ਸਟਰਜਨ ਕਾਊਂਟੀ ਦੀ ਜੰਗਲੀ ਅੱਗ ਕਾਰਨ ਘਰ ਖਾਲੀ ਕਰ ਗਏ ਲੋਕਾਂ ਦੀ ਜਲਦ ਹੋਵੇਗੀ ਵਾਪਸੀ

ਨੌਰਥ ਐਡਮਿੰਟਨ ਦੇ ਜੰਗਲੀ ਇਲਾਕੇ ਵਿਚ ਲੱਗੀ ਬੇਕਾਬੂ ਅੱਗ ਨੂੰ ਫਾਇਰ ਫਾਈਟਰਜ਼ ਕੰਟਰੋਲ ਕਰ ਰਹੇ ਹਨ ਅਤੇ ਲੋਕਾਂ ਨੂੰ ਜਲਦੀ ਹੀ ਘਰ ਵਾਪਸੀ ਲਈ ਔਫੀਸ਼ੀਅਲਜ਼ ਵਲੋਂ ਯੋਜਨਾ ਬਣਾਈ ਜਾ ਰਹੀ ਹੈ। ਸਟਰਜਨ ਕਾਊਂਟੀ ਦੇ ਔਫੀਸ਼ੀਅਲਜ਼ ਮੁਤਾਬਕ 32-ਵਰਗ ਕਿਲੋਮੀਟਰ ਇਸ ਮਹੀਨੇ ਅੱਗ ਵਿਚ ਝੁਲਸਿਆ। ਇੱਥੇ ਵਾਹਨ ਵਿਚ ਖਰਾਬੀ ਆਉਣ ਕਾਰਨ ਅੱਗ ਲੱਗ ਗਈ ਸੀ।

ਇਸ ਕਾਰਨ ਦਰਜਨਾਂ ਲੋਕਾਂ ਨੂੰ ਘਰ ਖਾਲੀ ਕਰਨੇ ਪਏ। ਔਫੀਸਰਜ਼ ਦਾ ਕਹਿਣਾ ਹੈ ਕਿ ਜਿਵੇਂ ਹੀ ਉਨ੍ਹਾਂ ਨੂੰ ਲੱਗੇਗਾ ਕਿ ਸਥਿਤੀ ਕੰਟਰੋਲ ਵਿਚ ਹੈ ਤਾਂ ਉਹ ਲੋਕਾਂ ਨੂੰ ਘਰਾਂ ਵਿਚ ਵਾਪਸ ਭੇਜ ਦੇਣਗੇ। ਫਿਲਹਾਲ ਕਿਸੇ ਨੂੰ ਵੀ ਇਸ ਇਲਾਕੇ ਵੱਲ ਆਉਣ ਦੀ ਇਜਾਜ਼ਤ ਨਹੀਂ ਦਿੱਤੀ ਗਈ।