23.92C Vancouver 23.92C VancouverJan 14, 2021 4:32 PM -
ਕੈਨੇਡਾ ਵਿੱਚ ਐਮਰਜੈਂਸੀ ਡਾਕਟਰਾਂ ਦਾ ਇੱਕ ਪੇਸ਼ੇਵਰ ਸਮੂਹ ਕੋਵਿਡ-19 ਟੀਕੇ ਦੀ ਵੰਡ ਬਾਰੇ ਵਧੇਰੇ ਪਾਰਦਰਸ਼ਤਾ ਚਾਹੁੰਦਾ ਹੈ।
‘ਦ ਕਨੇਡੀਅਨ ਐਸੋਸੀਏਸ਼ਨ ਆਫ ਐਮਰਜੈਂਸੀ ਫਿਜ਼ਿਸ਼ੀਅਨਜ਼’ ਵਲੋਂ ਪਹਿਲੀ ਖੁਰਾਕ ਲਈ ਤਰਜੀਹ ਦਿੱਤੇ ਜਾਣ ਵਾਲੇ ਵਿਅਕਤੀਆਂ ਦੇ ਸਪੱਸ਼ਟ ਵੇਰਵੇ ਦੀ ਮੰਗ ਕੀਤੀ ਜਾ ਰਹੀ ਹੈ।
ਸੰਸਥਾ ਇਸ ਗੱਲ ਉਤੇ ਵੀ ਜ਼ੋਰ ਦੇ ਰਹੀ ਹੈ ਕਿ ਪਹਿਲ ਉਨ੍ਹਾਂ ਲੋਕਾਂ ਨੂੰ ਦੇਣੀ ਚਾਹੀਦੀ ਹੈ ਜੋ ਗੰਭੀਰ ਤਰ੍ਹਾਂ ਬਿਮਾਰ ਮਰੀਜ਼ਾਂ ਦੀ ਦੇਖਭਾਲ ਕਰ ਰਹੇ ਹੋਣ।
ਐਸੋਸੀਏਸ਼ਨ ਦਾ ਕਹਿਣਾ ਹੈ ਕਿ ਸੀਮਤ ਸਟਾਫ ਵਾਲੇ ਐਮਰਜੈਂਸੀ ਕਮਰਿਆਂ ਦੇ ਵਿਚ ਕੰਮ ਕਰਦੇ ਕਈ ਡਾਕਟਰਾਂ ਨੂੰ ਟੀਕੇ ਉਪਲਬਧ ਨਹੀਂ ਕਰਵਾਏ ਗਏ ਅਤੇ ਨਾ ਹੀ ਇਹ ਗੱਲ ਸਪਸ਼ਟ ਕੀਤੀ ਗਈ ਹੈ ਕਿ ਉਨ੍ਹਾਂ ਨੂੰ ਵੈਕਸੀਨ ਕਦੋਂ ਲਾਏ ਜਾਣਗੇ ਪਰ ਕਈ ਸ਼ਹਿਰੀ ਇਲਾਕਿਆਂ ਵਿੱਚ ਜਿਨ੍ਹਾਂ ਡਾਕਟਰਾਂ ਦਾ ਮਰੀਜ਼ਾਂ ਨਾਲ ਸੰਪਰਕ ਘੱਟ ਹੁੰਦਾ ਹੈ, ਨੂੰ ਖੁਰਾਕਾਂ ਮਿਲੀਆਂ ਪ੍ਰਤੀਤ ਹੁੰਦੀਆਂ ਹਨ।
ਬੁੱਧਵਾਰ ਨੂੰ ਜਾਰੀ ਕੀਤੇ ਗਏ ਬਿਆਨ ਵਿਚ ਸੰਸਥਾ ਨੇ ਕਿਹਾ ਕਿ ਹੁਣ ਤੱਕ ਟੀਕਾਕਰਣ ਦੀ ਪ੍ਰਕਿਰਿਆ ਇਸ ਗੱਲ ਦਾ ਸਮਰਥਨ ਨਹੀਂ ਕਰਦੀ ਕਿ ਟੀਕਾਕਰਣ ਨੈਤਿਕ ਢੰਗ ਨਾਲ ਕੀਤਾ ਜਾ ਰਿਹਾ ਹੈ।
