15.25C Vancouver 15.25C VancouverAug 7, 2021 12:16 AM -
ਬੀ.ਸੀ. ਦੇ ਜੌਬਸ ਮੰਤਰੀ ਰਵੀ ਕਾਹਲੋਂ ਦਾ ਕਹਿਣਾ ਹੈ ਕਿ ਜੁਲਾਈ ਮਹੀਨੇ ਦੇ ਐਂਪਲਾਏਮੈਂਟ ਅੰਕੜੇ ਦਰਸ਼ਾਉਂਦੇ ਹਨ ਕਿ ਬੀ.ਸੀ. ਦੇਸ਼ ਦਾ ਇਕੱਲਾ ਸੂਬਾ ਹੈ ਜਿੱਥੇ ਪ੍ਰੀ-ਪੈਂਡੈਮਿਕ ਪੱਧਰ ਤੋਂ ਉੱਤੇ ਦੇ ਰੁਜ਼ਗਾਰੀ ਦੇ ਅੰਕੜੇ ਸਾਹਮਣੇ ਆਏ ਹਨ।
ਸਟੈਟਿਸਟਿਕਸ ਕੈਨੇਡਾ ਦਾ ਕਹਿਣਾ ਹੈ ਕਿ ਬੀ.ਸੀ. 'ਚ ਬੀਤੇ ਮਹੀਨੇ ਬੇਰੁਜ਼ਗਾਰੀ ਦਰ 6.6% 'ਤੇ ਰਹੀ ਸੀ ਜੋ ਕਿ ਜੂਨ ਦੇ ਮਹੀਨੇ ਦੇ ਬਰਾਬਰ ਹੈ।
ਕਾਹਲੋਂ ਦੇ ਦਫ਼ਤਰ ਵੱਲੋਂ ਜਾਰੀ ਇੱਕ ਬਿਆਨ 'ਚ ਦੱਸਿਆ ਗਿਆ ਕਿ ਇਹ ਕੈਨੇਡਾ ਦੇ ਸਭ ਤੋਂ ਘੱਟ ਬੇਰੁਜ਼ਗਾਰੀ ਦਰਾਂ 'ਚ ਸ਼ਾਮਿਲ ਹੈ।
ਬੀ.ਸੀ. 'ਚ ਜੁਲਾਈ ਦੇ ਮਹੀਨੇ 'ਚ ਕਰੀਬ 6,500 ਪਾਰਟ-ਟਾਈਮ ਨੌਕਰੀਆਂ ਦਾ ਨੁਕਸਾਨ ਹੋਇਆ ਪਰ ਇਸੇ ਦੌਰਾਨ 3,300 ਫੁੱਲ-ਟਾਈਮ ਨੌਕਰੀਆਂ ਸਥਾਪਿਤ ਹੋਈਆਂ ਹਨ।
ਉਨ੍ਹਾਂ ਕਿਹਾ ਕਿ ਜੁਲਾਈ ਦਾ ਅੰਕੜਾ ਦਰਸ਼ਾਉਂਦਾ ਹੈ ਕਿ ਬੀ.ਸੀ. ਯਾਤਰਾ ਦੀ ਢਿੱਲ ਤੋਂ ਬਾਅਦ ਆਵਾਜਾਈ ਵਧੀ ਹੈ।
ਹਾਲਾਂਕਿ ਰਵੀ ਕਾਹਲੋਂ ਅਨੁਸਾਰ ਅੰਤਰਰਾਸ਼ਟਰੀ ਯਾਤਰਾ 'ਤੇ ਬੈਨ ਕਾਰਨ ਕਈ ਸੈਕਟਰਾਂ 'ਚ ਗ੍ਰੋਥ ਫਿਲਹਾਲ ਰੁਕੀ ਹੋਈ ਹੈ।
