16.99C Vancouver 16.99C VancouverNov 26, 2022 1:39 AM - The Canadian Press
ਫਰੀਡਮ ਕਾਨਵਾਈ ਪ੍ਰਦਰਸ਼ਨਾਂ ਦੌਰਾਨ ਐਮਰਜੈਂਸੀਸ ਐਕਟ ਲਾਗੂ ਕਰਨ ਦੇ ਮਾਮਲੇ 'ਚ ਚੱਲ ਰਹੀ ਪਬਲਿਕ ਇੰਕਵਾਇਰੀ 'ਚ ਅੱਜ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਗਵਾਹੀ ਦਿੱਤੀ।
ਟਰੂਡੋ ਨੇ ਦੱਸਿਆ ਕਿ ਵੱਡੀ ਗਿਣਤੀ ਵਿੱਚ ਪ੍ਰਦਰਸ਼ਨਕਾਰੀਆਂ ਵੱਲੋਂ ਦੇਸ਼ ਦੀ ਗਵਰਨਰ ਜਨਰਲ ਨੂੰ ਕਾਲਸ ਕੀਤੀਆਂ ਗਈਆਂ ਸਨ ਅਤੇ ਆਖਿਆ ਗਿਆ ਸੀ ਕਿ ਟਰੂਡੋ ਨੂੰ ਪ੍ਰਧਾਨ ਮੰਤਰੀ ਦੇ ਅਹੁਦੇ ਤੋਂ ਹਟਾਇਆ ਜਾਵੇ।
ਟਰੂਡੋ ਨੇ ਕਿਹਾ ਕਿ ਇਸ ਸੰਬੰਧ ਵਿੱਚ ਉਨ੍ਹਾਂ ਗਵਰਨਰ ਜਨਰਲ ਮੈਰੀ ਸਾਈਮਨ ਨਾਲ ਫਰਵਰੀ ਮਹੀਨੇ 'ਚ ਗੱਲਬਾਤ ਵੀ ਕੀਤੀ ਸੀ।
ਟਰੂਡੋ ਨੇ ਆਖਿਆ ਕਿ ਉਨ੍ਹਾਂ ਨੂੰ ਕੋਈ ਸ਼ੱਕ ਨਹੀਂ ਸੀ ਅਤੇ ਪੂਰਾ ਵਿਸ਼ਵਾਸ ਸੀ ਕਿ ਐਮਰਜੈਂਸੀਸ ਐਕਟ ਲਾਗੂ ਕਰਨਾ ਜ਼ਰੂਰੀ ਸੀ।
ਯਾਦ ਰਹੇ ਟਰੂਡੋ ਇਸ ਇੰਕਵਾਇਰੀ ਦੇ ਆਖਰੀ ਵਿਟਨੈਸ ਹਨ ਅਤੇ ਔਟਵਾ 'ਚ ਬਲੌਕੇਡਸ ਨੂੰ ਹਟਾਉਣ ਲਈ ਐਮਰਜੈਂਸੀਸ ਐਕਟ ਦੀ ਵਰਤੋਂ 'ਤੇ ਉਨ੍ਹਾਂ ਤੋਂ ਸਵਾਲ ਕੀਤੇ ਗਏ ਹਨ।
ਟਰੂਡੋ ਨੇ ਕਿਹਾ ਕਿ ਉਨ੍ਹਾਂ ਦਾ ਐਕਟ ਲਾਗੂ ਕਰਨ ਦਾ ਫੈਸਲਾ ਸਹੀ ਸੀ।
ਉਨ੍ਹਾਂ ਕਿਹਾ ਕਿ ਜਦ ਉਨ੍ਹਾਂ ਦੀ ਹੋਰ ਮੰਤਰੀਆਂ ਨਾਲ ਬਲੌਕੇਡਸ ਹਟਾਉਣ ਲਈ ਆਪਸ਼ਨਸ ਸੰਬੰਧੀ ਗੱਲਬਾਤ ਹੋ ਰਹੀ ਸੀ ਤਾਂ ਐਮਰਜੈਂਸੀਸ ਐਕਟ ਲਾਗੂ ਕਰਨਾ ਹਮੇਸ਼ਾ ਉਨ੍ਹਾਂ ਦੇ ਜ਼ਹਿਨ 'ਚ ਸੀ।
ਉਨ੍ਹਾਂ ਕਿਹਾ ਕਿ ਐਕਟ ਨੇ ਸਰਕਾਰ ਨੂੰ ਕੁਝ ਖਾਸ ਟੈਂਪਰੇਰੀ ਕਦਮ ਚੁੱਕਣ ਦੀ ਤਾਕਤ ਦਿੱਤੀ ਜਿਸ ਨਾਲ ਸਥਿਤੀ 'ਤੇ ਕਾਬੂ ਪਾਇਆ ਜਾ ਸਕੇ।
ਟਰੂਡੋ ਨੇ ਕਿਹਾ ਕਿ ਜੇਕਰ ਉਸ ਵੇਲੇ ਇਹ ਸਖਤ ਫੈਸਲਾ ਨਾ ਲਿਆ ਹੁੰਦਾ ਤਾਂ ਜਿਹੜੀ ਗੱਲਬਾਤ ਹੋ ਰਹੀ ਹੈ ਇਹ ਕਿਸੇ ਹੋਰ ਦਿਸ਼ਾ 'ਚ ਜਾ ਰਹੀ ਹੁੰਦੀ।
