17.05C Vancouver 17.05C VancouverDec 3, 2022 1:22 AM - Connect News
ਕੈਨੇਡਾ ਦੇ ਇਮੀਗ੍ਰੇਸ਼ਨ ਮੰਤਰੀ ਸ਼ੌਨ ਫਰੇਜ਼ਰ ਨੇ ਓਪਨ ਵਰਕ ਪਰਮਿਟਸ ਸੰਬੰਧੀ ਐਲਾਨ ਕੀਤਾ ਹੈ।
ਇਮੀਗ੍ਰੇਸ਼ਨ ਮੰਤਰੀ ਨੇ ਕਿਹਾ ਕਿ ਫੈਡਰਲ ਸਰਕਾਰ ਓਪਨ ਵਰਕ ਪਰਮਿਟ ਐਲੀਜੀਬਿਲਿਟੀ ਨੂੰ ਐਕਸਪੈਂਡ ਕਰਨ ਜਾ ਰਹੀ ਹੈ ਅਤੇ ਇਸ ਤਹਿਤ ਪ੍ਰਿੰਸੀਪਲ ਐਪਲੀਕੈਂਟਸ ਦੇ ਸਪਾਊਸ ਅਤੇ ਨਿਰਭਰਤਾ ਵਾਲੇ ਬੱਚੇ ਵੀ ਸ਼ਾਮਿਲ ਕੀਤੇ ਜਾਣਗੇ।
ਉਨ੍ਹਾਂ ਕਿਹਾ ਕਿ ਇਸ ਨਾਲ 200,000 ਤੋਂ ਵਧੇਰੇ ਵਰਕਰਾਂ ਨੂੰ ਮੌਕਾ ਮਿਲੇਗਾ ਜਿੰਨਾ ਦੇ ਪਰਿਵਾਰ ਇੱਥੇ ਹਨ ਜਾਂ ਇੱਥੇ ਆ ਰਹੇ ਹਨ ਕਿ ਵਰਕਰ ਆਪਣੇ ਪਰਿਵਾਰਾਂ ਨਾਲ ਰਹਿ ਸਕਣ ਅਤੇ ਉਨ੍ਹਾਂ ਨੂੰ ਸਹਿਯੋਗ ਪ੍ਰਦਾਨ ਕਰਦਿਆਂ ਉਨ੍ਹਾਂ ਤੋਂ ਦੂਰ ਰਹਿਣ ਦੀ ਲੋੜ ਨਾ ਹੋਵੇ।
ਸ਼ੌਨ ਫਰੇਜ਼ਰ ਨੇ ਕਿਹਾ ਕਿ ਫੈਡਰਲ ਸਰਕਾਰ ਦੀ ਓਪਨ ਵਰਕ ਪਰਮਿਟਸ ਸੰਬੰਧੀ ਨਵੀਂ ਨੀਤੀ ਨਾਲ ਐਂਪਲਾਇਰਸ ਲਈ ਵਰਕਰਾਂ ਦੀ ਭਾਲ ਨੂੰ ਸੌਖਾ ਬਣਾਇਆ ਜਾਵੇਗਾ ਅਤੇ ਇਸ ਨਾਲ ਪਰਿਵਾਰ ਵੀ ਇੱਥੇ ਰਹਿੰਦੇ ਸਮੇਂ ਇਕੱਠਿਆਂ ਰਹਿ ਸਕਣਗੇ।
ਇਮੀਗ੍ਰੇਸ਼ਨ ਮੰਤਰੀ ਨੇ ਕਿਹਾ ਕਿ ਇਸ ਪਾਲਿਸੀ ਬਦਲਾਅ ਨੂੰ 3 ਪੜ੍ਹਾਅ 'ਚ ਲਿਆਂਦਾ ਜਾਵੇਗਾ।
ਪਹਿਲੇ ਪੜ੍ਹਾਅ ਤਹਿਤ ਹਾਈ ਵੇਜ ਟੈਂਪਰੇਰੀ ਫੌਰਨ ਵਰਕਰ ਪ੍ਰੋਗਰਾਮ, ਇੰਟਰਨੈਸ਼ਨਲ ਮੋਬੀਲਿਟੀ ਪ੍ਰੋਗਰਾਮ ਅਤੇ ਪੋਸਟ ਗਰੈਜੂਏਟ ਵਰਕ ਪ੍ਰੋਗਰਾਮ ਜ਼ਰੀਏ ਆਉਂਦੇ ਲੋਕਾਂ ਨੂੰ ਸ਼ਾਮਿਲ ਕੀਤਾ ਜਾਵੇਗਾ ਅਤੇ ਇਹ ਨਵੇਂ ਸਾਲ 'ਤੇ ਲਾਗੂ ਹੋ ਸਕਦਾ ਹੈ।
ਦੂਜੇ ਪੜ੍ਹਾਅ ਤਹਿਤ ਘੱਟ ਵੇਜ ਵਾਲੇ ਕਾਮਿਆਂ ਨੂੰ ਐਲੀਜੀਬਲ ਬਣਾਇਆ ਜਾਵੇਗਾ।
ਇਸ ਤੋਂ ਬਾਅਦ ਤੀਜੇ ਪੜ੍ਹਾਅ ਤਹਿਤ ਐਗਰੀਕਲਚਰਲ ਵਰਕਰਾਂ ਨੂੰ ਵੀ ਇਸ 'ਚ ਸ਼ਾਮਿਲ ਕੀਤਾ ਜਾਵੇਗਾ।
ਉਨ੍ਹਾਂ ਕਿਹਾ ਕਿ ਇਸ ਪਾਲਿਸੀ ਬਦਲਾਅ ਦਾ ਦੇਸ਼ ਦੀ ਇਕਾਨਮੀ 'ਤੇ ਵੀ ਚੰਗਾ ਪ੍ਰਭਾਵ ਪਵੇਗਾ।
