11.85C Vancouver 11.85C VancouverDec 10, 2021 9:31 PM - The Canadian Press
ਦੇਸ਼ ਦੇ ਸਿਹਤ ਮੰਤਰੀ ਜੀਨ ਈਵ ਡੁਕਲੋਸ ਦਾ ਕਹਿਣਾ ਹੈ ਕਿ ਕੋਵਿਡ-19 ਦੇ ਓਮੀਕਰੌਨ ਵੇਰੀਐਂਟ ਦੀ ਦਸਤਕ ਨੂੰ ਇੱਕ ਵੱਡੇ ਲਾਲ ਨਿਸ਼ਾਨ ਦੀ ਤਰ੍ਹਾਂ ਵੇਖਿਆ ਜਾਣਾ ਚਾਹੀਦਾ ਹੈ।
ਉਨ੍ਹਾਂ ਕਿਹਾ ਕਿ ਇਹ ਵੇਰੀਐਂਟ ਉਨ੍ਹਾਂ ਲੋਕਾਂ ਲਈ ਖਤਰੇ ਦੇ ਨਿਸ਼ਾਨ ਜਿਹਾ ਹੋ ਸਕਦਾ ਹੈ ਜੋ ਕਿ ਕੈਨੇਡਾ ਦੇ ਬਾਹਰ ਦੀ ਯਾਤਰਾ ਕਰਨ ਦਾ ਵਿਚਾਰ ਕਰ ਰਹੇ ਹਨ।
ਡੁਕਲੋਸ ਨੇ ਕਿਹਾ ਕਿ ਕੈਨੇਡਾ ਵਿੱਚ ਫਿਲਹਾਲ ਇਸ ਵੇਰੀਐਂਟ ਦੇ ਬਹੁਤੇ ਮਾਮਲੇ ਰਿਪੋਰਟ ਨਹੀਂ ਹੋਏ ਹਨ ਪਰ ਉਨ੍ਹਾਂ ਕਿਹਾ ਕਿ ਕੈਨੇਡਾ ਦੇ ਬਾਹਰ ਦੀ ਕਹਾਣੀ ਕੁਝ ਹੋਰ ਹੈ।
ਉਨ੍ਹਾਂ ਕਿਹਾ ਕਿ ਦੇਸ਼ ਦੇ ਬਾਹਰ ਬਹੁਤ ਸਾਰੀਆਂ ਅਜਿਹੀਆਂ ਸਰਕਾਰਾਂ ਹਨ ਜੋ ਕਿ ਮੁੜ ਤੋਂ ਲੌਕਡਾਊਨ ਲਗਾ ਰਹੀਆਂ ਹਨ ਅਤੇ ਪਬਲਿਕ ਹੈਲਥ ਪਬੰਦੀਆਂ ਨੂੰ ਹੋਰ ਸਖਤ ਬਣਾ ਰਹੀਆਂ ਹਨ।
ਉਨ੍ਹਾਂ ਕਿਹਾ ਕਿ ਜਿਹੜੇ ਲੋਕ ਸਰਦੀ ਦੀਆਂ ਛੁੱਟੀਆਂ ਦੌਰਾਨ ਕਿਸੇ ਵਿਦੇਸ਼ ਯਾਤਰਾ ਦਾ ਮਨ ਬਣਾ ਰਹੇ ਹਨ ਉਨ੍ਹਾਂ ਨੂੰ ਵਾਪਸੀ ਕਰਦੇ ਹੋਏ ਪਬੰਦੀਆਂ ਅਤੇ ਅੜਿੱਕਿਆਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।
