾਂ ਟਿੱਪਣੀਆਂ ਤੋਂ ਪ੍ਰੇਸ਼ਾਨ ਮਹਿਸੂਸ ਕਰ ਰਹੇ ਹਨ।
ਯਾਦ ਰਹੇ ਇਹ ਟਿੱਪਣੀਆਂ, ਨੌਰਥ ਵੈਨਕੂਵਰ ਸੇਮੌਰ ਰਾਈਡਿੰਗ ਤੋਂ ਇਨਕੰਬੈਂਟ, ਜੇਨ ਥੌਰਨਥਵੇਟ ਨੇ ਕੀਤੀਆਂ ਸਨ। ਵਿਲਕਿੰਸਨ ਨੇ ਕਿਹਾ ਕਿ ਇਸ ਕਿਸਮ ਦੀਆਂ ਜਿਨਸੀ ਟਿੱਪਣੀਆਂ ਦੀ ਸਮਾਜ 'ਚ ਕੋਈ ਜਗ੍ਹਾ ਨਹੀਂ ਹੈ।
